যাত্রা 22:14 - Chakma Bible

¹⁴ “কারত্তুন্‌ মাগি আন্যে কনঅ‌‌ য়েমান্‌ যুনি গিরোজ্‌সো ন-থানা অবস্থায় আহত অয়্‌ বা মুরি যায়্‌ সালে যে সিগুন্‌ মাগি আন্যে তাত্তুন সিগুনোর ক্ষোতি পূরোণ্‌ দিয়্যে পুরিবো।”

যাত্রা 22:14 Iomraidhean Croise

নহিমিয় 5:4

আরঅ অন্যগুনে কলাক্‌, “রাজারে খাজানা দিবাত্তে ভূইয়ানি আর আংগুর ক্ষেত্‌তানি বন্ধক রাগেইনে আমাত্তুন্‌ টেঙা নেযা পোজ্যে।

গীতসংহিতা 37:21

পাজিগুনে উদোর্ লোইনে ন-সুজোন্, মাত্তর্ গোজেন ভক্তগুনে দোয়্যেলু আর দানবলা।

যাত্রা 21:34

সালে তাত্তুন্‌ সিয়েনর ক্ষোতি পূরোণান্‌ দিয়্যে পুরিবো। সে গোরু বা গাধার্ গিরোজ্‌সোরে সে ক্ষোতি পূরোণুন্‌ দিয়্যে পুরিবো; সেক্কে মরা গোরু বা গাধাবো তার্‌ ওই যেবঅ‌।

যাত্রা 22:11

সালে সে মানুচ্চো যে সিয়ানি-গরে সিয়ান্‌ লগেপ্রভুর্‌ মুজুঙোত্‌ শমক্‌ হেইনে তাত্তুন্‌ বেপারান্‌ সামালা পুরিবো। সেই য়েমান গিরোজ্‌চোত্তুন্‌ সেক্কে সিয়েন্‌ মানি নেযা পুরিবো আর কনঅ‌ ক্ষোতি পূরোণ্‌ তে দাবি গুরি ন-পারিবো।

যাত্রা 22:13

যুনি কনঅ‌ ঝার্‌বো য়েমানে সে য়েমান্নোরে কট্টা কট্টা গরন্‌ সালে সিয়েন্‌ প্রমাণ্‌ গুরিবাত্তে তাত্তুন্‌ পুড়ি থেইয়্যে য়েরা দমাগুন্‌ আনিনে দেগা পুরিবো। এধোক্ক্যেন অলে তাত্তুন্‌ আর ক্ষোতি পূরোণ্‌ দিয়্যে ন-পুরিবো।

যাত্রা 22:15

মাত্তর্‌ গিরোজ্‌সো মুজুঙোত্‌ যুনি সিয়েন্‌ অয়্‌ সালে তাত্তুন্‌ কনঅ‌ ক্ষোতি পূরোণ্‌ দিয়্যে ন-পুরিবো। মাত্তর্‌ য়েমান্নো যুনি টেঙালোই ভাড়া গুরি আন্যে ওই‌ থায়্‌ সালে সে টেঙাগুনোই‌ তার্‌ ক্ষোতি পূরোণ্‌ অবঅ‌।

লেবীয় 24:18

যুনি কনজনে অন্যজনর্‌ য়েমান মারে ফেলায়্‌ সালে তারে এক্কো পরানর্‌ বদলে আর এক্কো পরান্‌ দিইনে ক্ষেতি পূরোণ দিয়্যে পুরিবো।

মথি লেখ্যে গম্ হবর্ 5:42

যে তত্তুন্ কিজু চায় তারে দিস্, আর যে তত্তুন্ উদোর্ চায় তারে দিবাত্তে অস্বীগের্ ন-গুরিচ্।

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

দ্বি’লম্বর বিররণ 15:2

এই সুুদোমে সিগুন মাপ গরা পুরিবো: পত্তি ইস্রায়েলীয় পাওনাদার অন্য ইস্রায়েলীয়গুনোরে দিয়্যে বেক্‌ কজ্জগুন্‌ মাপ গুরি দিবা। কজ্জ মাপ গুরি দিবাত্তে লগেপ্রভু যে সময়ান ঠিগ্ গুরি দিয়্যে সিয়েন ফগদাং গরা ওইয়্যে বিলিনে কনঅ ইস্রায়েলীয় ভেইয়ুনোত্তুন্‌ কজ্জ সুজোনার দাবি গরানা ন চলিবো।