যাত্রা 20:8 - Chakma Bible

⁸ জিরেবার্‌ দিন্নো মর্‌ নাঙে যুদো গুরি রাগেবা আর সিবে পালন গুরিবা।

যাত্রা 20:8 Iomraidhean Croise

পত্থম 2:2

গোজেনে তার বেক্‌ সৃট্টির কামানি ছয় দিনোত্‌ থুম্‌ গুরিলো; তে সাত দিনোত্‌ জিরেল কনঅ সৃট্টির কাম ন-গুরিলো।

পত্থম 2:3

এ সাত দিন্‌নোরে তে বর্ দিইনে নিজোত্যে ফারক্‌ গুরিলো, কিত্তে সে দিনোত্‌ তে কনঅ সৃট্টির কাম ন-গুরিলো।

নহিমিয় 13:15

সে অক্তত্‌ মুই দেগিলুঙ্‌ যিহূদার মানুচ্চুনে জিরেবার্‌ দিন্নোত্‌ আংগুর-মারেদে কাম্‌ গোজ্যন্‌ আর খেত্‌খেত্তি আনদন্‌ আর সেই খেত্‌খেত্তিগানি, আংগুর-রসছানি, আংগুর, ডোমোর্‌ আর অন্য নানান্‌ বাবোত্যে বুধি তারা গাধা উগুরে তুলি দুয়োন্‌। ইয়েনিবাদেয়ো তারা জিরেবার্‌ দিন্নোত্‌ সিয়েনি যিরূশালেমত্‌ আন্যন্‌। সেনত্তেই জিরেবার্‌ দিনোত্‌ হানা জিনিস বিজিবার্‌ পৌইদ্যেনে মুই তারারে উজিয়ার্‌ গুরিলুঙ্‌।

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যাত্রা 31:12

সে পরেদি লগেপ্রভু মোশির মাধ্যমে ইস্রায়েলীয়গুনোরে এই কধাগান্‌ কবাত্তে কলঅ‌: তুমি মর্‌ পত্তিবারত্ জিরেবার্‌ দিন্নো পালন গুরিবা। এই জিরেবার দিন্নো বংশর পর্‌ বংশ ধুরিনে তমার্‌ আর মইধু এমন্‌ এক্কান্‌ চিহ্নো ওই থেবঅ‌ যিয়েন্দোই তুমি বুঝি পারিবাদে, মুয়ই লগেপ্রভু আর মুয়ই তমারে মর্‌ নাঙে ফারক্‌ গুরি রাগেয়োং।

যাত্রা 35:1

পরেদি মোশি ইস্রায়েলীয়গুনোরে এগত্তর্‌ গুরিনেই কলঅ‌, “লগেপ্রভু তমারে পালেবাত্তে এই বেক্‌ উগুমানি দিয়্যে।

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিরমিয় 17:21

লগেপ্রভু কোইয়্যেদে, ‘তুমি উজিয়ার অ; জিরেবার দিনোত্ কনঅ বুদি ন-বুয়োবা বা যিরূশালেমর গেট্‌তোদি সিগুন ভিদিরে ন-আনিবা। ‍‌‍‍‍‍‍

যিরমিয় 17:22

মুই যেবাবোত্যেগুরি তমা পুরোণি মানুচ্চুনোরে উগুম দুয়োং সেবাবোত্যে জিরেবার দিনোত্ তুমি তমা ঘরত্তুন্ কনঅ বুদি নিগিলেই ন-আনিবা বা কনঅ কাম ন-গুরিবা, বরং জিরেবার দিন্নো মঅ নাঙে যুদো গুরি রাগেবা।

যিরমিয় 17:24

মাত্তর্ যুনি তুমি উজিয়ার ওইনে মর্ কধামজিম আঢঅ আর জিরেবার দিনোত্ শঅরর্ গেদো ইন্দি কনঅ বুধি ন-আন বরং জিরেবার দিন্নোত্ কনঅ কাম্ ন-গুরিনে দিন্নোরে মঅ নাঙে যুদো গুরি রাগঅ,

যিহিষ্কেল 20:20

তারা যেন মর্ দিয়্যে জিরেবার দিনুনোর পবিত্রতাগান রোক্ষ্যে গরন; সেক্কে মর্ আর তারা ভিদিরে সিয়েন এক্কান চিহ্নো ওই থেবঅ, আর তারা হবর্ পেবাক্ যে, মুয়ই তারার্ গোজেন লগেপ্রভু।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 19:30

মর্‌ উগুম্‌ গোজ্যে ঝিরেবার্‌ দিনুন্‌ পালন্‌ গরা পুরিবো আর মর্‌ থেবার-তাম্বুলো উগুরে ভোক্তি রাগা পুরিবো। মুই লগেপ্রভু।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

লেবীয় 26:2

মর্‌ জিরেবার দিনুন্‌ আর বজরুন তমাত্তুন্‌ পালা পুরিবো; মর্‌ পবিত্র তাম্বুল উগুরে তমাত্তুন্‌ শ্রদ্ধা রাগা পুরিবো। মুই লগেপ্রভু।

গণাণা 15:32

ইস্রায়েলীয়গুনে ধূল্যেচর-জাগাত থেবার্‌ সময়োত্ এক্কো মান্‌জ্যরে ঝিরেবার দিন্নোত্‌ দার্‌বো কুড়োদে দেগা গেলঅ।

দ্বি’লম্বর বিররণ 5:12

তমা গোজেন লগেপ্রভু তরে যেধোক্ক্যেন উগুম্‌ গোজ্যে সেধোক্ক্যেন গুরি তুমি জিরেবার্‌ দিন্নোরে মর্‌ নাঙে যুদো গুরি রাগেবা আর সিবে পালন গুরিবা।