যাত্রা 23:19 - Chakma Bible

¹⁹ তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 23:19 Iomraidhean Croise

নহিমিয় 10:35

আমি পত্তি বজর্‌ পত্তমে কাপ্যে খেত-খেত্তি আর পত্তি গাজর্‌ পত্তম্‌ ফল্লো লগেপ্রভুর ঘরত্‌ আনিবোং।

নহিমিয় 10:36

রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

যাত্রা 22:28

গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

গম্ উপদেজ্ 12:10

গোজন ভক্ত মানুচ্ তা এ্যামানুনোরে যত্তন্ গরে, মাত্তর্ পাজিগুনোর মেয়্যেগানিয়ো চিৎনপুজ্যেলোই ভরা।

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

যিরমিয় 10:3

ইয়েনর কারনান্ সেই মানুচ্চুনোর ধর্মীয় আচার-বেবহারানি বাজে। তারা ঝারত্তুন্ এক্কো গাজ্ কাবন্ আর কালিগর্‌বো বাদালিলোই সিয়েনর সাইজ্‌চান দে। ‌‍‌‍‌‍‌

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

যিহিষ্কেল 48:13

ধর্মগুরুগুনোর দুযির্ কায়কুরে লেবীয়গুনে পোজোশ্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে এক্কান জাগা পেবাক্।

যিহিষ্কেল 48:14

লেবীয়গুনে সেই ভূইয়ান বেজানা বা সিয়েনর্ ভাগ্‌‌কান বদলাবুদুলি গুরি ন-পারিবাক্। সিয়েন বেগত্তুন্ গম্ ভূই আর সিয়েন অন্যগুন আঢত্ দেনা ন-চুলিবো, কিত্যে সিয়েন লগেপ্রভুর নাঙে পবিত্র।

গণাণা 15:21

পৌইল্যা তুলো শোজ্যর এই উৎসর্ববো বংশর পর বংশ ধুরিনে মঅ নাঙে তমাত্তুন্‌ গরা পুরিবো।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।

দ্বি’লম্বর বিররণ 26:10

সেনত্যে ও লগেপ্রভু, তর্‌ দিয়্যে ভুইয়োর্ পত্তমে তুল্যে ফসল মুই তইদু আন্যং। ইয়েন কোইনে তমার গোজেন লগেপ্রভুর মুজুঙোত্‌ তুমি তমার লেইয়ুন রাগেবা আর মাদা নিগিরিনে তারে ভোক্তি জানেবা।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।