Biblia Todo Logo
Bìoball air-loidhne

- Sanasan -




যাত্রা 23:24 - Chakma Bible

24 তুমি তারার্‌ দেবেদাগুনোরে পূজো বা সেবা ন-গুরিবা আর সিদুগোর্‌ মানুচ্চুনে যিয়েনি গরন্‌ সিয়েনি ন-গুরিবা। তুমি তারার্‌ দেব-দেবেদার মুর্তিগুন্‌ ভাঙি ফেলেবা আর তারার্‌ পূজো গোজ্যে পাত্তরুন কট্টা কট্টা গুরি ফেলেবা।

Faic an caibideil Dèan lethbhreac




যাত্রা 23:24
29 Iomraidhean Croise  

যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন গুরি তারায়ো পত্তি পূজো অজল্‌ জাগায়ানিত্‌ আগর্‌বাট্টি জ্বালেদাক্‌। ইয়েনিবাদে তারা আরঅ ভান্ন্যেই কাম্‌ গুরিনে লগেপ্রভুরে অখুজি গুরি তুল্যন্‌।


তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।


লগেপ্রভুর চোগোত্‌ যিয়েনি ভান্ন্যেই তে সিয়েনি গুরিদো, মাত্তর্‌ তে তার মা-বাবঅ ধোক্কেন্‌ ন-এলঅ। তা বাপ্পো বাল দেবেদা পূজোত্তে যে পাত্তর্‌বো থিয়্যেই রাগেয়্যে সিবে তে তুলি ফেলেই দিয়্যে।


আসা তার্‌ গোজেন লগেপ্রভুর চোগোত্‌ যিয়েনি গম্‌ আর ঠিগ্‌ সিয়েনিই গুরিদো।


অমৎসিয় ইদোমীয়গুনোরে মারে ফেলেইনে ফিরি এবার্‌ অক্তত্‌ সেয়ীরোর্‌ মানুচ্চুনোর্‌ মূত্তিগুন্‌ লগে গুরি নেযেইনে এলঅ। সিগুনোরে তে নিজোর্‌ দেব-দেবেদা ইজেবে বোজেই দিলো তারারে পূজো গুরিবাত্তে আর তারার্‌ নাঙে আগর্‌বাট্টি জ্বালা ধুরিলো।


লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ধাবেই দিয়্যে তারা ধোক্ক্যেন জঘন্য কাম্‌ গুরিনে তে লগেপ্রভুর চোগেন্দি যিয়েনি ভান্ন্যেই সিয়েনি গুরিদো।


যিহূদা আর যিরূশালেমর মানুচ্চুনোরে মনঃশি ভান্ন্যেই পধেন্দি নেযেল; সিয়েনত্তে লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ভস্ত গুরি দিয়্যে তারাত্তুন্‌ বেশ্‌ তারা আরঅ ভান্ন্যেই কাম্‌ গরা ধুরিলাক্‌।


মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।


মঅ জাগানত্‌ কনঅ‌ দেবেদারে ন-রাগেবা।


তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।


মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।


তারা সমারে বা তারা দেবেদাগুনো সমারে কনঅ‌ চুক্তি ন-গুরিবা।


তমা দেজ ভিদিরে তারারে বজত্তি গুরিবাত্তে ন-দিবা। সিয়েন গুরিলে তারা মঅ বিরুদ্ধে তমারে পাপ কামত্‌ টানি নেযেবাক্, কিত্তে যুনি তুমি তারার্‌ দেব-দেবেদাগুনোরে পূজো গরঅ‌ সালে হামাক্কায়্‌ তুমি সিয়েনর কাবুগোত্‌ আক্‌সো যেবা।


মোশি তারার্‌ বানেয়্যে সেই গুরু ছবোর্‌ মূত্তিবো আগুনোত্‌ পুড়ি দিলো। সে পরেদি সিবে নিগুজ্‌ গুরিনে পানি উগুরে ছিদি দিইনে ইস্রায়েলীয়গুনোরে হাবেল।


তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।


তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।


সেনত্তেই তুমি যিয়েনত্‌ বজত্তি গুরিদা সে মিসর দেজর্‌ মানুচ্চুনে যিয়েন্‌ গুরিদাক্‌ তুমি সিয়েন্‌ ন-গুরিবা আর মুই যিয়েনত্‌ তমারে নেযাঙর্‌ সে কনান দেজর্‌ মানুচ্চুনে যিয়েন্‌ গরন্‌ সিয়েন তুমি ন-গুরিবা। তুমি সেই মানুচ্চুনোর্‌ চালচলন মজিম্ ন-চলিবা।


কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।


এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।


তারার্ ডালিপূজোগুন ভাঙি দিবা, পূজোর পাত্তরুন কট্টা কট্টা গুরি দিবা, পূজোর আশেরা খুঁদোগুন পুড়ি ফেলেই দিবা, দেব-দেবীর মূত্তিগুন ভাঙি ফেলেই দিবা আর ইঙিরিনে সে বেক্‌ জাগানিত্তুন্‌ তারার্‌ দেব-দেবেদাগুনোর নাঙানি পুঝি ফেলেবা।


তুমি সে বেক্‌ জাদ্‌তুনোর্‌ পূজোগুন্‌ ভাঙি ফেলেবা, পূজোগুনোর্‌ পাত্তরুন্‌ ভাঙি দিবা, পূজোর্‌ আশেরা-খুঁদোগুন কাবি ফেলেবা আর মূত্তিগুন্‌ আগুনোত্‌ পুড়ি দিবা।


Lean sinn:

Sanasan


Sanasan