যাত্রা 20:5 - Chakma Bible

⁵ তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 20:5 Iomraidhean Croise

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

২ শমূয়েল 21:6

তা বংশর সাতজন মরদরে আমা আাঢত্‌ তুলি দে। আমি লগেপ্রভুর বেঈ লোইয়্যে সে মানুচ্চুনোরে, অত্তাৎ শৌলর শঅর্‌ গিবিয়াতদ্‌ লগেপ্রভুরে সাক্ষী রাগেইনে তারারে মারে ফেলেবং আর বেক্কুনো মুজুঙোত্‌ তারার্‌ মরাকিয়্যেগানি ফেলেই রাগেবং।” সেক্কে রাজা কলঅ, “মুই তমা আঢত্‌ তারারে তুলি দিম্‌।”

১ রাজাবলী 19:10

জোবত্‌ তে কলঅ, “বেগত্তুন খেমতার্‌ গিরোজ্‌ গোজেন লগেপ্রভু যেনে তার পাওনা ভোক্তি পায় সেনত্তে মুই অমকদ ধারোচ্‌ গরঙর্‌, কিত্তেই ইস্রায়েলীয়গুনে তর্‌ থিদেবর গোজ্যে সুদোমান্‌ ছাড়ি দুয়োন্‌, তর্‌ বেক্‌ ডালিপূজোগুন্‌ ভাঙি ফেলেয়োন আর তর্‌ ভাববাদীগুনোরে মারে ফেলেয়োন। বানা মুই বাগি আগং আর মরেয়ো ইক্কিনে তারা মারে ফেলেবার চেট্ট্যা গত্তন্‌।”

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

২ রাজাবলী 17:35

লগেপ্রভু ইস্রায়েলীয়গুনোত্তে সুদোম থিদেবর গুরিবার সময়োত্‌ তারারে এ উগুমানি দিলো, “তুমি কনঅ দেব-দেবেদা পূজো ন-গুরিবা বা তারা ইদু মাধা ন-লোঙেবা আর তারারে সেবা বা তারা নাঙে উৎসর্ব ন-গুরিবা।

২ রাজাবলী 17:41

তারা লগেপ্রভুর তবনায়ো গুরিদাক্‌ আরঅ তারা দেব-দেবেদা পূজোয়ো গুরিদাক্‌। এজঅ তারার ঝি-পুয়োগুনে আর নাদিন্‌-পুদিনুনে তারা পূরোণি মানুচ্চুনো ধোক্ক্যেন চলদন্‌।

২ রাজাবলী 23:26

তো মনঃশি যে কামানি গুরিনে লগেপ্রভুরে অহুজি গোজ্যে সেনত্তে যিহূদার বিরুদ্ধে যে দর্‌গরেপারা রাগে লগেপ্রভু জুলি উঠ্যে সিয়েনত্তুন্‌ তে নঅ-ফিরিলো।

২ রাজাবলী 5:18

মাত্তর্‌ এ এক্কান পৌইদ্যেনে যেনে লগেপ্রভু তার্‌ চাগর্‌ মরে ক্ষেমা গরে। মর্‌ গিরোজ্‌সো যেক্কে রিম্মোণ দেবেদার মন্দিরোত্‌ সুমিনে মর্‌ বল্লোই রিম্মোনর নাঙে মাদিত্‌ মাধা নিগিরে সেক্কে মত্তুনঅ সিদু মাদিত্‌ মাধা নিগিরে পড়ে। এ পৌইদ্যেনে যেনে লগেপ্রভু মরে ক্ষেমা গরে।”

২ রাজাবলী 5:27

সেনত্তে নামানর্‌ ফারাঙিগান্‌ তর্‌ আর তর্‌ বংশধরুনোর্‌ ভিদিরে জিংকানিবর্‌ লাগি থেবঅ।” সেক্কে গেহসি ইলীশায়র মুজুঙেত্তুন্‌ আদি গেলঅ আর তা কিয়্যেগান্‌ ফারাঙিয়্যে দুব্‌ ওই গেলঅ।

২ বংশধর 25:14

অমৎসিয় ইদোমীয়গুনোরে মারে ফেলেইনে ফিরি এবার্‌ অক্তত্‌ সেয়ীরোর্‌ মানুচ্চুনোর্‌ মূত্তিগুন্‌ লগে গুরি নেযেইনে এলঅ। সিগুনোরে তে নিজোর্‌ দেব-দেবেদা ইজেবে বোজেই দিলো তারারে পূজো গুরিবাত্তে আর তারার্‌ নাঙে আগর্‌বাট্টি জ্বালা ধুরিলো।

২ বংশধর 7:19

“মাত্তর্‌ তুমি যুনি মঅ পথ্‌তানত্তুন্‌ সুরি যগোই আর যেদক্কানি সুদোম আর উগুম মুই তমারে দুয়োং সিয়েনি ছাড়িনে অন্য দেব-দেবেদাগুনোরে সেবা আর পূজো গরঅ,

