যাত্রা 23:2 - Chakma Bible

² দশজনে অন্যেয়্‌ গোজ্যন্‌ বিলিই‌ তুইয়ো সেধোক্ক্যেন গুরিবাত্তে ন-যেচ্‌। কনঅ‌ মকদ্দমাত্‌ সাক্ষী দিবাত্তে যেইনেই মানুচ্ বেশ্ আগন্দে ইন্দি মিজেইনে ন্যায় বিচেরত্‌ মানা ন-গুরিচ্‌।

যাত্রা 23:2 Iomraidhean Croise

পত্থম 19:4

মাত্তর্‌ তারা ঘুমোত্‌ পড়িবার্‌ আগেদি সদোম শঅরর্‌ বেক্‌ গাবুজ্যে আর বুড়োগুনে এইনে ঘরান্‌ ঘিরি ফেলেলাক্‌।

পত্থম 6:12

গোজেনে পিত্‌থীমিয়ান ইন্দি রিনি চেইনে দেগিলোদে, সিয়েন পজাবাজ্ ওই যেইয়্যে, কিত্তে দুনিয়ের মানুচ্চুনো খাচ্চ্যদত্‌ পচা ধোজ্যে।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

১ রাজাবলী 19:10

জোবত্‌ তে কলঅ, “বেগত্তুন খেমতার্‌ গিরোজ্‌ গোজেন লগেপ্রভু যেনে তার পাওনা ভোক্তি পায় সেনত্তে মুই অমকদ ধারোচ্‌ গরঙর্‌, কিত্তেই ইস্রায়েলীয়গুনে তর্‌ থিদেবর গোজ্যে সুদোমান্‌ ছাড়ি দুয়োন্‌, তর্‌ বেক্‌ ডালিপূজোগুন্‌ ভাঙি ফেলেয়োন আর তর্‌ ভাববাদীগুনোরে মারে ফেলেয়োন। বানা মুই বাগি আগং আর মরেয়ো ইক্কিনে তারা মারে ফেলেবার চেট্ট্যা গত্তন্‌।”

ইয়োব 31:34

সেনত্তে মুই মানুচ্চুনোরে ন-দোরেদুং, আর মঅ বংশর মানুচ্চুনোর ঘিনেনার দরে মুই ঘরত্ জুরো গুরি বুয়োই ন-থেদুং।

গীতসংহিতা 72:2

যেনে তে গমেডালে তঅ মানুচ্চুনোরে বিচের্ গুরি পারে আর অত্যেচারগুরিয়্যেগুনোরে সুবিচের্ গুরি পারে।

গম্ উপদেজ্ 1:15

মঅ পুয়োবো, তুই তারা লগে ন-যেচ্, তারা পধেদি তঅ টেঙান্ ন-ফেলেচ্;

গম্ উপদেজ্ 18:5

দুষি মান্‌জ্যর তপ্পে লনা ঠিগ্ নয়, সেক্কে নিদ্দুযিবো উগুরে অবিচের্ গরা অয়।

গম্ উপদেজ্ 4:14

পাজিগুনোর পধেদি তুই টেঙানি ন-বাড়েস্, ভান্ন্যেই মানুচ্চুনোর পধেদি ন-আঢিচ্।

যিরমিয় 37:15

সে রাজার চাগরুনে যিরমিয় উগুরে রাগ গুরিনে তারে পিদে ধুরিলাক্ আর লিগিয়্যে যোনাথন ঘরত্ তারে বানি রাগেলাক্; সিয়েনরে তারা জেলখানা বানেয়োন।

যিরমিয় 37:21

সেক্কে রাজা সিদিকিয় যিরমিয়রে চুগিদারুনো উদোনত্ থবাত্তে উগুম দিলো আর শঅরর্ বেক রুটিগানি থুম্ ন-অনা সং পত্তিদিন রুটিবলাগুনোরে পধত্তুন্ তারে এক্কান গুরি রুটি দিবাত্তে উগুম দিলো। সেনত্তে যিরমিয় চুগিদারুনো উদোনত্ রলঅ।

যিরমিয় 38:9

“ও মর্ প্রভু মহারাজ, এ মানুচ্চুনে ভাববাদী যিরমিয় উগুরে যিয়েনি গোজ্যে সিয়েন অন্যেয়। তারা তারে কূয়োবোত্ ফেলেই দুয়োন; তে সিয়েনত্ পেট্ পরায় মুরি যেবঅ, কিত্তে শঅরত্ আর রুটি নেই।”

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

হগয় 1:4

ইয়েন কি ঠিগ্ অর্, তুমি নিজে আড়ুগো কাম গোজ্যে ঘরত্ আঘ আর মঅ ঘরান্ ভস্ত ওইয়্যে কুড়্ ওই পড়ি আঘে?

মার্ক 15:15

সেক্কে পীলাতে মানুচ্চুনোরে হুজি গুরিবাত্তে বারাব্বারে তারা ইধু ইরি দিলো, আর যীশুরে জদবদে চাবুক্ মারিবার্ উগুম্ দিইনে ক্রুশোত্ দিবাত্তে দিলো।

লূকে লেখ্যে গম্ হবর্ 23:51

যীশু পৌইদ্যেনে তেম্মাঙ মানুচ্চুনো সমারে তে একমত্ ওই ন-পারে। তে গোজেন রেজ্যত্তে বাজ্জেই আঘে।

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 25:9

ফীষ্ট যিহূদীগুনোরে হুজী গুরিবাত্যে পৌলরে কলঅ, “এ বেক্‌ দুষ্‌চানির্ বিচের্ মুই যেন যিরূশালেমত্ গুরি পারং সেনত্তে তুই কি সিধু যেবাত্তে রাজী আঘচ্?”

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

১ শমূয়েল 15:24

শৌল সেক্কে শমূয়েলরে কলঅ, “মুই পাপ গোজ্যং। লগেপ্রভুর উগুম আর তর্‌ উগুম মুই হামাক্কায় অমান্য গোজ্যং। মানুচ্চুনোর দরে মুই তারার কধা মজিম্ কাম গোজ্যং।

১ শমূয়েল 15:9

মাত্তর্‌ শৌল আর তার সৈন্যগুনে অগাগরে বাঁজেই রাগেলাক্ আর অমালেকীয়গুনোর গম্‌ গম্‌ গোরুগুন, ভেড়াছাগলুন, পক্তা-মক্তা গোরুছঅগুন আর ভেড়াছাগল ছঅগুন, এক কধায় তারার যিয়েনি গম্‌ এলঅ সিয়েনি তারা বাঁজেই রাগেলাক্। সিয়েনিরে ভস্ত গুরি দেদে তারা রাজী ন-অলাক্, মাত্তর্‌ অকেজো আর পিড়েদোজ্যেগুনোরে তারা এক্কুবারে শেজ্‌ গুরি দিলাক্।