যাত্রা 23:11 - Chakma Bible

¹¹ মাত্তর্‌ সাত বজরত্‌ ভুইয়ো চাষ্অ ন-গুরিবা আর কনঅ‌ কিজু নয়ো লাগেবা। সেক্কে এমনে যিয়েনি জোর্মেব তমা ভিদিরে নাদা মানুচ্চুনে সিয়েনিত্তুন্ হেই পেবাক্ আর যিয়েনি পড়ি থেবঅ‌ সিয়েনি ঝাড়্‌বো য়েমানুনে হেই পারিবাক্। তমার আংগুর্‌ আর জলপাই বাগান পৌইদ্যেনেয়ো সেই এক্কুই সুদোমানি পালেবা।

যাত্রা 23:11 Iomraidhean Croise

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

নহিমিয় 10:32

আমা গোজেন ঘরর্‌ সেবা-কামত্তে পত্তি বজর্‌ এক শেখেলর তিন ভাগর্‌ এক ভাগ্‌ দিবার্‌ ভারান্‌ আমি গুজি ললং।

যাত্রা 23:10

পর পর ছয় বজর্‌ তুমি ক্ষেদত্‌ চাষ্‌ গুরিবা আর ফসল কাবিবা,

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

লেবীয় 25:20

তুমি অয়দ পুযোর্‌ গুরিবা, সাত বজরত্‌ আমি যুনি বীজ ন-লাগেই আর ফসল ন-কাবিই সালে কি হেবং?

লেবীয় 25:22

সে পরেদি আস্টো বজরত্‌ বীজ ফেলেবার সময়ানদ পুরোন্‌ ফসলত্তুন্‌ তমার্‌ হা পুরিবো আর নয় বজরত্‌ ফসল ন-তুলোনা সং সেই তুবেয়ে ফসলত্তুন্‌ তুমি হেই পারিবা।

গণাণা 16:14

ইয়েনবাদে তুই দঅ সেধোক্ক্যেন কনঅ দুধ আর মধুুলোই ভোজ্যে দেজত্‌ আমারে ন-নেযাচ্‌ বা ভুই-জবিন্ আর আংগুর্‌ ক্ষেদর অধিকারঅ্‌ ন-দুয়োচ্‌। তুই কি এই মানুচ্চুনোরে চোগকান্‌ গুরি রাগেবাত্তে চর্‌? না, আমি ন-যেবং।”

দ্বি’লম্বর বিররণ 15:11

নাঢা মানুচ্ হামাক্কায় দেজত্‌ আমিঝে থেবাক। সেনত্যে মুই তমারে এ উগুমান দুয়োঙর, তমা ভেইয়ুনো উগুরে আর দেজর নাঢা আর অভাবী মানুচ্চুনো উগুরে তমা আঢ্‌তানি যেনে খুলো থায়।