যাত্রা 26:10 - Chakma Bible

¹⁰ পত্তম দাঙর্‌ কট্টাবো একডাগেদি পাদাজ্যে কাজাগান ধুরিনে পঞ্চাশ্‌ছুয়ো কুঝিক্ বানেই দিয়্যে পুরিবো; দ্বিলম্বর্‌ দাঙর্‌ কট্টাবোদ্অ‌ ঠিগ্ সেধোক্ক্যেন গরা পুরিবো।

যাত্রা 26:10 Iomraidhean Croise

যাত্রা 26:11

সে পরেন্দি পিদোল্লোই পঞ্চাশ্‌ছুয়ো ফাল্‌ বানেইনে সিগুন্‌ কুঝিগোর্‌ ভিদিরেন্দি ভোরেইনে সেই দাঙর্‌ কট্টা দ্বিবে একলগে আক্‌সো দিয়্যে পুরিবো। সেক্কে দাঙর্‌ কট্টা দ্বিবে মিজেইনে এক্কান তাম্বুলোর্ ঢাগনি অবঅ‌।

যাত্রা 26:4

পত্তম দাঙর্‌ কট্টাবোর্‌ এক ডাগেদি কাজাগান্‌ ধুরিনে য়েল্ সুদোলোই কয়েক্কো কুঝিক্‌ বানেবা। দ্বিলম্বর্‌ দাঙর্‌ কট্টাবোদ্অ‌ ঠিগ্ সেধোক্ক্যেন গরা পুরিবো।

যাত্রা 26:9

সিয়োত্তুন্‌ পাচ্চো কট্টা এগত্তর্‌ গুরিনে এক্কো দাঙর্‌ কট্টা গরা পুরিবো। বাগী ছোবুয়ো কট্টা এগত্তর্‌ গুরি নেযেনে আরঅ‌ এক্কান দাঙর্‌ কট্টা গরা পুরিবো। এই দাঙর্‌ কট্টাবো ভিদিরে যে কট্টাবো বেশ্‌ থেবঅ‌ সিয়েন তাম্বুল মুজুঙেন্দি দ্বিভাজ্‌ গুরি দিয়্যে পুরিবো।

যাত্রা 36:12

এবাবোত্যেগুরি পঞ্চাশ্‌ছুয়ো কুঝিক্‌ পত্তম দাঙর্‌ কট্টাবোর্‌ কাজান্দি আর পঞ্চাশ্‌ছুয়ো কুঝিক্‌ দ্বিলম্বর দাঙর্‌ কট্টাবোর্‌ কাজাকুরেন্দি বানা অলঅ‌। এই দ্বিবে দাঙর্‌ কট্টাবোর্‌ কুঝিক্কুন্‌ এক্কো আর এক্কোর্‌ ঠিগ উগুদোগুরি থেলাক্‌।