যাত্রা 23:21 - Chakma Bible

²¹ তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

যাত্রা 23:21 Iomraidhean Croise

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 78:40

ধূল্যেচর-চাগালাত্ কয়বার তা বিরুদ্ধে তারা উল্লোমি গোজ্যন্, সেই ধূল্যে ভূইয়োত্ কয়বার তারে দুঘ্ দুয়োন।

গীতসংহিতা 78:56

মাত্তর্ তো তারা দাঙর্ গোজেনরে জগা চেলাক্ আর তা বিরুদ্ধে উল্লোমি গুরিলাক্; তা উগুমান তারা ন-পালেলাক্।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

যাত্রা 3:14

গোজেনে মোশিরে কলঅ, যিবে মুই আগং মুয়ই তে। তুই ইস্রায়েলীয়গুনোরে কবেদে, মুই আগং তমাইধু তারে পাদেইয়্যে।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 45:6

যেন পূগেত্তুন্ ধুরি পোজিমেদি সং মানুচ্চুনে হবর্ পান্, মুই বাদে আর কনজন নেই। মুয়ই লগেপ্রভু, অন্য আর কনজন নেই।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 9:5

যুদ্ধো গুরিবাত্তে এচ্চ্যে পত্তিজনর্ যুদ্ধোর জদা, লো-লোই ভিজে পত্তিজনর্ পোজাক্ আগুন্দোই পুড়ি দিয়্যে অবঅ।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 5:7

লগেপ্রভু কোইয়্যেদে, ও যিরূশালেম, কিত্তে মুই তরে খেমা গুরিম? তর্ ঝি-পুয়োগুনে মরে ফেলেই যেইয়োন আর যিগুনে গোজেন নয় তারা নাঙে শমক্ খেইয়োন। মুই তারার বেক্ দরকারানি ফুরেই দুয়োং, তো তারা সিনেলী গোজ্যন আর দলে দলে বেশ্যেগুনো ঘরত্ যেইয়োন।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

গণাণা 14:35

এই পাজি জাদর্‌ মানুচ্চুনে যিগুনে মর্‌ বিরুদ্ধে দল পাগেয়োন্‌ তারা বেক্কুনে এই ধূল্যেচর জাগাদই শেজ্ ওই যেবাক। মুই লগেপ্রভু এই কধাগান কঙর্।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

যোহন 10:30

মুই আর বাবা এক্।”

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

দ্বি’লম্বর বিররণ 18:19

সেই ভাববাদীবো মর্‌ নাঙান্‌ দিইনে যে কধানি কবঅ কনজনে যুনি মর্‌ সেই কধানি ন শুনোন, সালে মুই নিজে সে মানুচ্চোরে দায়ী গুরিম।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 3:16

কন্না গোজেনর কধানি শুনিনেয়ো তারে তোচ্চ্যা লাগেয়োন? তারা কি সে মানুচ্চুন নয় যিগুনোরে মোশি মিসর দেজত্তুন্ নিগিলেই আন্ন্যে?

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।

ফগদাং পেইয়্যে 1:8

প্রভু গোজেনে কত্তে, “মুয়ই সেই আল্‌ফা আর ওমিগা যিবে আঘে, যিবে এলঅ আর যিবে এজের্। মুয়ই বেগত্তুন্ খেমতাবলা।”

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 2:8

স্মুর্ণা শঅরর্ মন্ডলীর দূত্‌তো ইধু এ কধাগান লেগ- যিবে পত্তম আর থুম্, যিবে মোজ্জ্যে আর জেদা ওইয়্যে, তে এ কধাগান কত্তে:

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,

বিচের গুরিয়্যেগুন 13:18

তে কলদে, “তুই কিত্তেই মঅ নাঙান্‌ পুযোর্‌ গরর্‌? মঅ নাঙান্‌ কনজনে বুঝি ন-পারন্‌।”