যাত্রা 20:4 - Chakma Bible

⁴ পূজো গুরিবার্‌ নাঙে তুমি কনঅ‌ মূত্তি ন-বানেবা, সিবে আগাজর্‌ কনকিজু ধোক্ক্যেন ওক্‌ বা মাদি উগুরে কনঅ‌ কিজু ধোক্ক্যেন ওক্‌ বা পানি ভিদিরেত্তুন্‌ কনঅ কিজু ধোক্ক্যেন ওক্।

যাত্রা 20:4 Iomraidhean Croise

১ রাজাবলী 12:28

রাজা যারবিয়ামে সেক্কে সুল্লুক্‌ গুরিনে দ্বিবে সোনার্‌ গোরু ছঅ বানেল। সে পরেন্দি তে মানুচ্চুনোরে কলদে, “যিরূশালেমত্‌ যানা তমাত্তে অমকদ দুগোর্‌ কধা। ও ইস্রায়েল, ইগুনে তমার্‌ দেবেদা, ইগুনে মিসর দেজত্তুন্‌ তমারে নিগিলেই আন্যন্‌।”

২ রাজাবলী 17:12

তারা মূত্তি পূজো গুরিদাক্‌, যুনিয়ো লগেপ্রভু তারারে সিয়েনি গুরিবাত্তে মানা গোজ্যে।

২ বংশধর 33:7

তে যে মূত্তিবো কাবিনে বানেইয়্যে সিবে নেযেইনে গোজেন ঘরত্‌ রাগেল। গোজেনে এ ঘরান পৌইদ্যেনে দায়ূদ আর তার্‌ পুয়ো শলোমনরে কোইয়্যেদে, “এ ঘরান্‌ আর ইস্রায়েলর পুরো গুট্টিগুনো ভিদিরেত্তুন্‌ মর্‌ বেঈ লোইয়্যে এ যিরূশালেমানরে মুই উমরত্তে মর্‌ থেবার্‌ জাগা বানেম্‌।

গীতসংহিতা 78:58

তারা মুড়ো উগুরে ডালিবাজা দিইনে তারে অখুজি গোজ্যন্; বানেয়্যে মুত্তি পূজো গুরিনে তা পাইদে ভক্তির আওজ্‌ছান বাড়েই দুয়োন।

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 32:23

তারা এইনে মরে কলাক্কে, পথ্‌ দেগেইনে নেযেবাত্তে তুই আমারে ভুত্‌-দেবেদা বানেই দে, কিত্তে সেই মোশি, যে মিসর দেজত্তুন্‌ আমারে নিগিলেই আন্যে, তার্‌ কি ওইয়্যে আমি হবর্‌ ন-পেই।

যাত্রা 32:4

মানুচ্চুনে হারোণরে যিয়েনি দিলাক্‌ সিয়েনি গোলেইনে ছাচি ছাজাই মিশিন্দোই তে গোরু ছঅ ধোক্ক্যেন এক্কো মূত্তি বানেল। সিবে দেগিনেই ইস্রায়েলীয়গুনে কলাক্, “ভেইলক্‌, ইবে ভিদিরে আগন্‌ তমার দেব-দেবেদাগুন্‌। মিসর্‌ দেজত্তুন্‌ এই দেব-দেবেদাগুনে তমারে নিগিলে আন্যন্‌।”

যাত্রা 32:8

এ ভিদিরে তারা মর্‌ উগুমোত্তুন্‌ দূরোত্‌ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্‌ পুরিনে সিবেরে পূজো গোজ্যন্‌ আর সিবের্‌ নাঙে য়েমান্‌-উৎসর্ব গুরিনে কোইয়োন, ভেইলক্‌, ইবে ভিদিরে আগন্‌ তমা দেব-দেবেদাগুন্‌। এই দেব-দেবেদাগুনে মিসর্‌ দেজত্তুন্‌ তমারে নিগিলেই আন্যন্‌।

যাত্রা 34:17

তুমি ধাতুলোই কনঅ‌ মূত্তি ন-বানেবা।

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 45:16

যিগুনে মূত্তি বানান্ তারা বেক্কুনে লাজত্ পড়িবাক্ আর অসর্মান অবাক্; তারা এক সমারে অগমান পেইনে যেবাক্কোই।

যিহিষ্কেল 20:7

মুই তারারে কোইয়োং, যিদুক্কুন জঘন্য মূত্তি তারার ইধু গম্ লাক্যে সিগুন যেন তারা পত্তিজনে দূর গুরি দুয়োন আরঅ মিসরর মূত্তিগুন দিইনে নিজোরে অসিজি ন-গরন, কিত্তে মুয়ই তারার গোজেন লগেপ্রভু।

যিহিষ্কেল 8:10

সেনত্তে মুই ভিদিরে যেইনে রিনি চেলুং আর দেবালর্ বেক্ জাগানিত্ নানান্ বাবোত্যে বুগেদি-আঢি বেড়েয়্যে প্রাণি আর অসিজি এ্যামানর চেঙেরা আর ইস্রায়েলীয়গুনোর বেক মূত্তির চেঙারানি খোদাই গরা আগেদে দেগিলুং।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

লেবীয় 19:4

মূত্তিপূজো গরানা তমার্‌ ন-চলিবো বা নিজোর্‌ উবোসনাত্তে ছাজি ফেলেয়ে জিনিচ্ছোই কনঅ দেব-দেবেদা বানানা ন-চলিবো। মুই লগেপ্রভু তমার গোজেন।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

রোমীয় 1:23

উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।

দ্বি’লম্বর বিররণ 5:8

পূজোর্‌ নাঙে তুমি কনঅ মূত্তি ন-বানেবা, সিবে আগাজর্‌ কনঅ কিজু ধোক্ক্যেন ওক্‌ বা মাদি উগুরে কনঅ কিজু ধোক্ক্যেন ওক্‌ বা পানি উগুরে কনঅ কিজু ধোক্ক্যেন ওক্‌।

ফগদাং পেইয়্যে 16:2

সেক্কে পত্তম স্বর্গদূত্‌তো যেইনে তা কদরাবো পিত্‌থিমী উগুরে উবোত্ গুরিলো। সিয়েনত্যে যিগুনো উগুরে সেই য়েমান্নোর্ চিহ্নো এলঅ আর যিগুনে তার মূত্তিবোরে পূজো গুরিদাক্ তারা কিয়্যেত্ ভারী খারাব আর বিষবলা এক বাবত্যে ঘা দেগা দিলো।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।

বিচের গুরিয়্যেগুন 17:3

সে তের কেজি দ্বিশত গ্রাম রুবো তে তা মাবোরে ফিরেই দিলো। সেক্কে তা মাবো তারে কলঅ, “এ রূবোগান মুই লগেপ্রভুর নাঙে উৎসর্ব গরঙর্‌ যেনে মঅ পূঅবো সিয়েন্দোই শীল্‌ মাজ্যে এক্কো মূত্তি আর ছাজি গোলেনেই আর এক্কো মূত্তি বানাই। সেনত্তেই মুই এ রূবোগান তরে ফিরে দিম্‌।”