যাত্রা 24:7 - Chakma Bible

⁷ সে পরেদি তে সুদোম-লেখ্যে বোইবো নেযেইনে মানুচ্চুনোরে পোড়েই শুনেল। ইয়েনর জোবত্‌ মানুচ্চুনে কলাক্, “আমি বাধ্য থেবং আর লগেপ্রভু যিয়েনি যিয়েনি কোইয়্যে সিয়েনি বেক্কানি পালন গুরিবোং।”

যাত্রা 24:7 Iomraidhean Croise

১ রাজাবলী 8:9

ইস্রায়েলীয়গুনে মিসর দেজত্তুন্‌ নিগিলি এজানার পরেন্দি লগেপ্রভু হোরেব মুড়োবোত্‌ তারাত্তে যেক্কে সুদোম থিদেবর্ গুরি দিলো সেক্কে মোশি সুন্দুগো ভিদিরে যে পাত্তর আরুগ্ দ্বিবে রাগেয়্যে সে দ্বিবে বাদে আর কিচ্ছু সিবে ভিদিরে ন-এলাক্।

২ বংশধর 15:14

তারা হুজিয়ে রঅ ছাড়িনে আর তূরী আর শিংগা বাজেইনে লগেপ্রভু ইদু দাঙর্‌ দাঙর্‌ রঅ গুরিনে শমক্‌ খেলাক্‌।

গীতসংহিতা 50:5

তে কোইয়্যেদে,“মর্ সেই ভক্তগুনোরে মইদু এগত্তর্ গর্, যিগুনে য়েমান্-উৎসর্বর মাধ্যমে মর্ থিদেবর গোজ্যে সুদোমান মানি লোইয়োন।”

গীতসংহিতা 78:36

মাত্তর্ তারা সেক্কেনে মুয়োন্দি ছলনা গুরিলাক্, জিল্লোই তাইদু মিজে কধা কলাক্।

যাত্রা 19:8

এই কধানি শুনিনে বেক্‌ মানুচ্চুনে এক সমারে কলাক্কে, “লগেপ্রভু যিয়েনি কোইয়্যে আমি সিয়েনি বেক্কানি গুরিবোং।” মানুচ্চুনে যিয়েনি কলাক্‌ মোশি যেইনে সিয়েনি লগেপ্রভুরে জানেল।

যিরমিয় 34:13

মুই ইস্রায়েলর গোজেন লগেপ্রভু কঙর্, মুই যেক্কে তমা পুরোণি মানুচ্চুনোরে মিসরত্তুন, চাগর্ কাদানা দেজত্তুন্ নিগিলেই আন্যং সেক্কে তারাত্তে এ সুদোমান থির্ গুরিনে কোইয়োং,

যিরমিয় 42:6

আমি যাইধু তরে পাদের্ আমি আমার সেই গোজেন লগপ্রভুর কধার বাধ্য অবং-সিয়েন আমার মনত্‌পোজ্যে ওক বা ন-ওক। যুনি আমি আমার গোজেন লগেপ্রভুর বাধ্য ওই সালে আমার গম্ অবঅ।”

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

মালাখি 2:10

আমা বেক্কুনোর্ বাপ্‌‌‌‌পো কি একজন নয়? এক্কো গোজেনে কি আমারে ন-বানায়? সালে আমি কিত্তে একজন আর একজন লগে বেঈমানি গুরিনে আমা পূরোণি মানুচ্চুনোত্তে থিদেবর্ গোজ্যে সুদোমান অসর্মান গুরিই।

প্রেরিত্‌ 13:15

পবিত্র বোইবোর্ রীতি-সুদোম আর ভাববাদীগুনোর্ বোইবোত্তুন্ পড়ানা থুম্ অলে পরেদি সমাজ-ঘরর্ নেতাগুনে তারারে কোই পাধেলাক্, “ভেইলগ্, মানুচ্চুনোরে উচ্চোমি দিবাত্যে যুনি কনঅ কধা থায় সালে কঅ।”

কলসীয় 4:16

তমা ভিদিরে এ চিধিয়ান পড়ানা থুম্ অলে পরেদি লায়দিকেয়ার মন্ডলীবোরেয়ো এ চিধিয়ান পড়িবাত্যে দুয়ো, আর লায়দিকেয়া মন্ডলীবোরে যে চিধিগান পাধা অবঅ সিয়েন-অ তুমি পোজ্জ্য।

১ থিষলনীকীয় 5:27

মুই প্রভুর্ নাঙে তমারে এই উগুমান দোঙর্, এ চিধিগান যেন বেক্‌ ভেইয়ুনো ইধু পড়িনে শুনো অয়।

যিহোশূয় 24:24

সেক্কে বেক্কুনে যিহোশূয়রে কলাক্‌, “আমি আমার গোজেন লগেপ্রভুরে সেবা গুরিবোং আর তার্‌ উগুমানি পালেবং।”