যাত্রা 23:6 - Chakma Bible

⁶ “কনঅ‌ নাদা মান্‌জ্যর্‌ মকদ্দমাত্‌ অন্যেয় বিচের্‌ ন-গুরিবা।”

যাত্রা 23:6 Iomraidhean Croise

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

ইয়োব 31:13

মর্ চাগর-চাগরানীগুনে মঅ বিরুদ্ধে কনঅ আবিত্তি জানেলে যুনি মুই সিয়েনর বিচের্ গুরিবাত্তে রাজী ন-ওই থাং,

গম্ উপদেজ্ 18:5

দুষি মান্‌জ্যর তপ্পে লনা ঠিগ্ নয়, সেক্কে নিদ্দুযিবো উগুরে অবিচের্ গরা অয়।

গম্ উপদেজ্ 22:22

এক্কো মানুচ্ অসহায় বিলিনে জোর্ গুরি তা জিনিসছানি ন-নেযেয়ো, আর বিচের-জাগাত্ অভাবীর সর্বনাশ ন-গোজ্য;

গম্ উপদেজ্ 31:5

মদ্ হেইনে তারা সুদোমানি ভুলি যেই পারন্, আর অত্যেচারিতগুনো উগুরে অন্যেয় বিচের গুরি পারন্।

উপদেশক 5:8

তঅ চাগালাত্ যুনি কনঅ নাঢা মান্‌জ্যরে অত্যেচার্ অদে দেগচ্ বা কনজনরে ন্যায়বিচের্ বা তার পেবার্ অধিকার ন-পাদে দেগচ্ মাত্তর্ ন-দোরেচ্, কিত্তে এক্কো কামগুরিয়্যে উগুরে দাঙর্ আর এক্কো কামগুরিয়্যে আঘে আর তারার্ দ্বিজন উগুরে আরঅ দাঙর্ দাঙর্ নেতা আগন্।

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 7:6

যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 27:19

সে মানুচ্চো অভিশাব খেইয়্যে, যে বিদেশী বাসিন্দা, মা-বাপ নেইয়্যে আর রানিমিলেগুনো উগুরে অন্যেয় বিচের অবাত্তে দে। সেক্কে বেক্কুনে কবাক, আমেন।

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।