যাত্রা 22:13 - Chakma Bible

¹³ যুনি কনঅ‌ ঝার্‌বো য়েমানে সে য়েমান্নোরে কট্টা কট্টা গরন্‌ সালে সিয়েন্‌ প্রমাণ্‌ গুরিবাত্তে তাত্তুন্‌ পুড়ি থেইয়্যে য়েরা দমাগুন্‌ আনিনে দেগা পুরিবো। এধোক্ক্যেন অলে তাত্তুন্‌ আর ক্ষোতি পূরোণ্‌ দিয়্যে ন-পুরিবো।

যাত্রা 22:13 Iomraidhean Croise

যাত্রা 22:12

মাত্তর্‌ সেই মানুচ্চুনোত্তুন্‌ যুনি সিগুন্‌ চুর্‌ ওই যায়্‌ সালে তাত্তুন ক্ষোতি পূরোণ্‌ দিয়্যে পুরিবো।

যাত্রা 22:14

“কারত্তুন্‌ মাগি আন্যে কনঅ‌‌ য়েমান্‌ যুনি গিরোজ্‌সো ন-থানা অবস্থায় আহত অয়্‌ বা মুরি যায়্‌ সালে যে সিগুন্‌ মাগি আন্যে তাত্তুন সিগুনোর ক্ষোতি পূরোণ্‌ দিয়্যে পুরিবো।”

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

আমোষ 3:12

লগেপ্রভু কত্তে, “গরগ্‌কুনে‌‌‌‌‌‌ সিংহ মুয়োত্তুন্ যেবাবোত্যে বানা টেঙর্ দ্বিবে আড়্ বা কানর্ এক্কো কট্টা উদ্ধোর্ গুরি পারন সেবাবোত্যে ইস্রয়েলর্ যে মানুচ্চুনে শমরিয়াত্ বজত্তি গরন্ তারা বানা তারা খাদর্ খুদো আর কাবড় পাদালোই উদ্ধোর্ পেবাক্।”

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

নহূম 2:12

সিংহ তা ছঅগুনোত্তে যদেষ্ট য়েমান্ মারিদো আর তার সিংহীগুনোত্তে গত্তনা চিবি মারিদো বোউত্ য়েমান্; তে তার্ মারে ফেলেয়্যে য়েমান্দোই তার্ থেবার জাগায়ান আর ছিনিনে কট্টা গোজ্যে য়েমান্দোই তা গাঢ্‌‌তো ভোরেদ।