যাত্রা 21:1 - Chakma Bible

¹ সে পরেদি লগেপ্রভু মোশিরে কলঅ‌, ইস্রায়েলীয়গুনো মুজুঙোত্‌ তুই মর্‌ এই বেক্‌ সুদোমানি তুলি ধুরিবে।

যাত্রা 21:1 Iomraidhean Croise

১ রাজাবলী 6:12

“তুই যুনি মঅ উঘুম মজিম আদচ্‌, মর্ বেক্‌ সুদোমানি পালাচ্‌ আর মর্‌ বেক্‌ উঘুমানির বাধ্য অচ্‌ সালে তবনা-ঘরান্‌ তুই বানেয়োচ্‌ সিয়েন পৌইদ্যেনে মুই তঅ বাপ্পো দায়ূদো ইদু যিয়েনি শমক্ হেইয়োচ্ সিয়েনি মুই তঅ মাধ্যমে পুরেই দিম্‌।

২ বংশধর 19:10

নানান্‌ আদামত্‌ আর শঅরত্‌ বজত্তিগুরিয়্যে তমা মানুচ্চুনো ইত্তুন্‌ যে কনঅ মামলা এদঅ সাৎ-সিয়েন্‌ লো ঝড়েদে ধোক্ক্যেন ওক্‌ বা রীদি-সুদোম, উগুম, সুদোম বা হুকুমোর্‌ বেপার ওক্‌-তুমি তারারে উজিয়ার গুরি দিবা যেনে তারা লগেপ্রভুর চোগেন্দি দুষী ন-অন্‌। সিয়েন্‌ ন-অলে তমারে আর তমা মানুচ্চুনো উগুরে লগেপ্রভুর রাগ্‌কান লামি এবঅ। তুমি এধোক্ক্যেন গুরিনে কাম্‌ গরঅ, সালে তুমি দুষি ন-অবা।

গীতসংহিতা 147:19

যাকোব ইদু তে তার্ কধানি ফগদাং গোজ্যে, ইস্রায়েল ইদু ফগদাং গোজ্যেদে তার সুদোম আর আইন-কানুনানি।

যাত্রা 19:7

সেক্কে মোশি লামি এইনে ইস্রায়েলীয় বুড়ো মুরুব্বীগুনোরে ডাগিনে এগত্তর্‌ গুরিলো আর লগেপ্রভু তারে যে কধানি কবাত্তে কোইয়্যে সিয়েনি বেক্কানি তারারে কলঅ।

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

যিহিষ্কেল 20:25

সেনত্তে যেদক্কানি সুদোম গম্ নয় আর যে রীদি-সুদোমর্ মাধ্যমে তারা জিংকানি ন-পেবাক্ সেই বেক্কুনো আদত্ মুই তারারে ইরি দিলুং।

লেবীয় 18:26

মাত্তর্‌ তুমি মর্‌ সুদোম আর রীদি-সুদোমানি মানি চলিবা। তমার জাদর্‌ বা তমা ভিদিরেত্তুন বজত্তি গোজ্যে অন্য জাদর্‌ কনঅ মানুচ্‌ যেন এবাবোত্যে কনঅ জঘন্য কাম ন-গরন্‌।

লেবীয় 18:5

মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

লেবীয় 19:37

মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 20:22

মুই তমারে যে দেজ্‌চানত্‌ বজত্তি গুরিবাত্তে নেযাঙর্‌ সেই দেজচানে যেনে তমারে উগুলি ফেলেই ন-দে সেনত্তে মর্‌ বেক্‌ সুদোমানি আর রীদি-সুদোমানি তমাত্তুন্ পালন গরা পুরিবো।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

গণাণা 36:13

যিরীহোর উই কিত্তেন্দি যর্দন গাঙর্‌ পারত্‌ মোয়াবর সংজাগানত্‌ লগেপ্রভু মোশির্‌ মাধ্যমে ইস্রায়েলীয়গুনোরে এই বেক্‌ উগুমানি আর সুদোমানি দিলো।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

দ্বি’লম্বর বিররণ 15:12

যুনি কনঅ ইব্রীয় মরদ বা মিলেরে তমা ইদু বিজি দিয়্যে অয়, সালে ছয় বজর তমা কাম্‌ গরানার পরেন্দি সাত বজরত্‌ তারে হামাক্কায় তমাত্তুন্‌ ইরি দিয়্যে পুরিবো।

দ্বি’লম্বর বিররণ 4:14

যর্দন গাঙান্‌ পার্‌ ওইনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ যেইনে তমার্‌ যে সুদোম আর রীদি-সুদোমানি পালন গুরিনে চলা পুরিবো সিয়েনি তমারে শিগেবাত্তে সে সলাবোত্‌ লগেপ্রভু মরে উগুম্‌ দিয়্যে।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 4:8

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ সুদোম আর রীদি-সুদোমানি তমা ইদু এচ্ছ্যে মর্‌ দিয়্যে সুদোম ধোক্ক্যেন গমান ইন্দি সয়্‌সাগর্‌?

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 5:31

মাত্তর্‌ তুই ইয়োত্‌ মইদু থাক। মুই তরে সে বেক্‌ উগুমানি, আইন আর সুদোমানি দিম্‌ যিয়েনি তত্তুন্‌ তারারে শিগা পুরিবো, যেনে গজক্ গুরিবাত্তে যে দেজ্‌ছান মুই তারারে দিবাত্তে যাঙর্‌ সিদু তারা সিয়েনি পালন গুরিনে চলন্‌।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 6:20

আগামিদি যেক্কে তমা পূঅগুনে তমারে পুযোর্‌ গুরিবাক্‌, আমার গোজেন লগেপ্রভু যেদক্কানি উঝিয়ারর্‌ কধা, সুদোম আর উগুম্‌ তমারে দিয়্যে সিয়েনির্‌ ভেদ্‌তান্ কি?

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।