যাত্রা 21:2 - Chakma Bible

² চাগর্‌ ইজেবে যুনি কনঅ‌ ইব্রীয় মান্‌জ্যরে তুমি কিনি নেযঅ‌, সালে ছয় বজর্‌ সং তে তমার অধীনোত্‌ থেইনে কাম্‌ গুরিবো, মাত্তর্‌ সাত্‌ বজর বিদি গেলে তাত্তুন্‌ কিজু নেযেইনে এম্‌নে তারে ইরি দিয়্যে পড়িবো।

যাত্রা 21:2 Iomraidhean Croise

পত্থম 27:28

গোজেনে যেন তরে আগাজ শিরোপানি দে, আর তঅ ভুইয়ানিত্‌ বোল্‌বোল্যে ওক্‌; সেক্কে তুই বোউত্‌ ফসল আর্‌ নুয়ো আংগুর-রস পেবে।

পত্থম 27:36

এষৌ কলঅ, “তার এ যাকোব নাঙান্‌ দেনা ঠিগ্ ওইয়্যে, কিত্তে ইয়েন্‌ সহ দ্বিপল্লা তে মরে মঅ জাগানত্তুন্‌ সোরেই দিলো। দাঙর্‌ পুয়োবো ইজেবে মর্‌ যিয়েন্‌ অধিকার তে আগে আগে নেযেয়েগোই আর এবারত্‌ মর্ বর্ পেবার ভাগকানঅ নেযেল।” এষৌ আরঅ কলঅ, “মত্তে কি কনঅ বর্ দিবাত্যে ন-রাগাচ্‌?”

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

নহিমিয় 5:8

মুই কলুঙ্‌, “অযিহূদীগুনোর্‌ ইদু আমার্‌ যিদুক্কুন্‌ ভেই বেজা যেইয়োন্‌ যিদ্দুর্‌ সম্ভব্‌ তারারে আমি ছাড়িনে আন্যেই। আর ইক্কিনে তুমি তমা ভেইয়ূনোরে বিজিবাত্তে বাধ্য গোজ্য, যিয়েনর কারনে আমাত্তুন্‌ আরঅ তারারে কিনি নেযা পুরিবো।” এ কধাগান শুনিনে তারা জুরো গুরিনে থেলাক্‌, কিত্যে জোব্‌ দেদে ধোক্কেন্‌ তারা কনকিজু তোগেইনে ন-পেলাক্‌।

যাত্রা 12:44

টেঙালোই কিন্যে চাগর্‌বোর চুনুগুলোবো তনা গরানার পরেদি সিয়েন্‌ হেই‌ পারিবো।

যাত্রা 21:3

যুনি তে গায়্‌ গায়্‌ তমা ইদু এই থায়্‌ সালে তে গায়্‌ গায়্‌ যেবগোই, মাত্তর্‌ যুনি তে তার্‌ মোক্কোরেয়ো সমারে আনি থায়্‌ সালে তারেয়ো তা সমারে যেবাত্তে দিয়্যে পড়িবো।

যাত্রা 21:7

যুনি কনজনে তা ঝিবোরে চাগরানী ইজেবে বিজি দুয়োন্‌ সালে চাগর ধোক্ক্যেন গুরি সেই চাগরানীবোরে ইরি দিই ন-পারিবো।

যাত্রা 22:3

মাত্তর্‌ যুনি বেলান্‌ উদিবার পরেন্দি সিয়েন্‌ অয়্‌ সালে তে সেই খুনোত্তে দায়ী অবঅ‌। চুর্‌বোত্তুন্‌ চুর্‌ গোজ্যে জিনিচ্চানত্যেই‌ হামাক্কাই‌ ক্ষোতি পূরোণ্‌ দিয়্যে পুরিবো, মাত্তর্‌ যুনি তার্‌ কিচ্চু ন-থায়্‌ সালে নিজোরে বেজিনে সেই টেঙাগুন্‌ উজোল্‌ গুরি নেযা পুরিবো।

লেবীয় 25:54

ইগুনোর্‌ কনঅ উপায়ে যুনি তারে ছাড়েই নেযা ন-অয় সালে তারে আর তার্‌ ঝি-পূঅগুনোরে ফিরি পেবার্‌ বজরত্‌ ছাড়ি দিয়্যে পুরিবো।

মথি লেখ্যে গম্ হবর্ 18:25

তা কজ্জ শুজিবার্ খেমতা ন-এলঅ। সেক্কে সে গিরোজ্‌সো উগুম গুরিলো যেন সে মানুচ্চোরে আর তা মোক্কোরে আহ্ পুয়ো-ঝিগুনোরে আর তার্ যিয়েনি আঘে বেক্কানি বিজিনে পাওনা উজোল্ গরা অয়।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

দ্বি’লম্বর বিররণ 15:1

পত্তি সাত বজরর শেজত্‌ অন্যগুনোত্তুন্‌ তমার পাওনা বেক্কুন মাপ গুরি দিবা।

দ্বি’লম্বর বিররণ 15:18

চাগর বা চাগরানীবোরে উদ্ধোর্ গুরি দেনাগান তুমি কনঅ দুগোর্‌ বেপার বিলিনে মনে ন গোজ্য, কিয়া এ ছয় বজর সং তে তমাত্যে যে কামানি গোজ্যে তার দামান্‌ দ্বিজন মান্‌জ্যর কামর্‌ সমান। তারারে উদ্ধোর গুরি দিলে তমা গোজেন লগেপ্রভু তমারে বেক্কানিত আশিদ্‌বাদ গুরিবো।

দ্বি’লম্বর বিররণ 31:10

তে তারারে উগুম গুরিলো, “পত্তি সাত বজরত, অত্তাৎ কজ্জ মাপ গুরিবার বজরত যেক্কে নাদা মান্‌জ্যর-ঘর পরবর্‌ অক্ত এবঅ আর বেক্‌ ইস্রায়েলীয়গুনে তমার গোজেন লগেপ্রভুর মুজুঙোত্‌ আঝিল্ অবাত্তে তার বেঈ লোইয়্যে জাগানত্‌ যেবাক সেক্কে তুমি এ রীদি-সুদোমানি তারারে পড়ে শুনেবাক্।