যাত্রা 26:6 - Chakma Bible

⁶ সে পরেন্দি পঞ্চাশ্‌ছুয়ো সনার ফাল্‌ বানেইনে সিগুন্‌ হেবাবো ভিদিরেন্দি ভোরেইনে সেই দাঙর্‌ কট্টা দ্বিবে আক্‌সো দিয়্যে পুরিবো। সেক্কে দ্বিবে দাঙর্‌ কট্টালোই এক্কান থেবার-তাম্বুল অবঅ‌।

যাত্রা 26:6 Iomraidhean Croise

যাত্রা 26:11

সে পরেন্দি পিদোল্লোই পঞ্চাশ্‌ছুয়ো ফাল্‌ বানেইনে সিগুন্‌ কুঝিগোর্‌ ভিদিরেন্দি ভোরেইনে সেই দাঙর্‌ কট্টা দ্বিবে একলগে আক্‌সো দিয়্যে পুরিবো। সেক্কে দাঙর্‌ কট্টা দ্বিবে মিজেইনে এক্কান তাম্বুলোর্ ঢাগনি অবঅ‌।

যাত্রা 26:33

পর্দাগান উগুরে মসীনা কাবড়্‌ত লাগেয়্যে হেবাবোর্‌ তলে দুলি থেবঅ। এই পর্দাগানর্‌ পিজেন্দি সাক্ষ্য-সুন্দুক্কো রাগেবা। পর্দাগান্‌ দাঙর্‌ পবিত্র জাগাত্‌ আর পবিত্র জাগানর্‌ সংমোধ্যেত্তুন্‌ দ্বিয়েন্‌ জাগারে ফারক্‌ গুরি রাগেব।

যাত্রা 26:5

এধোক্ক্যেনগুরি পঞ্চাশ্‌ছুয়ো কুঝিক্‌ পত্তম দাঙর্‌ কত্তাবোর্‌ কাজান্দি আর পঞ্চাশ্‌ছুয়ো কুঝিক্‌ দ্বিলম্বর কট্টাবোর্‌ কাজাত্‌ থেবঅ‌। দ্বিবে দাঙর্‌ কট্টার্‌ এই কুঝিক্কুন্‌ এক্কো আর এক্কোর্‌ ঠিগ্ উগুদোগুরি থেবাক্।

যাত্রা 26:7

থেবার-তাম্বুল উগুরেন্দিগান্‌ ঢাগি দিবাত্তে ছাগলর্‌ কেশ্‌ছোই বুড়্‌গী ধোক্ক্যেন গুরি এগারবো কট্টা বুনি নেযা পুরিবো।

যাত্রা 35:11

সিগুন অলঅ থেবার-তাম্বুল আর সিয়েনি উগুরেদি ছালান্‌; বেক্‌ হেবাগুন্, ফ্রেমানি, লাগাড়াগুন, খুদোগুন আর টেং-বদঙুন্‌;

যাত্রা 36:13

সে পরেদি পঞ্চাশছুয়ো সনার্‌ হেবা বানেইনে সিগুনোরে কুঝিগো ভিদিরে ভোরেইনে সেই দাঙর্‌ কট্টা দ্বিবেরে আক্‌সো দিয়্যে অলঅ‌। সেক্কে দ্বিবে দাঙর্‌ কট্টালোই এক্কান থেবার্‌-তাম্বুল অলঅ‌।

যাত্রা 36:18

সে পরেদি পিদোল্লোই পঞ্চাশ্‌ছুয়ো হেবা বানেইনে সে দাঙর্‌ কট্টা দ্বিবে একলগে আক্‌সো দিয়্যে অলঅ‌। সেক্কে দাঙর্‌ কট্টা দ্বিবে মিজেইনে এক্কান তাম্বুল-ঢাগনি অলঅ‌।

যাত্রা 39:33

পরেদি তারা সেই থেবার্‌-তাম্বুলানত্যে বানেয়্যে বেক্কানি মোশি ইদু নেযেলাক্। সিয়েনি অলঅ‌ থেবার-তাম্বুলান আর তার্ পযাপিরানি, হেবা, ফ্রেম, লাগাড়া, খুদো আর টেং-বদঙ্‌;

ইফিষীয় 4:16

গোদা কিয়্যেগান এমন্‌ গুরিনে বান্ন্যে আঘেদে যে, পত্তি ভাগ্‌কানি যার্ যার্ জাগাত থেইনে কিয়্যেগান সমারে এগত্তর্ থায়। পত্তি ভাগে যেক্কে গমেডালে কাম্ গরে সেক্কে গোদা কিয়্যেগান মাঢাবো চাল্লই বাড়ি উদে আর কোচ্‌পানার্ মাধ্যমে নিজোরে গাঢেই তুলে।