যাত্রা 23:18 - Chakma Bible

¹⁸ যেক্কে তুমি মর্‌ নাঙে য়েমানর্‌ লো উৎসর্ব গুরিবা সেক্কে সিয়েনর্‌ লগে যেন কনঅ‌ সদা-দিয়্যে পিদে উৎসর্ব গরা ন-অয়। পরবর্‌ অক্তত্‌ মর্‌ নাঙে যিদুক্কুন য়েমান উৎসর্ব গুরিবা সিয়েনর্‌ কনঅ‌ তেল্‌বলা ভাগ্ যেনে বেন্যে সং পড়ি ন-থায়।

যাত্রা 23:18 Iomraidhean Croise

যাত্রা 12:10

বেন্যে সং সিয়েনির্‌ কনঅ কিজু ফেলেই ন-রাগেয়ো। যুদি কিজু বাগী থায় সালে সিয়েনি আগুনোত্‌ পুড়ি ফেলেবা।

যাত্রা 12:15

“তুমি সাত দিন সং সদানেইয়্যে পিদে হেবা। তমা ঘরত্‌ যেদক্কানি সদা আঘে পত্তম দিনোত্‌ তুমি সিয়েনি বেক্কানি সোরেই ফেলেবা। এ সাত দিনো ভিদিরে যুদি কনজনে সদা দিয়্যে পিদে খায় সালে তারে ইস্রায়েলীয়গুনো ভিদিরেত্তুন্ বাদ দিয়া অবঅ।

যাত্রা 12:8

সেই রেদোত্ তারা সেই এরানি আগুনোত্‌ সিগিনে সদানেইয়্যে পিদে আর তিদে শাগ লগে হেবাক্।

যাত্রা 16:19

সে পরেদি মোশি তারারে কলঅ‌, “বেন্যেত্যে তুমি ইয়েনির্‌ কিজু ন-রাগেয়ো।”

যাত্রা 29:34

এই অদেঅদে-অনুষ্ঠানর্‌ ভেড়াছাগলর্‌ কনঅ‌ য়েরা বা রুটি যুনি বেন্যেমাদান্ সং থেই যায়্‌ সালে সিয়েনি পুড়ি ফেলা পুরিবো। সিয়েনি যেনে কনজনে ন-হান্, কিত্তে সিয়েনি পবিত্র হানা।

যাত্রা 34:25

“যেক্কে তুমি মর্‌ নাঙে য়েমানর্ লো উৎসর্ব গুরিবা সেক্কে সিয়েনর্‌ লগে যেন সদা দিয়্যে কনঅ‌ কিজু উৎসর্ব গরা ন-অয়। উদ্ধোর-পরবর্‌ উৎসর্ব-গোজ্যে কনঅ‌ কিজু বেন্যেমাদান্ সং যেনে পড়ি ন-থায়্‌।”

লেবীয় 2:11

“লগেপ্রভুর্ নাঙে শোজ্য-উৎসর্বত্তে তারা যিয়েনি আনিবাক্ সিয়েনি যেনে সদা ন-দিইনে বানেই দিয়্যে অয়। লগেপ্রভুর্‌ নাঙে আগুন্দোই-গোজ্যে উৎসর্বর্ জিনিজো ভিদিরে সদা বা মধু দিয়্যে ন-পুরিবো।”

লেবীয় 7:12

যুনি এ উদোলোলি-উৎসর্ব কনজনে লগেপ্রভুরে কৃতজ্ঞতা ইজেবে গুরিবাত্তে চায়্‌ ছালে এ কৃতজ্ঞতার্‌ উৎসর্বর লগে থেবঅ তেলর্‌ ময়ান্‌ দিয়্যে সদানেইয়্যে পিদে, তেল্লোই মেক্যে সদানেইয়্যে চাপাটি আর তেলর্‌ ময়ান্‌ দিয়্যে গমে ডালে দোল্যে নিগুজ ময়দার পিদে।

লেবীয় 7:15

কৃতজ্ঞতা জানেবার্‌ এ উৎসর্বর য়েরাগান উৎসর্বর্‌ দিনোত্‌ হেই ফেলা পুরিবো, বেন্যেমাদান সং সিয়েন্‌ থোই ন-পারিবো।

দ্বি’লম্বর বিররণ 16:4

এ সাত দিন সং গোদা দেজছানত্‌ তমা ভিদিরে যেন সদা দিয়্যে কনঅ কিজু পাহ্ ন যায়। পরবর্‌ পত্তম দিন্নোত্‌ বেন্যে মাদান্ তুমি যে য়েরাগান উৎসর্ব গুরিবা সিয়েন যেনে বেন্যে মাদান্ সং পড়ি ন থায়।