যাত্রা 28:3 - Chakma Bible

³ মুই যিদুক্কুন্‌ কাবিল্‌ কালিগররে জ্ঞানদানগোজ্যে পবিত্র আত্মালোই পূরোণ গুরি রাগেয়োং, তুই তারারে কোইদে যেনে তারা হারোণত্তে এমন্‌ একবাবোত্যে পোজাক্‌ বানান্‌ যিয়েনে তারে ধর্মগুরু ইজেবে মরে সেবা গুরিবার্‌ নাঙে যুদো গুরি রাগেব।

যাত্রা 28:3 Iomraidhean Croise

১ রাজাবলী 7:14

তা মাবো অলদে রানিমিলে আর নপ্তালি-গুট্টির ঝি। তা বাবে অলদে সোরর মানুচ্‌। হীরমে পিদল কালিগর এলঅ। হীরমে পিদলর নানান্‌ বাবোত্যে কাম জানিদো আর সে কামত্‌ তে অমকদ কাবিল এলঅ। তে রাজা শলোমন ইদু এলঅ আর তারে যেদক্কানি কাম দিয়্যে অলঅ সিয়েনি গুরিলো।

যাত্রা 35:10

“তমা ভিদিরে যিগুনে কাবিল্‌ কালিগর তারা এইনে লগেপ্রভু যিয়েনি উগুম্‌ গোজ্যে সিয়েনি বানেবাক্‌।”

যাত্রা 35:25

যে মিলেগুনে সুদো কাদিবার্‌ কামত্‌ কাবিল্‌ তারা য়েল্, বিগুনি আর রাঙা রঙয়র্‌ সুদো আর মসীনা সুদো নিজোর্‌ আদে কাবি আনিলাক্।

যাত্রা 35:30

ইয়েন পরেদি মোশি ইস্রায়েলীয়গুনোরে কলঅ‌, “লগেপ্রভু যিহূদা-গুট্টির্‌ হূরোর্‌ নাদিন্‌, অত্তাৎ ঊরির পূঅ বৎসলেলরে বেঈ নেযেয়্যে আর গোজেন আত্মায় ভরণ-পূরোণ গুরিনে তে তারে জ্ঞান, বুদ্ধি, অভিজ্ঞতা আর নানান্‌ বাবোত্যে কালিগরি কামর্‌ খেমতা দিয়্যে।”

যাত্রা 35:35

তে তারারে নানান্‌ বাবোত্যে আঢর্‌ কাম্‌, য়েল্, বিগুনি আর রাঙা রঙয়র্‌ সুদো আর মসীনা সুদোলোই সিলেইনে আড়ুক্‌ তুলিবার্‌ কাম্‌ আর তাদ কাম্‌ গুরিবার্‌ খেমতা দিলো। তারা নানান্‌ বাবোত্যে আঢ কাম্‌ গুরি পারিবাক্‌ আর নিজোর্‌ মনত্তুন্‌ নানান্‌ বাবোত্যে আড়ুক্‌অ বানেই পারিবাক্‌।

যাত্রা 36:1

“সেনত্তে কেধোক্ক্যেনগুরি এই পবিত্র তাম্বুল-ঘরান্‌ বানা পুরিবো সিয়েন্‌ বুঝিবাত্তেই লগেপ্রভু বৎসলেলরে, অহলীয়াবরে আর অন্য যিদুক্কুন্‌ কালিগররে জ্ঞান আর বুদ্ধি দুয়োন্‌ তারা যেনে লগেপ্রভুর্‌ উগুম মজিম্‌ সেই বেক্‌ কামানি গরন্‌।”

যাত্রা 36:2

ইয়েনর্ পরেদি মোশি এই কামানি গুরিবাত্তেই বৎসলেলরে আর অহলীয়াবরে ডাগিলো আর এধোক্ক্যেন বেক্‌ কাবিল্‌ কালিগরুনোরে ডাগিলো যিগুনোরে লগেপ্রভু কাম্‌ গুরিবার্‌ খেমতা দিয়্যে আর যিগুনে মনত্তুন্‌ সাড়া পেইয়োন।

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

ইফিষীয় 1:17

তবনা গুরিবার অক্তত্ মুই তমা কধা ভুলি ন-যাং। মুই তবনা গরং যেন আমার্ প্রভু যীশু খ্রীষ্টর্ গোজেন, অত্তাৎ সেই গৌরবময় বাবা তমারে আত্মিক জ্ঞান আর বুঝিবার খেমতা দান গরে, যাতে তুমি তারে আরঅ গমেডালে জানি পারঅ।

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।