যাত্রা 24:14 - Chakma Bible

¹⁴ তে বুড়ো মাই-মুরুব্বীগুনোরে কোই গেলঅ, “আমি ফিরি ন-এজানা সং তুমি ইয়োদোই বাজ্জেই থাগঅ। হারোণ আর হূরে তমা সমারে থেলাক্। কোল্-কোজ্যে বাজে‌লে মানুচ্চুনে যেনে তারা ইদু যান্।”

যাত্রা 24:14 Iomraidhean Croise

পত্থম 22:5

সেক্কে তে তা চাগরুনোরে কলঅ, “তুমি গাধাবোলোই ইয়োত্ থাগঅ; মঅ পুয়োবোলোই আমি সিদু যেবং। সিদু আমার উবোসনা থুম্ গুরিনে আরঅ আমি তমা ইদু ফিরি এবং।”

যাত্রা 17:10

মোশি যিহোশূয়োরে যিয়েনি কোইয়্যে তে সিয়েনোই গুরিলো। তে অমালেকীয়গুনো বিরুদ্ধে যুদ্ধো গুরিবাত্তে গেলঅ‌। সে ভিদিরে মোশি, হারোণ আর হূরে সেই মুড়োবোর্‌ মাদা উগুরে যেইনে উদিলাক্‌।

যাত্রা 17:12

এধোক্ক্যেনগুরি মোশির্‌ আত্তান্‌ গুয়োর্‌ ওই গেলঅ। সেক্কে তারা এক্কো পাত্তর্‌ আনিলাক্, আর মোশি সিবে উগুরে বজিলো। হারোণ আর হূরে দ্বি দাগেত্তুন্‌ তার্‌ আত্তান উজু গুরিনে ধুরি রাগেলাক্‌। সেনে বেলান্‌ ন-ডুবে সং তার্‌ আত্‌ দ্বিয়েন্‌ আগঅ ধোক্ক্যেন রলঅ‌।

যাত্রা 18:16

কনঅ‌ কোল্‌-কোজ্যে দেগা দিলে তারা মইদু এজন্‌ আর মুই দ্বিয়ো পক্ষেদি বিচের্‌ গরং, আর গোজেনর সুদোম আর উগুম তারারে বুঝেই দুয়োং।”

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

১ শমূয়েল 10:8

“তুই মর্‌ আগেন্দি লামিনে গিল্‌গলত্‌ যাহ্। মুই পুজ্যে-উদোলোলি-উৎসর্বর অনুষ্ঠান গুরিবাত্তে তইদু এচ্ছোং। মুই ন-এজানা সং তুই সাত দিন সং মত্তে বাজ্জেই থেবে। মুই এইনে কোম্‌ তত্তুন্‌ কি গরা পুরিবো।”