যাত্রা 28:15 - Chakma Bible

¹⁵ মর্‌ উগুমানি জানিবাত্তে বুগ-ঢাগনি বানেই নেযা পুরিবো। ইয়েন্‌ অবঅ‌ এক্কান্‌ কাবিল্‌ আঢর্ কাম্‌। এফোদ ধোক্ক্যেন ইয়েন্অ বানেই দিয়্যে পুরিবো সনা আর য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোলোই।

যাত্রা 28:15 Iomraidhean Croise

যাত্রা 25:7

এফোদ আর বুগ্‌-ঢাগনী উগুরে বোজেবাত্তে বৈদূর্যমণি আর অন্য মংগা পাত্তর্।

যাত্রা 26:1

মর্‌ থেবার্‌-তাম্বুলান্‌ দশ কট্টা কাবড়্‌লোই বানেই দিয়্যে পুরিবো। কট্টানি পাগেয়্যে মসীনা সুদো আর য়েল্, বিগুনি আর রাঙা রঙর্‌ সুদোলোই বানেই দিয়্যে পুরিবো। কাবিদেং কালিগর্‌লোই সিয়েনি ভিদিরে করূপ্পুনোর্‌ ফোটু বুনিই নেযেবা।

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 28:16

ইয়েন অবঅ‌ লাম্বান্দি আধা আত্‌ আর পাদাজ্যেন্দি আধা আত্‌ এক্কান চের্‌কুন্যে দ্বিভাজ্‌ গোজ্যে কাবড়্‌।

যাত্রা 28:30

বুগ্‌-ঢাগনিগানর্ ভাজঅ ভিদিরে থবে উরীম আর তুম্মীম। সেক্কে হারোণে যেক্কে লগেপ্রভুর্‌ মুজুঙোত্‌ আঝিল্ অবঅ‌ সেক্কে সিয়েনি তার্‌ বুগোত্‌ থেবঅ। সেক্কে হারোণে লগেপ্রভুর মুজুঙোত্‌ আমিঝে ইস্রায়েলীয়গুনোত্তেই মর্‌ উগুমানি জানিবার্‌ উপায় ইজেবে তার্‌ বুগোত্‌ রাগেব।

যাত্রা 28:4

তার্‌ এই পোজাগ ভিদিরে থেবঅ‌ বুক-ঢাগনি, এফোদ, বারেন্দি উরিবার্‌ সিলুম্‌, চেক্‌ কাবড়র্‌ ভিদিরেন্দি সিলুম্‌, খবং আর কমরত্‌-বানোনি। তর্‌ ভেই হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারাত্তেই পবিত্র পোজাক্‌ বানেই নেযেবে।

যাত্রা 28:6

এফোদ্‌তো (এক বাবোত্যে লাম্বা সিলুম্‌)বানা পুড়িবোদে সনা আর য়েল্, বেগুনি আর রাঙা রংয়র্‌ সুদো আর পাগেয়্যে মসীনা সুদোলোই। ইবে অবঅ‌ এক্কো কাবিলোর্‌ আদর্‌ কাম্‌।

যাত্রা 29:5

পরেদি সেই বিশেষ কাবড়্‌-চুগোরানি নেযেইনে হারোণরে ভিদিরে সিলুম্মো, এফোদ তলে উরিবার্‌ লাম্বা সিলুম্‌, এফোদ আর বুক্‌ ঢাগনিগান্‌ উরেই দিবে। কাবিল্‌ আত্তোই‌ বুন্যে কমর্‌ বাননিগান সমারে এফোদ্‌তো বানি দিবে।

লেবীয় 8:8

তা উগুরে তে বুগ-ঢাগনিগান্‌ উরেই দিইনে তা ভিদিরে ঊরীম আর তুম্মীম রাগেল।