যাত্রা 27:16 - Chakma Bible

¹⁶ “উদোনর্ দোরানত্তে চের্‌বো খুদো, চের্‌বো টেঙ-টগ্ আর কুড়ি আত লাম্বা এক্কান্‌ পর্দা থেবঅ‌। পর্দাগান্‌ অবঅ‌ য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান নক্‌শা গোজ্যে জিনিস।”

যাত্রা 27:16 Iomraidhean Croise

গীতসংহিতা 45:14

আড়ুক্ তুল্যে পজাক্কোই তারে রাজার ইদু নেযা অবঅ; তা পিজেন্দি থেইয়্যে গাবুজ্যে সমাজ্যেগুনোরেয়ো তইদু নেযা অবঅ।

যাত্রা 26:31

য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান্‌ পর্দা বানেবে। কাবিল্ কালিগর্‌লোই সিয়েন উগুরে করূপ্পুনোর্‌ ফোটুগুন বুনিবা।

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 27:17

উদোনর্‌ চেরোকিত্তে বেক্‌ খুদোগুনোত্‌ রূবোর্‌ হুক্ আর বানিবার-পাত্‌ আর পিদোলর্‌ টেঙ-টগ্ থেবাক্।

যাত্রা 28:39

ধর্মগুরুবোর্‌ ভিদিরেদি সিলুম্মো বানা পুড়িবোদে মসীনা সুদোর্‌ চেক্‌ কাবড়লোই আর খবঙান্‌ বানেবেদে সেই এক্কুই সুদোলোই। কমরত্‌-বাননিগান্‌ অবদে এক্‌ বাবোত্যে নক্‌শা গোজ্যে জিনিস।

যাত্রা 36:37

তাম্বুল দোরানত্তেয়ো সিলেইনে আড়ুক্‌ বানেয়্যে ধোক্ক্যেন গুরি য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান্‌ পর্দা বানা অলঅ‌।

যাত্রা 39:29

তারার্‌ কমর-বানোনিগানি পাগেয়্যে মসীনা সুদো আর য়েল্, বিগুনি আর রাঙা রংয়র্‌ সুদোলোই বানা অলঅ‌। ইয়েন্‌ এক্কান্‌ নক্‌শা গোজ্যে জিনিস লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন গুরি বেক্কানি গরা অলঅ‌।

গণাণা 3:26

উদোনর্‌ পর্দাগানি, থেবার্‌-তাম্বুলান আর পূজোবোর্‌ চেরোকিত্তে যে উদোনান্‌ আঘে সিয়েনত্‌ চুমিবার্‌ দোরো পর্দাগান্‌ আর থেবার্‌-তাম্বুলোর বেক্‌ দুড়িগানি দেগাশুনো গরানা আর ইয়েনি সমারে অন্য বেক্‌ কামানি গরানা।

বিচের গুরিয়্যেগুন 5:30

“হামাক্কাই তারা লুদেয়্যে জিনিস পেইয়োন্‌ আর ভাগা-ভাগি গত্তন্‌ নিজো ভিদিরে; পত্তি মরদত্তেই এক্কো বা দ্বিবেদ্দরে মিলে আর সীষরাত্তে রাঙা কাবড়-চুগোর্‌, ফুল্‌‌বলা রাঙা কাবড়-চুগোর্‌, গত্তনাবোর্‌ চেরোকিত্তে দোল্‌ গুরিনে ফুল তুল্যে কাবড়-চুগোর- ইয়েনিই কি তারা লুদেনেই ন-পান”