যাত্রা 22:19 - Chakma Bible

¹⁹ কনঅ‌‌ য়েমান সমারে যুনি কনজনে সিনেলী গরন্‌ সালে হামাক্কায়্‌ তারে মারে ফেলা পুরিবো।

যাত্রা 22:19 Iomraidhean Croise

২ রাজাবলী 23:20

যোশিয় সে ডালিপূজোগুনো উগুরে সিদুগো ধর্মগুরুগুনোরে ডালি দিলো আর সিগুনো উগুরে মান্‌জ্য আড়ুন পুড়িলো। সে পরেন্দি তে যিরূশালেমত্ ফিরি গেলঅ।

২ বংশধর 15:13

চিগোন্‌-দাঙর্‌, মিলে-মরদ যে অদঅ সাৎ যিগুনে ইস্রায়েলর গোজেন লগেপ্রভুর আওজ্ মজিম্‌ ন-চলিবাক্‌ তারারে মারে ফেলা অবঅ।

যাত্রা 20:3

মঅ জাগানত্‌ কনঅ‌ দেবেদারে ন-রাগেবা।

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

লেবীয় 17:7

লগেপ্রভু উগুরে অবিশ্বেজি ওইনে ছাগল-দেবেদাগুনোর্‌ নাঙে য়েমান্‌ উৎসর্ব গুরিনে তারাত্তুন আর নিজোরে বিজি দেনা ন-চলিবো। ইয়েন্‌ এক্কান্‌ থিদেবর্ গোজ্যে সুদোম ইজেবে বংশর্‌ পর বংশ ধুরিনে তারাত্তুন্‌ পালা পুরিবো।

লেবীয় 18:23

য়েমান সমারে কিয়্যেদি মিজেইনে কনঅ মরদে নিজোরে ফি-বলা গরানা ন-চলিবো। কনঅ য়েমান সমারে কনঅ মিলের্‌ কিয়্যেদি মিজেনা ন-চলিবো। এ মিজেনাগানি সুদোমর্‌ বিরুদ্ধে।

লেবীয় 18:25

ইয়েনত্তে তারার্‌ দেজ্‌চানঅ ফি-বলা ওই যেইয়্যে। সেনত্তে অন্যেয়র্‌ কারনে দেজ্‌চানরে মুই সাজা দুয়োঙর্‌ আর দেজ্‌চানেয়ো তা মানুচ্চুনোরে উগুলিনে ফেলেই দিবাত্তে যার্‌।

গণাণা 25:1

শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

দ্বি’লম্বর বিররণ 17:2

তমার গোজেন লগেপ্রভুর দিয়্যে আদাম বা শঅরানির্‌ কনজাগাত্‌ অয়ত দেগা যেবঅ, তমা ভিদিরে কনঅ মরদ বা মিলে তমার গোজেন লগেপ্রভুর দিয়্যে সুদোম অমান্য গুরিনে তা চোগেদি যিয়েনি ভান্ন্যেই সিয়েনি গোজ্যে।

দ্বি’লম্বর বিররণ 17:5

মাত্তর্‌ যে মরত্তো বা মিলেবো এধোক্ক্যেন জঘন্য কাম্‌ গোজ্যে তুমি তারে আদামত্‌ বা শঅরর্‌ গেদোর্‌ কায়কুরে নেযেইনে পাত্তর্‌ মেলা দিইনে মারে ফেলেবা।

দ্বি’লম্বর বিররণ 27:21

সে মানুচ্চো অভিশাব্ খেইয়্যে, যে য়েমান লগে কিয়্যেন্দি এগত্তর্‌ অয়। সেক্কে বেক্কুনে কবাক, আমেন।