যাত্রা 23:8 - Chakma Bible

⁸ ঘুষ ন-হেবা, কিত্তে যার্‌ চোগ আঘে তারেয়ো ঘুষে চোগ্‌ কান গুরিদে। ঘুষ গম্‌ মান্‌জ্যর্‌ কধাত্‌‌অ‌ প্যাজাল্‌ লাগেই দে।

যাত্রা 23:8 Iomraidhean Croise

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 26:10

তারার আঢত্ আগেদে ভান্ন্যেয়র্ ফন্দি, তারার্ ডেন্ আঢ্‌তান্ ঘুজ্‌চোই ভরা।

গম্ উপদেজ্ 15:27

লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

গম্ উপদেজ্ 17:23

বিচের রায়ান ঘুরেই দিবাত্তে পাজি মান্‌জ্যে লুগেই রাগেয়্যে ঘুষ্ লয়।

গম্ উপদেজ্ 17:8

যে মানুচ্চো ঘুষ্ দে তাইদু সিয়েন ভাগ্যত্তে পাত্তর ধোক্ক্যেন্; তে যিন্দি ফিরে সিন্দি ফলে।

গম্ উপদেজ্ 19:4

ধনানে বোউত্ সমাজ্যে আনে, মাত্তর্ তো নাঢা মান্‌জ্যে তা সমাজ্যেগুন আরায়।

উপদেশক 7:7

জ্ঞানি মান্‌জ্যে যুনি জুলুম্ গরে সালে তে ভুল্ ওই যায়, আর ঘুষ্‌চানে রিবেঙানরে বর্‌বাত্ গরে।

যিশাইয় 1:13

বাজে উৎসর্বর জিনিস তুমি আর ন-আন্য। তমার্ আগর্‌বাট্টি জ্বালানা মর্ ঈচ্ লাগে। আঙোস্যে, জিরেবার্ দিন আর ধর্মীয় তেম্মাং-তমা পাপত্তে মুই এ তেম্মাঙানি সোজ্য গুরি ন-পারং।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 5:22

অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

হোশেয় 4:18

যেক্কেনে তারার্ মদ হানা শেজ্‌ ওই যায় সেক্কেনে তারা সিনেলী গরা ধরন্; তারার্ শাজন্‌গুরিয়্যেগুনে লাজ্‌‌গরেপারা আচার-বেবহার খুব গম্ পান।

আমোষ 5:12

মুই হবর্ পাং তমা অন্যেয়ানি কত্তমান বেশ্ আর তমা পাপ্‌‌‌পানি কি জঘন্য! তুমি দঅ গম্ মানুচ্চুনো উগুরে অত্যেচার গরঅ আর ঘুষ হঅ; শঅর গেদোত্ তুমি নাঢা মানুচ্চুনোরে ন্যায়বিচের্ পেবাত্তে ন-দুয়ো।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।