যাত্রা 24:18 - Chakma Bible

¹⁸ মুড়োবো বেঈ উদদে উদদে মোশি সেই মেঘ ভিদিরে সোমেলগোই। তে চোল্লিশ্‌ দিন আর চোল্লিশ্‌ রেত্‌ সং সেই মুড়োবোত্‌ রলঅ‌।

যাত্রা 24:18 Iomraidhean Croise

১ রাজাবলী 19:11

সেক্কে লগেপ্রভু কলঅ, “তুই বারেন্দি যেইনে মুড়োবো উগুরে মঅ মুজুঙোত্ থিয়্যে।” সে অক্তত্‌ লগেপ্রভু সে পথ্‌তানন্দি যার্‌, আর তা মুজুঙোন্দি এক্কান জদবদে দরমর বোইয়্যের্‌ মুড়োগুনোরে চিরিনে দ্বিভাগ গুরিলো আর বেক্ পাত্তরুন ভাঙিনে কট্টা কট্টা গুরিলো, মাত্তর্‌ সে বোইয়্যেরান ভিদিরে লগেপ্রভু ন-এলঅ। সে বোইয়্যেরান পরেন্দি এক্কান্‌ ভূজোল্‌ বেলঅ, মাত্তর্‌ সে ভূজোলান ভিদিরেয়ো লগেপ্রভু ন-এলঅ।

১ রাজাবলী 19:8

সেনত্তে তে উদিনে হেলঅ। সে হানাগান হেই বল্‌ ওইনে তে চোল্লিশ দিন আর চোল্লিশ রেত্‌ আদিনে গোজেন মুড়ো হোরেবত্‌ যেইনে লুমিলো।

যাত্রা 19:20

লগেপ্রভু সিনাই মুড়োবো মাদাথ্‌ লামি এইনে মোশিরে ডাগিলো আর মোশি মুড়োবো উগুরে উদিলোগোই।

যাত্রা 24:17

ইস্রায়েলীয়গুনোর্‌ চোগোত্‌ লগেপ্রভুর মহিমাগান জোল্‌-জোল্যে আগুনো ধোক্ক্যেন ওইনে মুড়োবোর্‌ মাদাথ্‌ দেগা দিলো।

যাত্রা 25:1

লগেপ্রভু মোশিরে কলঅ‌,

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 34:28

সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্‌ এলঅ‌। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্‌ আরুগ্ দ্বিবে উগুরে তার্‌ সুদোমর্‌ কধানি আরঅ‌ লিগি দিলো, আর সিয়েনিই অলঅ‌ সেই দশ্‌ছান্‌ উগুম্‌।

যাত্রা 9:29

মোশি তারে কলঅ, “শঅরত্তুন্‌ নিগিলি যেইনে মুই লগেপ্রভু ইধু আত্তানি মিলিনে তবনা গুরিম। সেক্কে আগাজ বাজঅ থামেব, শিল আর্‌ ন-পড়িবাক্। ইয়েন্দোই তুই বুঝি পারিবেদে, পিত্‌থিমীগান্‌ লগেপ্রভুর।

যাত্রা 9:33

ইয়েন পরেদি মোশি ফরৌণ ইত্তুন্‌ গেলগোই। শঅরত্তুন্‌ নিগিলিনে তে লগেপ্রভু ইধু আঢ্‌তানি মিলিনে তবনা গুরিলো। সেক্কে আগাজ বাজ্ পড়ানা আর শিল্‌ পড়ানা থামেল। মাদি উগুরে ঝড় পড়ানায়ো থামেল।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

মথি লেখ্যে গম্ হবর্ 4:2

সিধু তে চল্লিশ দিন আর চল্লিশ রেত্ উবোস্ থানার পরেদি যীশুর পেট্ পুরের্।

মার্ক 1:13

সেই ধূল্যেচর-চাগালাত্ চল্লিশ দিন ধুরিনে শদানে যীশুরে লুভ্ দেগেইনে পাপত্ ফেলেবার চেট্ট্যা গরা ধুরিলো। সিয়েনত্ বোউত্ ঝার্‌বো এ্যামান্ এলাক্, আর স্বর্গদূত্তুনে যীশুরে সেবা যত্তন্ গুরিলাক্।

দ্বি’লম্বর বিররণ 10:10

আগঅ ধোক্ক্যেন সেক্কেয়ো মুই চোল্লিশ দিন আর চোল্লিশ রেত্‌ মুড়োবো উগুরে এলুং আর সে বারদ্অ লগেপ্রভু মঅ কধানি শুন্ন্যে। তমারে ভস্ত গুরি দিবার্‌ আওজ্ তার্‌ ন-এলঅ।

দ্বি’লম্বর বিররণ 5:31

মাত্তর্‌ তুই ইয়োত্‌ মইদু থাক। মুই তরে সে বেক্‌ উগুমানি, আইন আর সুদোমানি দিম্‌ যিয়েনি তত্তুন্‌ তারারে শিগা পুরিবো, যেনে গজক্ গুরিবাত্তে যে দেজ্‌ছান মুই তারারে দিবাত্তে যাঙর্‌ সিদু তারা সিয়েনি পালন গুরিনে চলন্‌।

দ্বি’লম্বর বিররণ 9:18

লগেপ্রভুর চোগেদি ভান্ন্যেই এধোক্ক্যেন বেক্‌ পাপ্পানি গুরিনে তুমি তার্‌ রাগ্‌কান জাগেই দুয়ো বিলিনে মুই আগঅ ধোক্ক্যেন আরঅ চোল্লিশ দিন আর চোল্লিশ রেত্‌ লগেপ্রভুর মুজুঙোত্‌ আদু পাড়িনে পড়ি রোলুং; পানি বা পিদে কিচ্ছু মুয়োত্‌ ন-দিলুং।

দ্বি’লম্বর বিররণ 9:25

লগেপ্রভু তমারে ভস্ত গুরি দিবার্‌ কধা কোইয়্যে বিলিনে মুই সে চোল্লিশ দিন আর চোল্লিশ রেত্‌ সং লগেপ্রভুর মুজুঙোত্‌ আদুপাড়িনে পুড়ি রোইয়োং।

দ্বি’লম্বর বিররণ 9:9

লগেপ্রভু যে সুদোমান তমাত্যে থিদেবর্ গোজ্যে সেই সুদোমান লেখ্যে পাত্তরর্‌ ফলগত্‌ দ্বিবে গুজি লবাত্তে মুই মুড়ো উগুরে উদিনে চোল্লিশ দিন আর চোল্লিশ রেত্‌ সিয়োদোই এলুং। সেক্কে মুই পানি বা পিদে কিচ্ছু ন-খাং।