যাত্রা 26:36 - Chakma Bible

³⁶ তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 26:36 Iomraidhean Croise

২ শমূয়েল 7:6

মিসর দেজত্তুন্‌ ইস্রায়েলীয়গুনোরে নিগিলেই আনিবার্‌ দিন্নোত্তুন্‌ ধুরি এচ্ছে সং মুই দঅ কনঅ ঘরত্‌ বজত্তি ন-গরং। মুই তাম্বুলোত্‌ থেইনে এক্কান্‌ থেবার্‌ জাগাত্তুন্‌ আরেক্কান থেবার জাগাত্ যেইয়োং।

গীতসংহিতা 78:60

শীলোত তার যে থেবার-তাম্বুলান এলঅ সিয়েন তে ছাড়ি দিলো; ইয়েন সে তাম্বুলান যিয়েন তে মান্‌জ্য ইদু থিদেবর্ গোজ্যে।

যাত্রা 26:31

য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান্‌ পর্দা বানেবে। কাবিল্ কালিগর্‌লোই সিয়েন উগুরে করূপ্পুনোর্‌ ফোটুগুন বুনিবা।

যাত্রা 27:16

“উদোনর্ দোরানত্তে চের্‌বো খুদো, চের্‌বো টেঙ-টগ্ আর কুড়ি আত লাম্বা এক্কান্‌ পর্দা থেবঅ‌। পর্দাগান্‌ অবঅ‌ য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান নক্‌শা গোজ্যে জিনিস।”

যাত্রা 28:15

মর্‌ উগুমানি জানিবাত্তে বুগ-ঢাগনি বানেই নেযা পুরিবো। ইয়েন্‌ অবঅ‌ এক্কান্‌ কাবিল্‌ আঢর্ কাম্‌। এফোদ ধোক্ক্যেন ইয়েন্অ বানেই দিয়্যে পুরিবো সনা আর য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোলোই।

যাত্রা 28:39

ধর্মগুরুবোর্‌ ভিদিরেদি সিলুম্মো বানা পুড়িবোদে মসীনা সুদোর্‌ চেক্‌ কাবড়লোই আর খবঙান্‌ বানেবেদে সেই এক্কুই সুদোলোই। কমরত্‌-বাননিগান্‌ অবদে এক্‌ বাবোত্যে নক্‌শা গোজ্যে জিনিস।

যাত্রা 35:11

সিগুন অলঅ থেবার-তাম্বুল আর সিয়েনি উগুরেদি ছালান্‌; বেক্‌ হেবাগুন্, ফ্রেমানি, লাগাড়াগুন, খুদোগুন আর টেং-বদঙুন্‌;

যাত্রা 35:15

লুদিক্‌ সুদ্দো ধূপ-পূজো; অভিষেক-তেল আর তুম্বাস ধূপ; থেবার্‌-তাম্বুলর্‌ দোরানর্ পর্দানি;

যাত্রা 36:37

তাম্বুল দোরানত্তেয়ো সিলেইনে আড়ুক্‌ বানেয়্যে ধোক্ক্যেন গুরি য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান্‌ পর্দা বানা অলঅ‌।

যাত্রা 38:18

উদোনর্‌ দোরানত্তেয়ো এক্কান্‌ পর্দা বানা অলঅ‌। ইয়েন্‌ য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোর্‌ এক্কান্‌ নক্‌শা গোজ্যে জিনিস। এই পর্দাগান্‌ কুড়ি আত্‌ লাম্বা আর উদোনর্‌ অন্য পর্দা ধোক্ক্যেন পাঁচ আত্‌ উজু গুরি বানা অলঅ‌।

যাত্রা 39:29

তারার্‌ কমর-বানোনিগানি পাগেয়্যে মসীনা সুদো আর য়েল্, বিগুনি আর রাঙা রংয়র্‌ সুদোলোই বানা অলঅ‌। ইয়েন্‌ এক্কান্‌ নক্‌শা গোজ্যে জিনিস লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন গুরি বেক্কানি গরা অলঅ‌।

যাত্রা 39:33

পরেদি তারা সেই থেবার্‌-তাম্বুলানত্যে বানেয়্যে বেক্কানি মোশি ইদু নেযেলাক্। সিয়েনি অলঅ‌ থেবার-তাম্বুলান আর তার্ পযাপিরানি, হেবা, ফ্রেম, লাগাড়া, খুদো আর টেং-বদঙ্‌;

যাত্রা 40:5

সাক্ষ্য-সুন্দুগোর্‌ মুজুঙোত্‌ সনার্‌ ধূপ-পূজোবো রাগেবে আর থেবার্‌ তাম্বুলর দোরানত্‌ পর্দা টাঙেবে।

যিহিষ্কেল 16:10

মুই তর্ কিয়্যেনত্ নক্‌শা গোজ্যে কাবড় দিলুং আর টেঙত্ শুগর চামর্ দোল্ জদা পিনেলুং। মুই তঅ মাঢাবোত্ পাদল্ মসীনা কাবড় উরেই দিলুং আর রেশম কাবড়লোই তরে ঢাগি দিলুং।

গণাণা 3:25

মিলন-তাম্বুল পৌইদ্যেনে গের্শোনীয়গুনোর্‌ দায়িত্তো এলঅ থেবার-তাম্বুলান, তা উগুরে বিজেইয়ে ছাগল কেজর্‌ ঢাগনি, তা উগুরে ছাল্‌ দ্বিয়েন, মিলন-তাম্বুলত চুমিবার্‌ দোরানর পর্দাগান্‌,

গণাণা 9:15

যেদিন্যে থেবার-তাম্বুলান, অত্তাৎ সাক্ষ্য-তাম্বুলান তুলো অলঅ সেদিন্যে সিবে লগেপ্রভুর মেঘ্‌কান্দোই নাঢা গেলঅ। সাজোন্যাত্তুন্‌ ধুরি বেন্যেমাদান্ সং থেবার-তাম্বুলান উগুরেগান্‌ সেই মেঘ্‌কান আগুনো ধোক্কেন্ দেগা গেলঅ।

যোহন 10:9

মুয়ই দুয়োরান্। যুনি কেঅ মঅ মাধ্যমে ভিদিরেদি সমে সালে তে উদ্ধোর্ পেবঅ। তে ভিদিরে এবঅ আর বারেদি যেবঅ আর চরত্ হেবার্ জাগা পেবঅ।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।