যাত্রা 22:17 - Chakma Bible

¹⁷ যুনি মিলেবোর্‌ বাপ্পো কনমতে তাইদু ঝিবো দিবাত্তে রাজী ন-অয় সে পরেন্দিয়ো তাত্তুন্‌ এই মেলার্‌ খরচ্চুন্‌ দিয়্যে পুরিবো।

যাত্রা 22:17 Iomraidhean Croise

পত্থম 23:16

ইফ্রোণ কধাগান শুনিনে অব্রাহামে বেবসায়ীগুনোর্ মাপ ঢগে চেরশ কট্টা রূবো তারে মাবি দিলো। ইফ্রোণে হিত্তীয়গুনো মুজুঙোত্‌ এ চেরশ কট্টা রূবোর্ কধা কোইয়্যে।

পত্থম 30:20

সেক্কে লেয়া কলঅ, “গোজেনে মরে অমকদ গম্‌ এক্কান্‌ বক্‌শিজ্ দিলো। ইক্কেত্তুন্‌ ধুরি মর্‌ নেক্কো মরে মর্‌ পাওনা সর্মান দিবো, কিত্তে মর্‌ পেদত্‌ তার্‌ ছোবুয়ো পুয়োর্‌ জর্ম ওইয়্যে।” ইয়েন্‌ কোইনে তে পুয়োবোর্‌ নাঙান্‌ রাগেল সবূলূন (যিয়েনর্ ভেদ্‌তান্ “সর্মান”)।

পত্থম 34:12

এ মেলাগানত্ ধাবা আর বক্‌শিজ্ ইজেবে তুমি যা দাবি গুরিবা মুই সিয়েনি দিম্‌। তুমি বানা মিলেবো মত্তে বৌ দুয়ো।”

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

দ্বি’লম্বর বিররণ 18:10

তমা ভিদিরে যেন এধোক্ক্যেন কনঅ মানুচ্‌ ন থান্‌ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে,

দ্বি’লম্বর বিররণ 22:29

সালে মানুচ্চোত্তুন্‌ মিলেবো বাপ্পোরে আধা কেজি রুবো দিয়্যে পুরিবো। মিলেবোরে বরবাদ্ গোজ্যে বিলিনে তারে তাত্তুন্‌ মোক্‌ লুয়ো পুরিবো। তে জীংকানিত্‌ কনদিনঅ তারে ইরি দিই ন-পারিবো।

১ শমূয়েল 18:25

সেক্কে শৌল কলদে, “তুমি দায়ূদোরে কোই দুয়ো, রাজা বানা তার শত্রুগুনো উগুরে হেনা সুজোনা ইজেবে একশঅ জন পলেষ্টীয়র চুনুগুলোবোর মুজুঙেন্দি চামান চায়, অন্য কনকিচ্ছু ন-চায়।” ইঙিরিনে পলেষ্টীয়গুনোর আঢত্‌ যেনে দায়ূদে শেজ্‌ ওই যায়, ইয়েনই এলদে শৌলর মনভাব।

১ শমূয়েল 28:3

ইয়েনর্‌ আগেন্দি শমূয়েলে মুরি যেইয়্যে, আর ইস্রায়েলীয়গুনে বেক্কুনে তাত্তে আবিলেচ্‌ গুরিনে তারে তার নিজোর্‌ শঅর্‌ রামাত্‌ গোর্ দুয়োন। যিগুনে মরা মানজ্যর্‌ আত্মা সমারে কধাবাত্তা কন্‌ আর যিগুনে ভান্ন্যেই আত্মা সমারে মিজেন্‌ শৌল দেজত্তুন্‌ এধোক্ক্যেন বেক্‌ মানুচ্চুনোরে নিগিলেই দিয়্যে।