ইয়োব 21:19

মান্‌জ্যে কন্‌, এক্কো মান্‌জ্যর সাজা গোজেনে তা পূঅগুনোত্তে জমা গুরি রাগায়। মাত্তর্‌ গোজেনে যেনে সেই মানুচ্চুনোরে সাজা দে যেনে তে তার্‌ দুজ্‌ছান বুঝি পারে।

ইয়োব 5:4

তা পূঅগুনে গমেডালে ন-থান; বিচের জাগানত্‌ তারা বেক্কানি আরান্‌, তারার্‌ রোক্ষ্যেগুরিয়্যে কনজন ন-থেবাক্‌।

গীতসংহিতা 109:14

তারার পুরোণি মানুচ্চুনোর অন্যেয়র কধানি লগেপ্রভুর মনত্ থোক্; তারার মা গুনোর পাপ্পানি বাদ দিয়া ন-ওক্।

গীতসংহিতা 78:58

তারা মুড়ো উগুরে ডালিবাজা দিইনে তারে অখুজি গোজ্যন্; বানেয়্যে মুত্তি পূজো গুরিনে তা পাইদে ভক্তির আওজ্‌ছান বাড়েই দুয়োন।

গীতসংহিতা 79:8

পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

যাত্রা 23:24

তুমি তারার্‌ দেবেদাগুনোরে পূজো বা সেবা ন-গুরিবা আর সিদুগোর্‌ মানুচ্চুনে যিয়েনি গরন্‌ সিয়েনি ন-গুরিবা। তুমি তারার্‌ দেব-দেবেদার মুর্তিগুন্‌ ভাঙি ফেলেবা আর তারার্‌ পূজো গোজ্যে পাত্তরুন কট্টা কট্টা গুরি ফেলেবা।

যাত্রা 34:14

তুমি কনঅ‌ দেবেদার্‌ উবোসনা ন-গুরিবা, কিত্তে লগেপ্রভুর্‌ নাঙান্‌ অলঅ পাইদে ভোক্তি পেবার্‌ আওজি গোজেন; তে তার্‌ পাইদে ভোক্তিগানি চায়্‌।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

যিশাইয় 44:15

পরেদি সিবে মান্‌জ্যর্ জ্বালাইদ্যে গাজ্ অয়। তে সিবেত্তুন্ কিজু নিইনে আগুন পুয়োই, আরঅ আগুন্ জ্বালেইনে রুটি সেগে, আর এক্কো দেবেদা বানেইনে সিবেরে পুজোয়ো গরে, আরঅ মূত্তি বানেইনে মাদিত্ পড়িনে সিবেরে জু জু জানায়।

যিশাইয় 44:19

কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍

যিরমিয় 2:9

সেনত্তে মুই তমারে আর তমা বংশধরুনোরে আরঅ দুষি বানেম।

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

যিহিষ্কেল 18:2

ইস্রায়েল দেজত্ তুমি এ দাগঅ কধাগান্ কঅ সিয়েনর ভেদ্‌তান্ কি, বাব্‌পুনে হর আংগুর হেইয়োন মাত্তর্ পুয়োগুনোর্ দাত্‌তুন হর ওইয়োন‌্‌?

যিহিষ্কেল 20:7

মুই তারারে কোইয়োং, যিদুক্কুন জঘন্য মূত্তি তারার ইধু গম্ লাক্যে সিগুন যেন তারা পত্তিজনে দূর গুরি দুয়োন আরঅ মিসরর মূত্তিগুন দিইনে নিজোরে অসিজি ন-গরন, কিত্তে মুয়ই তারার গোজেন লগেপ্রভু।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 3:18

মাত্তর্ ও মহারাজ, তে যুনি সিয়েন নয়ো গরে তো আমি তর্ দেবেদাগুনোরে সেবা ন-গুরিবোং বা তর্ থিদেবর্ গোজ্যে সোনার মূত্তিবোরে জু জু ন-জানেবং।”

লেবীয় 20:5

মাত্তর্‌ সেই উৎসর্ব গুরিয়েবো আর তার্‌ পরিবারত্তুন্‌ মুই নিজেই মুয়োন ফিরেই নিম। তারে আর তা সমারে যিগুনে মঅ উগুরে অবিশ্বেজী ওইনে মোলক দেবেদা ইদু নিজোরে গোজেই দুয়োন তারারে মুই ইস্রায়েল জাদত্তুন্‌ তুলি ফেলেম।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

