যাত্রা 21:26 - Chakma Bible

²⁶ যুনি কনজনে তার্‌ চাগর্‌ বা চাগরানীরে কনঅ‌ চোগোত্‌ আঘাত্‌ গুরিলে সিবে বর্‌বাদ্ ওই যায়্‌ সালে সিয়েনর্‌ বদলে তারে এম্‌নে যেবাত্তে অনুমতি দিয়্যে পুরিবো।

যাত্রা 21:26 Iomraidhean Croise

নহিমিয় 5:5

যুনিয়ো আমি এক্‌ জাদর্‌ মানুচ্‌ আর আমা ঝি-পূঅগুনে তারার্‌ ঝি-পূঅগুনো ধোক্কেন্‌ তো আমা ঝি-পূঅগুনোরে চাগর্‌ বানা পোজ্যে, আর আমা ঝি-গুনোর্‌ ভিদিরে কয়েকজনে আগেত্তুন্‌ ধুরি চাগর্‌ ওই যেইয়োন্‌। ইক্কিনে আমাত্তুন্‌ কনঅ্‌ খেমতা নেই, কিত্যে আমার ভূইয়ানি আর আংগুর ক্ষেত্‌তানি অন্যর্‌ ওই যেইয়্যে।”

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 10:18

তুয়ই সিয়েন্ গোজ্যস্, যেনে মা-বাপ্ নেইয়্যে আর অত্যেচার ওইয়্যে মানুচ্চুনোর্ পক্ষে তুই থিয়্যেই পারচ্, যেনে এ দুনিয়ের্ মানুচ্চুনে তারারে আর্ দর্ দেগেই ন-পারন্।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যাত্রা 21:20

যুনি কনজনে তার্‌ চাগর্‌ বা চাগরানিবোরে লুদিক্কোয়্‌ মারণ্‌ আর সিয়েনর্‌ কারনে তে মুরি যায় সালে আঘাত গুরিয়্যেবোরে সাজা-দিয়্যে পুরিবো।

যাত্রা 21:24

চোগোর বদলে চোগ, দাদর্‌ বদলে দাদ, আদর্‌ বদলে আত্‌, টেঙর্‌ বদলে টেঙ্‌;

যাত্রা 21:25

পুড়োনার্‌ বদলে পুড়োনা, ঘার্‌ বদলে ঘা‌ আর রগ্‌ বুদি দেনার্‌ বদলে রগ্‌ বুদি দেনা।

যাত্রা 21:27

যুনি তে আঘাত্‌ গুরিনে তা দাত্তুন্‌ ফেলেই দে সালে তার্‌ বদলেয়ো তারে এম্‌নে যেবাত্তে দিয়্যে পুরিবো।

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

কলসীয় 4:1

গিরোজ্‌চুন্, স্বর্গত্ তমার্‌অ এক্কো গিরোজ্ আঘে জানিনে তুমি তমার চাগরুনো লগে গম্ আর ন্যায় বেবহার গরঅ।