যাত্রা 23:30 - Chakma Bible

³⁰ তুমি মান্‌জ্যন্দি বেশ্‌ ওইনে গোদা দেজ্‌চান্‌ গজক্ গুরি ন-নেযানা সং মুই সেই জাদ্‌তুনোরে কিজু কিজু গুরি দেজত্তুন্‌ ধাবেইনে নিগিলেই দিম্‌।

যাত্রা 23:30 Iomraidhean Croise

দ্বি’লম্বর বিররণ 7:22

তমার গোজেন লগেপ্রভুই তমা মুজুঙোত্তুন্‌ সে বেক্‌ জাদ্‌তুনোরে লারে লারে ধাবেই দিবো। তারারে বেক্কুনোরে তুমি একসমারে ধাবেই ন-দিবা, সালে তমার চেরোকিত্তে ঝাড়্‌বো য়েমানর্‌ সোংখ্যেগুন্‌ বাড়ি যেবাক্‌।

যিহোশূয় 23:4

যর্দন গাঙত্তুন্‌ পোজিমেন্দি ভূমধ্য সাগর সং যিদুক্কুন্‌ জাদরে মুই ভস্ত গুরি দুয়োং আর যিদুক্কুন্‌ জাদ এজঅ‌ বাগি রোইয়োন্‌ তারার্‌ বেক্কুনোর জাগায়ানি মুই তমা গুট্টিগুনো ভিদিরে সোম্বোত্তি ইজেবে ভাগ গুরি দুয়োং।

যিহোশূয় 23:5

তমার্‌ গোজেন লগেপ্রভু নিজে বাদ্‌বাগি সে বেক্‌ জাদ্‌তুনোরে তমার পথ্‌তানিত্তুন্‌ সোরেই দিবো। তমা মুজুঙেত্তুন্‌ তে তারারে ধাবেইনে নিগিলেই দিবো আর তুমি তমার গোজেন লগেপ্রভুর এগেম্ মজিম তারার্‌ জাগায়ানি গজক্ গুরি নেযেবা।

যিহোশূয় 23:9

দাঙর্‌ দাঙর্‌ আর বোলী জাদ্‌তুনোরে তমা মুজুঙোত্তুন্‌ লগেপ্রভু ধাবেই দিয়্যে। এচ্চ্যে সং কনঅ জনে তমা মুজুঙোত্‌ থিয়্যেই থেই ন-পারন্‌।