যাত্রা 22:15 - Chakma Bible

¹⁵ মাত্তর্‌ গিরোজ্‌সো মুজুঙোত্‌ যুনি সিয়েন্‌ অয়্‌ সালে তাত্তুন্‌ কনঅ‌ ক্ষোতি পূরোণ্‌ দিয়্যে ন-পুরিবো। মাত্তর্‌ য়েমান্নো যুনি টেঙালোই ভাড়া গুরি আন্যে ওই‌ থায়্‌ সালে সে টেঙাগুনোই‌ তার্‌ ক্ষোতি পূরোণ্‌ অবঅ‌।

যাত্রা 22:15 Iomraidhean Croise

পত্থম 34:12

এ মেলাগানত্ ধাবা আর বক্‌শিজ্ ইজেবে তুমি যা দাবি গুরিবা মুই সিয়েনি দিম্‌। তুমি বানা মিলেবো মত্তে বৌ দুয়ো।”

যাত্রা 22:14

“কারত্তুন্‌ মাগি আন্যে কনঅ‌‌ য়েমান্‌ যুনি গিরোজ্‌সো ন-থানা অবস্থায় আহত অয়্‌ বা মুরি যায়্‌ সালে যে সিগুন্‌ মাগি আন্যে তাত্তুন সিগুনোর ক্ষোতি পূরোণ্‌ দিয়্যে পুরিবো।”

যাত্রা 22:16

কারঅ‌ লগে বৌ কধা ন-অয়্‌ এধোক্ক্যেন কনঅ‌ গাবুজ্যে মিলেরে যুনি কনজনে ভুলে-বালেই আনিনে তা সমারে সিনেলী গরন্‌, সালে সে মানুচ্চোত্তুন্‌ সিবের্‌ মেলা খরচ্চুন্‌ দিয়্যে পুরিবো আর মিলেবো তার্‌ মোক্‌ অবঅ‌।

সখরিয় 8:10

সেই কামান্ আরাম্ভ গুরিবার আগে কনজনে মান্‌‌জ্যর বেতন বা য়েমান ভাড়া দি ন-পারিদাক্, কিত্যে মুয়ই পত্তি জনরে তার পাড়াল্যেগুনো বিরুদ্ধে উচ্চোমি দুয়োং।‌‌

দ্বি’লম্বর বিররণ 22:29

সালে মানুচ্চোত্তুন্‌ মিলেবো বাপ্পোরে আধা কেজি রুবো দিয়্যে পুরিবো। মিলেবোরে বরবাদ্ গোজ্যে বিলিনে তারে তাত্তুন্‌ মোক্‌ লুয়ো পুরিবো। তে জীংকানিত্‌ কনদিনঅ তারে ইরি দিই ন-পারিবো।