যাত্রা 21:8 - Chakma Bible

⁸ মাত্তর্‌ যে গিরোজ্‌সো তারে নিজোত্যেই বেঈ লোইয়্যে তে যুনি তা উগুরে হুজি ওই ন-পারে সালে টেঙার্‌ বদলে তারে ইরি দিয়্যে পুরিবো। অন্য জাদর্‌ কনঅ‌ মান্‌জ্য ইদু তারে বিজি দিই ন-পারিবো, কিত্তে তা উগুরে গিরোজ্‌সো তার্‌ যিয়েন্‌ গুরিবার্‌ সিয়েন ন-গরে।

যাত্রা 21:8 Iomraidhean Croise

পত্থম 28:8

সেক্কে এষৌ বুঝিলো, তা বাপ্পো ইস্‌হাকে কনানীয় মিলেগুনো উগুরে বেজার্।

ইয়োব 6:15

মাত্তর্‌ মঅ‌ সমাজ্যেগুনো উগুরে দঅ‌ বিশ্বেজ্ গরা ন-যায়; তারা এন্‌ গঙার ধোক্ক্যেন্‌ যিয়েন্‌ পেরায় বন্ধ ওই যায়, আরঅ মাঝে মধ্যে ডাগেত্তুন্‌ ঠিলি উদোন্‌।

যাত্রা 21:7

যুনি কনজনে তা ঝিবোরে চাগরানী ইজেবে বিজি দুয়োন্‌ সালে চাগর ধোক্ক্যেন গুরি সেই চাগরানীবোরে ইরি দিই ন-পারিবো।

যাত্রা 21:9

যুনি গিরোজ্‌সো তার্‌ পূঅবোত্তেই তারে বেঈ লোয়্‌ থায়্‌ সালে নিজোর ঝি ধোক্ক্যেন বেক্‌ অধিকারানি তারে দিয়া পুরিবো।

যাত্রা 8:29

মোশি কলঅ, “মুই তত্তুন্ যেইনে লগেপ্রভু ইধু কোজোলী গুরিম যেনে কেল্যে মহারাজ আর তা কাম্‌গুরিয়্যেগুন্‌ আর তা মানুচ্চুনো উগুরেত্তুন্‌ এ পুগোর্‌ তোষ্যেগানি উদি যাই। মাত্তর্‌ লগেপ্রভুর নাঙে য়েমান্‌ উৎসর্ব গুরিবাত্তে যেবাত্তে ন-দিইনে মহারাজে যেনে আমারে আরঅ ন-থগায়্‌।”

যিহিষ্কেল 15:8

দেজ্‌চান মুই মানুচ্ নেইয়্যে গুরিম, কিত্তে তারা অবিশ্বেজি ওইয়োন্। মুই প্রভু লগেপ্রভু এ কধাগান কঙর্।”

দ্বি’লম্বর বিররণ 20:7

মেলা ঠিগ্ অনার পরেন্দিয়ো যুনি কনজনে মোক্‌ ন লোইনে থায় সালে তেয়ো ঘরত্‌ যোক্‌; সিয়েন ন অলে তে যুদ্ধোত মুরি গেলে অন্যজনে সে মিলেবোরে লোয় পারিবো।

বিচের গুরিয়্যেগুন 14:3

জোবত্‌ তা মা-বাবে কলাক্কে, “তঅ কুদুম্মোগুনো ভিদিরেত্তুন্‌ বা আমা বেক্‌ জাদ্‌তুনোর ভিদিরেত্তুন্‌ কি কনঅ মিলে নেই, মোগ্‌ লবাত্তে তত্তুন্‌ সুন্নত ন-গোজ্যে পলেষ্টীয়গুনো ইদু যাহ্ পুরিবো?” মাত্তর্‌ শিম্‌শোনে তা বাবরে কলঅ, “না, মত্তেই তারে তুমি দুয়ো। তারে মুই বেই লোইয়োং।”

বিচের গুরিয়্যেগুন 9:19

মাত্তর্‌ এচ্চ্যে যুনি যিরুব্বালে আর তার গিরির্ উগুরে তুমি বিশ্বেজ্ আর দোল্‌ কারবার্‌ গুরি থাগঅ সালে অবীমেলকে যেনে তমার্‌ হুজি অবার্‌ কারণ অয় আর তুমিয়ো যেনে তার হুজির্‌ কারণ অ!

১ শমূয়েল 18:8

এই গান্‌‌নো শুনিনে শৌলর অমকদ রাগ অলঅ। তে বেজার্‌ ওইনে কলদে, “তারা দায়ূদো পৌইদ্যেনে অযুত অযুতোর কধা কলাক্‌ অদচ আমা পৌইদ্যেনে কলাক্‌ আজার আজার। ইয়েনর পরেন্দি রেজ্যগান বাদে দায়ূদোর আর কি পেবার্‌ বাগী রলঅ?”

১ শমূয়েল 8:6

“আমারে শাজন্ গুরিবাত্তে এক্কো রাজা নেযা,” মানুচ্চুনোর এই কধাগান শমূয়েল ইদু গম্‌ বিলিনে মনে ন-গুরিলো। সেনত্তেই তে লগেপ্রভুর্ ইদু তবনা গরা ধুরিলো।