যাত্রা 28:11 - Chakma Bible

^11-12 কালিগরুনে যেধোক্ক্যেন মংগা পাত্তরত্‌ খোদাই গুরিনে সীলমহর্‌ বানান্‌ ঠিগ্‌ সেধোক্ক্যেন গুরি সেই দ্বিবে পাত্তর উগুরে ইস্রায়েলর্‌ পূঅগুনোর্‌ নাঙানি লিগি রাগা পুরিবো। পাত্তর্‌ দ্বিবে সনার্‌ জালি উগুরে বোজেইনে এফোদ কলার ফিতেগান লগে বানি দিয়্যে পুরিবো। এই দ্বিবে পাত্তরে লগেপ্রভুর্‌ মুজুঙোত্‌ ইস্রায়েলীয়গুনোরে তুলি ধুরিবাক্। লগেপ্রভু যেনে তারা উগুরে খিয়েল রাগায়্‌ সেনত্যেই হারোণে এই নাঙানি লগেপ্রভুর্‌ মুজুঙোত্‌ তার্‌ দ্বিয়েন কানা উগুরে তুলিনে বুয়োই নেযেব।

যাত্রা 28:11 Iomraidhean Croise

ইয়োব 19:24

যুনি পাত্তরর্‌ ফলগত্‌ লুয়োর্‌ যন্ত্র আর সীজেলোই জিংকানিবর্‌ সিয়েন্‌ খোদাই গোজ্যে থেদঅ!

যাত্রা 28:10

তারার্‌ জর্ম মজিম পর্‌ পর্‌ ছগান্‌ নাঙ্‌ এক্কো পাত্তরত্‌ আর বাগি ছগান্‌ নাঙ্‌ অন্য পাত্তরত্‌ লিগি রাগা পুরিবো।

যাত্রা 28:21

ইস্রায়েলর্‌ বারবো পূঅত্তে বেক্কুনে বারবো পাত্তর্‌ থেবাক্। সিগুনোর্‌ পত্তি বারবো গুট্টির্‌ এক্কান গুরি নাঙ্‌ খোদাই গোজ্যে থেবঅ‌, যেধোক্ক্যেন গুরি সীলমহর্‌ খোদাই গরা অয়।

যাত্রা 28:25

এফোদ মুজুঙেদি কলার ফিতেগান উগুরে সনার্‌ যে জালিগানি থেবঅ‌ সেই জালিগানি লগে শিগলর্‌ অন্য কট্টাবো আক্‌সোই দিবা।

যাত্রা 28:36

এক্কান খাটি সনার্‌ পাত বানেইনে সিয়েন উগুরে সীলমহর্‌ খোদাই গরেদে ধোক্ক্যেন গুরি এই কধানি লিগি নেযেবে; লগেপ্রভুর্‌ নাঙে যুদো গুরি রাগানা।

যাত্রা 39:13

আর চের্‌ লম্বর সুরোত্‌ পোখরাজ, বৈদূর্যমণি আর সূর্যকান্তমণি। পাত্তরুন্‌ সনার্‌ জালি জালি উগুরে বজা অলঅ‌।

যাত্রা 39:18

এফোদর্‌ মুজুঙেন্দি কলার ফিতেন উগুরে সনার্‌ জালিগান লগে শিগোলর্‌ অন্য কট্টাবো আক্‌সো দিয়্যে অলঅ‌।

যাত্রা 39:6

সে পরেদি তারা সনার্‌ জালি উগুরে দ্বিবে বৈদূর্যমণি বোজেলাক্। যেধোক্ক্যেন গুরিনে সীলমহ্‌রুন খোদাই গুরিনে বানা অয় সেধোক্ক্যেন গুরি সে পাত্তরুনো উগুরে ইস্রায়েলর্‌ পূঅগুনোর্‌ নাঙানি খোদাই গুরিনে সিয়েনি এফোদর্‌ কলার ফিতেগানি লগে বানি দিয়্যে অলঅ‌। লগেপ্রভু ইস্রায়েলীয়গুনো উগুরে মনযোগ্‌ দিবো, ইয়েনই অলঅ‌ এই পাত্তর্‌ দ্বিবের্‌ উদ্দেশ্য। লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন বেক্কানি গরা অলঅ‌।

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ফগদাং পেইয়্যে 7:2

পরেদি মুই আরঅ এক্কো স্বর্গদূতোরে পূগেন্দিত্তুন্ উদি এত্তে দেগিলুং। তাইধু জেদা গোজেনর্ সীলমহ্‌র এলঅ। যে চেরজন স্বর্গদূতোরে পিত্‌থিমী আর সাগরানরে ক্ষতি গুরিবার খেমতা দিয়্যে ওইয়্যে সেই চেরজন স্বর্গদূতোরে তে রঅ ছাড়িনে কলদে,