যাত্রা 24:1 - Chakma Bible

¹ পরেদি লগেপ্রভু মোশিরে কলঅ, “হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বী আর তুই মইদু উদোগি। এবার্‌ অক্তত্‌ তুমি দূরোত্তুন্‌ মাদা নিগিরিনে মরে ভোক্তি সর্মান জানেবা।

যাত্রা 24:1 Iomraidhean Croise

১ বংশধর 6:3

অম্রাম পুয়োগুন অলাক্‌ হারোণ, মোশি আর মরিয়ম। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

যাত্রা 19:20

লগেপ্রভু সিনাই মুড়োবো মাদাথ্‌ লামি এইনে মোশিরে ডাগিলো আর মোশি মুড়োবো উগুরে উদিলোগোই।

যাত্রা 19:24

সেক্কে লগেপ্রভু মোশিরে কলঅ‌, “তুই তলেন্দি লামি যাগোই। সে পরেন্দি তুই আর হারোণে আরঅ‌ উগুরে উদি এজগোই। মাত্তর্‌ ধর্মগুরুগুনে বা মানুচ্চুনে যেনে দুঝি ভাঙিনে মইদু উদি ন-এজন্‌। সিয়েন্‌ গুরিলে মুই তারারে জদবদে সাজা-দিম্‌।”

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যাত্রা 20:21

মানুচ্চুনে দূরোত্‌ ঠিয়্যেই রলাক্‌ আর মোশি গোজেন ইদু সেই ঘন মেঘ ইন্দি উজেই গেলঅ‌।

যাত্রা 24:15

মোশি মুড়োবোত্‌ উদিবার্‌ অক্তত্‌ মুড়োবো মেঘঅ চাক্কোই নাঢা গেলঅ‌,

যাত্রা 24:2

মাত্তর্‌ তুই গায়্‌ গায়্‌ মইদু উজেই এবে, অন্যগুনে ন-এবাক্। ইগুনে বাদে অন্য ইস্রায়েলীয়গুনে যেনে তঅ সমারে উদি ন-এজন্‌।”

যাত্রা 24:9

ইয়েন পরেদি মোশি, হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বীগুনে মুড়োবো উগুরে উদিনে ইস্রায়েলীয়গুনোর্‌ গোজেনরে দেগিলাক্। তা টেঙর্‌ তলে এলঅ‌ জোক্‌জোক্যে আগাজ ধোক্ক্যেন নীলকান্তমণিলোই বানেয়্যে পাক্কা ধোক্ক্যেন কিজু এক্কান।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যাত্রা 34:2

বেন্যেমাদান্ যুক্কোল্‌ ওইনে তুই সিনাই মুড়োবোত্‌ উদিবে। সিদু মুড়োবো মাদাত্‌ তুই মঅ মুজুঙোত্‌ আঝিল্ অবে।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

যিহিষ্কেল 8:11

সিগুনো মুজুঙোত্ থিয়্যেই আগন্ ইস্রায়েলীয়গুনোর সত্তুর্ জন নেতা আর তারা ভিদিরে থিয়্যেই আগেদে শাফনর পুয়ো যাসনিয়। তারার্ পত্তিজনর আঢত্ এক্কো গুরি আগর্‌বাট্টির্ টগ্ এলঅ আর সিগুনোত্তুন্ আগর্‌বাট্টির্ ধূমো মেঘ্‌কানি উগুরেদি উদের্।

গণাণা 11:16

লগেপ্রভু মোশিরে কলঅ, ইস্রায়েলীয়গুনো ভিদিরে যিগুনোরে তুই নেতা আর সর্মানিত মানুচ্‌ বিলি জানচ্‌ তারা ভিদিরেত্তুন্‌ সত্তুরজন বুড়ো নেতারে মইদু আন্‌। তুই তারারে মিলন-তাম্বুলো ইদু এইনে তঅ সমারে থিয়্যেবাত্তে কঅ‌।

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 10:17

সেই সত্তুর্‌‌জন শিচ্চ্য হুজিয়ে ফিরি এইনে কলাক্, “প্রভু, তঅ নাঙান্ ধুরিনে কলে ভান্ন্যেই আত্মাগুনেয়ো আমা কধা শুনোন্।”

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।