যাত্রা 24:12 - Chakma Bible

¹² সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যাত্রা 24:12 Iomraidhean Croise

১ রাজাবলী 19:11

সেক্কে লগেপ্রভু কলঅ, “তুই বারেন্দি যেইনে মুড়োবো উগুরে মঅ মুজুঙোত্ থিয়্যে।” সে অক্তত্‌ লগেপ্রভু সে পথ্‌তানন্দি যার্‌, আর তা মুজুঙোন্দি এক্কান জদবদে দরমর বোইয়্যের্‌ মুড়োগুনোরে চিরিনে দ্বিভাগ গুরিলো আর বেক্ পাত্তরুন ভাঙিনে কট্টা কট্টা গুরিলো, মাত্তর্‌ সে বোইয়্যেরান ভিদিরে লগেপ্রভু ন-এলঅ। সে বোইয়্যেরান পরেন্দি এক্কান্‌ ভূজোল্‌ বেলঅ, মাত্তর্‌ সে ভূজোলান ভিদিরেয়ো লগেপ্রভু ন-এলঅ।

ইষ্রা 7:10

ইষ্রা লগেপ্রভুর রীদি-সুদোম পড়িবার, সিয়েনি পালেবার আর তার্ সুদোম আহ্ উগুম ইস্রায়েল দেশত্ শিক্ষ্যে দিবাত্তে নিজোরে গোজেই দিলো।

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

যাত্রা 19:3

পরেদি মোশি মুড়ো উগুরে গোজেন ইদু উদিলো। সে অক্তত্‌ লগেপ্রভু মুড়োবো উগুরেত্তুন্‌ তারে ডাগিনে কলঅ, “তুই যাকোবর্‌ বংশধর্‌ ইস্রায়েলীয়গুনোরে কোই দে,

যাত্রা 24:15

মোশি মুড়োবোত্‌ উদিবার্‌ অক্তত্‌ মুড়োবো মেঘঅ চাক্কোই নাঢা গেলঅ‌,

যাত্রা 24:18

মুড়োবো বেঈ উদদে উদদে মোশি সেই মেঘ ভিদিরে সোমেলগোই। তে চোল্লিশ্‌ দিন আর চোল্লিশ্‌ রেত্‌ সং সেই মুড়োবোত্‌ রলঅ‌।

যাত্রা 24:2

মাত্তর্‌ তুই গায়্‌ গায়্‌ মইদু উজেই এবে, অন্যগুনে ন-এবাক্। ইগুনে বাদে অন্য ইস্রায়েলীয়গুনে যেনে তঅ সমারে উদি ন-এজন্‌।”

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 34:1

ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

মথি লেখ্যে গম্ হবর্ 5:19

সেনত্তে উগুমানি ভিদিরে চিগোন্ এক্কান উগুম্অ যে কনজনে অমান্য গরে আর মান্‌‌জ্যরে সিয়েনি অমান্য গুরিবাত্তে শিক্ষ্যে দে তারে স্বর্গ-রেজ্যত্ বেগত্তুন্ চিগোন্ বিলি কুয়ো অবঅ। মাত্তর্ যে কনজনে সে উগুমানি মানে আর শিক্ষ্যে দে তারে স্বর্গ-রেজ্যত্ দাঙর্ কুয়ো অবঅ।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

২ করিন্হীয় 3:7

পাত্তরত্ লেগা যে বেবস্থাগানর্ ফলে মরণান্ এজে সেই বেবস্থাগান দিবার্ সময়োত্ গোজেনর্ মহিমাগান ফগদাং ওইয়্যে। সেক্কে মোশির মুয়োন্অ গোজেনর্ মহিমালোই জ্বোল্‌জোল্ল্যে ওইয়্যে। সেই জ্বোল্‌জোল্ল্যেগান যুনিয়ো লারে লারে কুমি যার্ তো ইস্রায়েলীগুনে মোশির মুয়ো ইন্দি রিনি চেই ন-পারন্।

দ্বি’লম্বর বিররণ 4:14

যর্দন গাঙান্‌ পার্‌ ওইনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ যেইনে তমার্‌ যে সুদোম আর রীদি-সুদোমানি পালন গুরিনে চলা পুরিবো সিয়েনি তমারে শিগেবাত্তে সে সলাবোত্‌ লগেপ্রভু মরে উগুম্‌ দিয়্যে।

দ্বি’লম্বর বিররণ 5:22

সে মুড়োবো উগুরে আগুন, মেঘ আর ঘুর্‌গুজ্যে আন্ধার ভিদিরেত্তুন্‌ লগেপ্রভু এ উগুমানি তমা বেক্কুনো ইদু রঅ ছাড়িনে ফগদাং গোজ্যে। ইয়েনি বাদে তে তমা ইদু আর কিজু ন-কয়। পরেদি তে সিয়েনি দ্বিবে পাত্তর আরুগো উগুরে লিগিনে মইদু দিলো।

দ্বি’লম্বর বিররণ 5:31

মাত্তর্‌ তুই ইয়োত্‌ মইদু থাক। মুই তরে সে বেক্‌ উগুমানি, আইন আর সুদোমানি দিম্‌ যিয়েনি তত্তুন্‌ তারারে শিগা পুরিবো, যেনে গজক্ গুরিবাত্তে যে দেজ্‌ছান মুই তারারে দিবাত্তে যাঙর্‌ সিদু তারা সিয়েনি পালন গুরিনে চলন্‌।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।