লেবীয় 26:29

সেক্কে পেট পড়ায়্‌ তুমি তমার্‌ ঝি-পূঅগুনোর্‌ য়েরা হেবা।

নহূম 1:2

লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

গণাণা 14:18

‘লগেপ্রভু এনেবাদে বেজার্ ন অয়, তার কোচ্‌পানার্‌ শেজ্ নেই আর তে অন্যেয় আর উল্লোমিগানি ক্ষেমা গরে, মাত্তর্‌ দুষীগুনোরে তে সাজা দে; তে বাবর্‌ অন্যেয়র্‌ সাজা তার্‌ বংশর তিন আর চের্‌ পুরুষ সং দি থায়।’

গণাণা 14:33

তমার বেগঅ শেজন্দি মানুচ্চো এই ধূল্যেচর-চাগালাত্‌ মুরি ন-যানা সং তমার অবিশ্বেজর্ কারনে তমার্‌ ঝি-পূঅগুনে চোল্লিশ বজর্‌ সং ইয়েনত্‌ ভেড়াছাগল চোড়েেইনে বেড়েবাক্।

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।

মথি লেখ্যে গম্ হবর্ 4:9

“তুই যুনি মাদিত্ পড়িনে মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি মুই তরে দিম্।”

যোহন 15:18

জগদ মানুচ্চুনে তমারে ঘিনান্, মাত্তর্ মনত্ রাগেয়ো, তা আগেদি তারা মরে ঘিনেয়োন্।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

যোহন 9:2

সেক্কে শিচ্চ্যগুনে যীশুরে পুযোর্ গুরিলাক্, “মাষ্টরবাবু, কার্ পাপে এ মানুচ্চো কানা ওইনে জোর্মেয়্যে? তার নিজোর্, না তা মা-বাবর্?”

রোমীয় 1:30

অন্যরে নিন্দে গরন্ আর গোজেনরে ঘিনান্। তারা রগ্‌‌‌চদা, বার্‌বো আর দেমাগ্। অন্যেয় কাম্ গুরিবাত্তে তারা নুয়ো নুয়ো ফন্দি বার্ গরন্। তারা মা-বাবর্ উল্লো,

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

দ্বি’লম্বর বিররণ 5:10

মাত্তর্‌ যিগুনে মরে কোচ্‌পান আর মর্‌ উগুমানি পালান্‌ আজার্‌ আজার্‌ বংশ সং তারা উগুরে মর্‌ অমকদ কোচ্‌পানাগান্ থেবঅ।

দ্বি’লম্বর বিররণ 5:9

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্যে বানা মুয়ই লগেপ্রভু তমার গোজেন। মর্‌ পেবার্‌ ভোক্তিগান মুই চাং। যিগুনে মরে ঘিনান্‌ তারার্‌ পাপর্‌ সাজা মুই তারার্‌ তিন আর চের্‌ বংশ সং দি থাং।

দ্বি’লম্বর বিররণ 6:15

কিত্যে তমা ভিদিরে তমার্‌ যে গোজেন লগেপ্রভু আঘে তে তার্‌ পাওনা ভোক্তি পৌইদ্যেনে অমকদ খুজি; দেব-দেবেদাগুনোর্‌ পিজেন্দি গেলে তমার বিরুদ্ধে তার্‌ রাগর্‌ আগুনান্‌ জুলি উদিবো, আর তে পিত্‌থিমীগান উগুরেত্তুন্‌ তমারে ভস্ত গুরি ফেলেব।

দ্বি’লম্বর বিররণ 7:10

মাত্তর্‌ যিগুনে তারে কোচ্‌ ন-পান তারারে ভস্ত গুরিনে তে তার্‌ হেনা উগুরোই; আর সিয়েন্‌ গত্তে তে দেরি ন-গরে।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

যিহোশূয় 23:7

যে জাদ্‌তুন্‌ তমা ভিদিরে রোইয়োন্‌ তারা সমারে ন-মিজেয়ো; তারার্‌ দেব-দেবেদাগুনোর্‌ নাঙানি মুয়োত্‌ ন-আন্য বা তারার্‌ নাঙে শমক্‌ ন-গোজ্য। সিগুনোর পূজো ন-গোজ্য বা তারার্‌ মুজুঙোত্ মাদা ন-নিগিজ্য।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

বিচের গুরিয়্যেগুন 2:19

মাত্তর্‌ সেই শাজন্ গুরিয়েবো মুরি গেলে মানুচ্চুনে আর দেব-দেবেদাগুনোর্‌ ইন্দি মনান্‌ দিদাক্‌ আর তারারে সেবা আহ্‌ পূজো গুরিনে তারার্‌ পূরোণি মানুচ্চুনোত্তুন্‌ বেশ্‌ আরঅ‌ বজং পদেন্দি ফিরি যেদাক্‌। তারা কনবাবদে তারার্‌ ভাজ্‌ন্যেই হাচ্যত্‌ আর একগঙ্যা পথ্‌তান্‌ ন-ছাড়িদাক্‌।