যাত্রা 21:14 - Chakma Bible

¹⁴ যুনি কনজনে আগেত্তুন্‌ ধুরি চিন্তে-ভাবনালোই আওজ্ গুরিনে অন্য কাররে মারে ফেলেইনে ডালিপূজোবো ইদু যেইনে আশ্রয় লয়, সালে সিয়োত্তুনো তারে ধুরি আনিনে মারে ফেলা পুরিবো।

যাত্রা 21:14 Iomraidhean Croise

২ শমূয়েল 3:27

অব্‌নের হিব্রোণত্‌ ফিরি এজানার্‌ পরেন্দি যোয়াবে তা লগে গুমুরো কধা কবার্‌ ছলনা গুরিনে শঅরর্‌ গেদো ভিদিরে নেযেল। সে পরেন্দি তা বুগুদ গুদো মারিনে তারে মারে ফেলেল। এধোক্ক্যেন গুরিনে তে তা ভেই অসাহেলর লো ঝরানার্‌ হেনাবো সুজিলো।

২ রাজাবলী 11:15

সেক্কে ধর্মগুরু যিহোয়াদা যিগুনো উগুরে সৈন্যদলর ভারান্ এলঅ সে শত উগুরে সেনাপতিগুনোরে এ উগুমান দিলো, “তারে সৈন্যগুনোর সুরোর্‌ সংমোধ্যে রাগেইনে ইয়োত্তুন্‌ নিগিলেনে নেযঅ। যে তার্‌ পিজে পিজে এবঅ তারে মারে ফেলেবে।” ইয়েন আগেন্দি তে উগুম দিয়্যেদে, লগেপ্রভুর ঘর ভিদিরে অথলিয়ারে মারে ফেলানা গম্‌ ন-অবঅ।

গীতসংহিতা 19:13

হবর্ পেইনে বার্‌বো গোজ্যে পাপত্তুন্ তর্ চাগর্‌‌‌বোরে তুই দূরোত্ রাগা; সিয়েনে যেনে মঅ উগুরে রাজাগিরি ন-গরে। সেক্কেনে তে মুই খাটি ওই পারিম, মুক্ত থেম্ গোজেন উগুরে অমকদ উল্লোমির দায়ত্তুন্।

যাত্রা 21:15

বাবরে বা মাবোরে যে আঘাত গরে তারে হামাক্কায়্‌ মারে ফেলা পুরিবো।

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

গণাণা 35:16

কনঅ মানুচ্ যুনি লুয়োর্‌ জিনিস্‌সোই কাররে আঘাত গরে আর সেক্কে তে মুরি যায় সালে তে খুনি। সেই খুনিবোরে মারে ফেলা পুরিবো।

দ্বি’লম্বর বিররণ 1:43

মুই তমারে সেই কধাগান জানেলুং মাত্তর্‌ তুমি সিয়েন্দোই কান্‌ ন-পাদিলা। তুমি লগেপ্রভুর উগুমোর্‌ বিরুদ্ধে যেইনে বুক্‌ ফুলেইনে মুড়ো-মুড়ি চাগালাত্‌ উদি গেলা।

দ্বি’লম্বর বিররণ 18:22

কনঅ ভাববাদী যুনি লগেপ্রভুর নাঙান্‌ দিইনে কনঅ কধা কয় আর সিয়েন যুনি মিজে অয় বা ন অয়, সালে বুঝো পুরিবো সে কধাগান লগেপ্রভু ন কয়। সে ভাববাদীবো দুঘ্ সাহস গুরিনে সে কধাগান কোইয়্যে। তারে তুমি ন দোরেবা।

দ্বি’লম্বর বিররণ 27:24

সে মানুচ্চো অভিশাব খেইয়্যে, যে কাররে গুমুরোত্ খুন গরে। সেক্কে বেক্কুনে কবাক, আমেন।

ইব্রীয় 10:26

গোজেনর্ সত্যগানরে জানানার্ পরেদি যুনি আমি ইচ্চ্যে গুরিনে পাপ গরানাত্ থেই সালে পাপত্যে আমার আর্ কনঅ উৎসর্ব নেই;