যাত্রা 24:16 - Chakma Bible

¹⁶ আর সিনাই মুড়োবো উগুরে লগেপ্রভুর্‌ মহিমাগান ঠিগ্ ওই রলঅ‌। ছয়দিন সং মুড়োবো মেঘ চাক্কোই ঢাক্কে রলঅ। সে পরেন্দি সাত দিনোত্‌ সেই মেঘ ভিদিরেত্তুন্‌ লগেপ্রভু মোশিরে ডাগিলো।

যাত্রা 24:16 Iomraidhean Croise

গীতসংহিতা 99:7

তে মেঘ চাগত্তুন্ তারা সমারে কধা কদঅ; তারা তার কধানি আর তার দিয়্যে উগুমানি পালেদাক্।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যাত্রা 20:10

মাত্তর্‌ সাত্‌ দিন্নো অলঅ‌ তমার গোজেন লগেপ্রভুর্‌ নাঙে জিরেবার্‌ দিন। সেদিন্যে তুমি, তমার ঝি-পূঅগুন, তমা চাগর্‌-চাগরানিগুন, তমার য়েমানুন্ বা তমার শঅরত্‌ আর আদামত্‌ বজত্তি গোজ্যে অন্য জাদর্‌ মানুচ্চুন, আজল্‌ কধা, কনজনে কনঅ‌ কাম্‌ গরানা ন-চুলিবো।

যাত্রা 24:17

ইস্রায়েলীয়গুনোর্‌ চোগোত্‌ লগেপ্রভুর মহিমাগান জোল্‌-জোল্যে আগুনো ধোক্ক্যেন ওইনে মুড়োবোর্‌ মাদাথ্‌ দেগা দিলো।

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

লেবীয় 9:23

ইয়েনর্ পরেদি মোশি আর হারোণে মিলন-তাম্বুলো ভিদিরে গেলাক্। সিয়োত্তুন্‌ নিগিলি এইনে তারা মানুচ্চুনোরে আশিদ্‌বাদ গুরিলাক্‌। সেক্কে বেক্‌ মানুচ্চুনো মুজুঙোত্ লগেপ্রভুর্ মহিমাগান্ দেগা দিলো।

লেবীয় 9:6

মোশি সেক্কে তারারে কলঅ, “লগেপ্রভুর্ মহিমা যেন তমা মুজুঙোত্ ফগদাঙ্‌ পায়্‌ সেনত্তে তে তমারে এদক্কানি গুরিবার উগুম্‌ দিয়্যে।”

গণাণা 14:10

মাত্তর্‌ দলর বেক্কুনে যিহোশূয় আর কালেবরে পাত্তর্‌ মেলা দিইনে মারে ফেলেবার কধা কুয়া ধোজ্যন। সেক্কে মিলন-তাম্বুলোত্তুন বেক্‌ ইস্রায়েলীয়গুনোর্‌ মুজুঙোত্‌ লগেপ্রভুর মহিমা দেগা দিলো।

গণাণা 16:42

মাত্তর্‌ যেক্কে সমাজর্‌ বেক্‌ মানুচ্চুনে মোশি আর হারোণর বিপক্ষে এগত্তর্ ওইনে মিলন-তাম্বুলো ইন্দি ঘুরিনে থিয়্যেলাক্‌ সেক্কে অদাদৎ্‌ মিলন-তাম্বুলান সে মোক্ক্যেন্দি ঢাগি গেলঅ আর লগেপ্রভুর মহিমা ফুদি উদিলো।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।