যাত্রা 26:33 - Chakma Bible

³³ পর্দাগান উগুরে মসীনা কাবড়্‌ত লাগেয়্যে হেবাবোর্‌ তলে দুলি থেবঅ। এই পর্দাগানর্‌ পিজেন্দি সাক্ষ্য-সুন্দুক্কো রাগেবা। পর্দাগান্‌ দাঙর্‌ পবিত্র জাগাত্‌ আর পবিত্র জাগানর্‌ সংমোধ্যেত্তুন্‌ দ্বিয়েন্‌ জাগারে ফারক্‌ গুরি রাগেব।

যাত্রা 26:33 Iomraidhean Croise

১ রাজাবলী 6:16

তবনা-ঘর ভিদিরে দাঙর্ পবিত্র জাগা নাঙে ইক্কো ভিদিরে গুদি বানেবাত্তে তে তবনা-ঘরর্‌ পিচ্চো ভাগত্ কুড়ি আত্‌ জাগা তলেত্তুন্‌ ধুরি দোন্‌দোমা সং এরস গাজ তক্তালোই ফারক্‌ গুরি নেযেল।

১ রাজাবলী 8:10

পবিত্র জাগাত্তুন্‌ ধর্মগুরুগুনে নিগিলি এজানার পরেন্দি লগেপ্রভুর ঘরর ভিদিরেন্দিগান মেঘ্‌কোই নাঢা গেলঅ।

১ রাজাবলী 8:6

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগানত্‌, তবনা-ঘরর্ ভিদিরে গুদিবোত্‌, অত্তাৎ দাঙর্ পবিত্র জাগানত্‌ করূবপুনোর মিলি দিয়্যে ডুয়োগানির্‌ তলে নেযেইনে রাগেলাক্।

২ বংশধর 3:8

সে পরেন্দি তে দাঙর্ সুদ্ধো-সাংগ জাগায়ান্‌ বানেল। সিয়েন্‌ ঘরানর্‌ পাদাজ্যে অনুসারে কুড়ি আত্‌ পাদাজ্যে আর কুড়ি আত্‌ লাম্বা গরা অলঅ। তেইশ্‌ টন চেরশত্‌ কেজি গম্‌ সোনালোই তে ভিদিরেন্দিগান্‌ বেড়েই দিলো।

যাত্রা 25:16

যে সাক্ষ্য-ফলক্কো মুই তরে দিম্‌ সিবে তুই এই সুন্দুগো ভিদিরে রাগেবে।

যাত্রা 26:32

সেই পর্দাগান্‌ বাব্‌লা তক্তার্‌ চেরবো খুদো লগে লাগেয়্যে সনার্‌ হুগোত্তুন্‌ দুলেই দিয়্যে পুরিবো। খুদোগুন্‌ সনালোই বেড়েই দিয়্যে পুরিবো আর সিগুন্‌ রূবোর্‌ টেং-টগ উগুরে থিয়্যেই‌ থেবাক্।

যাত্রা 27:10

সেই পর্দাগানি ঠাঙেবাত্তে কুড়িবো খুদো থেবাক্। খুদোগুনোর্‌ তলে থেবাক্‌ এক্কো গুরি পিদোলর্‌ টেং-টগ্, আর খুদোগুনোর্ লগে লাগেয়ে থেবাক্‌ রূবোর্‌ হুক্‌ আর বানিবার-পাত।

যাত্রা 27:21

এই মিলন-তাম্বুলর্‌ সাক্ষ্য-সুন্দুগো মুজুঙোত্‌ যে পর্দাগান্‌ থেবঅ‌ সেই পর্দাগানর্‌ বারেদি হারোণ আর তার্‌ পূঅগুনে সাজোন্যেত্তুন্‌ ধুরি বেন্যেমাদান সং লগেপ্রভুর্‌ মুজুঙোত্‌ চেরাক্কুন্‌ দেগাশুনো গুরিবাক্। ইস্রায়েলীয়গুনে যেনে বংশর্‌ পর্‌ বংশ্‌ ধুরিনে আজল সুদোম্‌ ইজেবে ইয়েনি পালন গরন্‌।

যাত্রা 36:36

সেই পর্দাগানত্তেই চের্‌বো বাব্‌লা তক্তার্‌ খুদো বানা অলঅ‌ আর খুদোগুন্‌ সনালোই বেড়েই দিয়্যে অলঅ‌। সেই খুদোগুনোত্তেই কয়েক্কো সনার্‌ হুক্ বানা অলঅ‌ আর খুদোগুন্‌ বোজেবাত্তেই চের্‌বো রূবোর্‌ টেং-বদঙ্‌ বানা অলঅ‌।

যাত্রা 40:21

পরেন্দি লগেপ্রভুর উগুম মজিম্‌ তে সুন্দুক্কো থেবার -তাম্বুল ভিদিরে নেযেল আর পর্দাগান্‌ দুলে দিইনে সিবে ঢাগি রাগেল।

যাত্রা 40:3

সে ভিদিরে সাক্ষ্য-সুন্দুক্কো রাগেইনে তার্‌ পর্দাগান্‌দোই সিবে নাঢি দিবে।

যিহিষ্কেল 41:4

সে পরেদি তে ভিদিরে গুদিবোর্ মাপ্ নেযেল; সিবে লাম্বাদি এলঅ কুড়ি আত্ আর পাদাজ্যেদি এলঅ কুড়ি আত্ । তে মরে কলঅ, “ইয়েনই দাঙর্ সুুদ্ধো-সাংগ জাগা।”

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।