যাত্রা 23:27 - Chakma Bible

²⁷ তুমি যিদুক্কুন্‌ জাদ ইদু যেবা তারার মনত্‌ মঅ পৌইদ্যেনে এক্কান্‌ দর্‌গরেপারা মনভাব্‌ মুই আগে আগে জাগেই দিম্‌ আর তারা ভিদিরে এক্কান্‌ ওলোজোলো গুরি দিম। তমার বেক্‌ শত্রুগুনে পিজেদি ফিরিনে ধেই যেবাক্।

যাত্রা 23:27 Iomraidhean Croise

পত্থম 35:5

সে পরেদি তারা যাহ্ ধুরিলাক্। তারা যেবার্‌ পদথ্‌ গোজেনে চেরোকিত্তে শঅর মানুচ্চুনো ভিদিরে এক বাবোত্যে দর্ বুগ্ লাগেল যিয়েনত্তে যাকোব পিজেদি কনজনে আর্ ন-লোড়েলাক্।

২ শমূয়েল 22:41

মঅ শত্রুগুনোরে তুই মঅ কায়কুরেত্তুন্ ধেই যেবাত্তে বাধ্য গোজ্যস্‌; যিগুনে মরে ঈচ্ গরন্‌ তারারে মুই ভস্ত গোজ্যং।

২ রাজাবলী 7:6

লগেপ্রভু রথ, ঘোড়া আর দাঙর্‌ এক্কো সৈন্যর্‌ রঅ অরামীয়গুনোরে শুনেয়্যে। সেক্কে অরামীয় সৈন্যগুনে তারে তে কলাক্‌, “চঅ, আমারে আক্রমণ গুরিবাত্তে ইস্রায়েলর রাজা হিত্তীয় আর মিসরীয় রাজাগুনোরে টেঙা দিয়্যে।”

২ বংশধর 14:14

তারা গরারর চেরোকিত্তে বেক্‌ আদামানি ভস্ত গুরি দি পাজ্যন্‌, কিত্তে সিদুগোর মানুচ্চুনে লগেপ্রভুরে অমকদ দোরেয়োন্‌। সিদু লুট গরেদে ধোক্ক্যেন বোউত্‌ পযাপিরা এলঅ বিলিনে তারা বেক্‌ আদামানি লুদেয়োন্‌।

গীতসংহিতা 18:40

মঅ শত্রুগুনোরে তুই মত্তুন্ পৌল্যেবাত্তে বাধ্য গোজ্যস্; যিগুনে মরে ঘিনান্ তারারে মুই ভস্ত গোজ্যং।

গীতসংহিতা 21:12

কিত্যে তুই তারার মুয়োনি চেইনে যেক্কে তর্ ধনুগান টানিবে, সেক্কেনে তারারে ধেই যেবাত্তে তুই বাধ্য গুরিবে।

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যাত্রা 34:24

দেজ ভিদিরে বেক্‌ জাদ্‌তুনোরে মুই তমা মুজুঙোত্তুন্‌ ধাবেই দিম্‌ আর তমার দেজর্‌ দুযিবো বাড়েই দিম্‌। বজরে তিনবার্‌ গুরি যেক্কে তুমি তমার্‌ গোজেন লগেপ্রভুর্‌ মুজুঙোত্‌ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্‌ ন-গুরিবাক্‌।

গণাণা 22:3

এদক্‌ মানুচ্‌ দেগিনে মোয়াবীয়গুনে দোরেয়োন্‌। ইস্রায়েলীয়গুনোরে দেগিনে হামাক্কায় মোয়াবীয়গুনে অমহদ দোরেয়োন।

দ্বি’লম্বর বিররণ 11:23

সিয়েনি গুরিলে লগেপ্রভু তমা মুজুঙেত্তুন্‌ সে বেক্‌ জাদ্‌তুনোরে নিগিলেই দিবো, আর তুমি তমাত্তুন্‌ বেশ্‌ দাঙর্‌ দাঙর্‌ আর বোলী জাদ্‌তুনোরে গজক্ গুরিবা।

দ্বি’লম্বর বিররণ 11:25

কনঅ মান্‌জ্যে তমা মুজুঙোত্‌ থিয়্যেই ন-পারিবাক্। তুমি সে দেজর্‌ যিয়েনত্ যেবা তমা গোজেন লগেপ্রভু তার্‌ এগেম্ মজিম সে জাগানর্ মানুচ্চুনোর মনত্‌ তমা পৌইদ্যেনে এক্কান দর্‌ গরেদে মনভাব আর গির্‌গিরেনি ধোরেই দিবো।

দ্বি’লম্বর বিররণ 2:25

এচ্চ্যেত্তুন্‌ ধুরি মুই পিত্‌থিমীর বেক্‌ জাদ ভিদিরে তমা পৌইদ্যেনে এক্কান দর্‌গরেদে ভাব আর গির্‌গিরেনি ধরানা আরাম্ভ গুরিম্‌। তারা তমার কধানি শুনিলে গির্‌গিরেবাক্‌ আর তমাত্যে তারার্‌ মনানিত্‌ অমকদ ভান্ন্যেই চিদে জাগিবো।

দ্বি’লম্বর বিররণ 7:23

তমা গোজেন লগেপ্রভু অমকদ যাগুলুগোত্ ফেলেইনে তমা আঢত্‌ তারারে তুলি দিবো যেদক্কন সং তারা এক্কুবারে ভস্ত ওই ন-যান।

১ শমূয়েল 14:15

ইয়েনর্ কারণে পলেষ্টীয়গুনোর যুদ্ধোর মাদর্‌ তাম্বুলোত্‌ আর বেক্‌ সৈন্যগুনো ভিদিরে এক্কান দর্‌বুক দেগা দিলো; এন্‌ কি, তারার মিক্‌মসর তাম্বুলোত্‌ আর আর্মিগুনেয়ো দরে গির্‌গিরা ধুরিলাক্, আর সেই লগে ভূজোল্অ বেলঅ। সেই অমহদ দরান্‌ গোজেনর ইত্তুন্‌ এচ্চ্যে।