যাত্রা 20:24 - Chakma Bible

²⁴ তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 20:24 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

২ শমূয়েল 6:12

রাজা দায়ূদে শুনিলোদে গোজেনর্‌ সুন্দুক্কো ওবেদ-ইদোমর ঘরত্‌ থানার কারনে লগেপ্রভু তা ঘরর্‌ বেক্কুনোরে আহ্ তার্‌ বেক্কানিত্‌ বর্ দিয়্যে। সেক্কে দায়ূদে যেইনে ওবেদ-ইদোমর ঘরত্তুন্‌ ফুত্তি গত্তে গত্তে গোজেনর্‌ সুন্দুক্কো দায়ূদ-শঅরত্‌ নেযেল।

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

১ রাজাবলী 9:3

লগেপ্রভু তারে কলঅ, তুই যে তবনা আর কোজোলিগান মইদু গোজ্যস্‌ সিয়েন্‌ মুই শুন্ন্যং। তর্‌ বানেয়্যে এ তবনা-ঘরান্‌ জিংকানিবর্‌ মর্‌ থেবারঘর্‌ ইজেবে মঅ নাঙে যুদো গোজ্যং। ইয়েন উগুরে নিত্য মঅ চোখ্‌কুন্‌ আর মনান্‌ থেবঅ।

২ রাজাবলী 5:17

নামানে কলঅ, “তুই যুনি কিজু নঅ নেযাচ্‌ সালে দোয়্যে গুরিনে দ্বিবে গাধায় বুয়োই নেযেই পারন্‌ এধোক্ক্যেন মাদি তঅ চাগর্‌বোরে দে, কিত্তে তর্‌ এ চাগর্‌বো লগেপ্রভু বাদে আর কনদিন্‌অ কনঅ দেবেদার ইদু পূজ্যে আর অন্য উৎসর্ব ন-গরে।

২ বংশধর 12:13

রাজা রহবিয়ামে যিরূশালেমত্‌ নিজোরে দরমর গুরি থিদেবর্ গুরিনে রাজাগিরি গুরিলো। তে যেক্কেনে রাজা ওইয়্যে সেক্কে তার্‌ বয়সছান্‌ এলদে একচোল্লিশ বজর্‌। ইস্রায়েল গুট্টিগুনোর পুরো জাগায়ানি ভিদিরেত্তুন্‌ যে শঅরান্‌ লগেপ্রভু নিজোর্‌ থেবার্‌ জাগা ইজেবে বেঈ নেযেয়্যে সে যিরূশালেম শঅরত্‌ রহবিয়ামে সতর বজর রাজাগিরি গোজ্যে। রহবিয়াম মাবো নাঙান্‌ এলদে নয়মা; তে অলদে অম্মোনীয়া।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

২ বংশধর 7:16

এ উবোসনা-ঘরান্‌ মুই বেঈ লোইনে উমরত্তে মর্‌ থেবার্‌জাগা ইজেবে মঅ নাঙে যুদো গোজ্যং। ইয়েন উগুরে আমিঝে মঅ চোগকুন্‌ আর মনান্‌ থেবঅ।

ইষ্রা 6:12

কনঅ রাজা বা কনঅ জাদে যুদি এই উগুমান অমান্য গুরিনে যিরূশালেমর্ সেই উবোসনা-ঘরান ভস্ত গুরিবাত্যে যায় সালেন্ গোজেনে, যিবে সিয়েনত্ বজত্তি গরে তে যেনে তারে ভস্ত গরে। মুই দারিয়াবস এই উগুমান দুয়োঙর্। ইয়েন যেনে যত্তন্ গুরিনে পালন্ গরা অয়।

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

গীতসংহিতা 101:2

দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

গীতসংহিতা 122:2

ও যিরূশালেম, আমি তঅ গেদো ভিদিরে যেইনে থিয়্যেলং।

গীতসংহিতা 128:5

সিয়োনত্তুন্ লগেপ্রভু তরে বর্ দিবো; জিংকানিবর্ তুই যেন যিরূশালেমর ভালেদি দেগচ্।

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

গীতসংহিতা 74:7

তর্ সুদ্ধো-সাংগ জাগানত্ তারা আগুন বাজেই দুয়োন্, তর্ থেবার জাগানত্ মাদি সমারে মিজেইনে অসিজি গোজ্যন্।

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

যাত্রা 10:25

জোবত্‌ মোশি কলঅ, “আমার গোজেন লগেপ্রভুর্‌ নাঙে পুজ্যে আর অন্য ডালি দিবার্‌ য়েমানুন্ তত্তুন্ তোগেই দিয়্যে পুরিবো।

যাত্রা 18:12

ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্‌ আনিল। পরেদি হারোণ আর ইস্রায়েলীয়গুনোর্‌ বেক্‌ বুড়ো মাই-মুরুব্বীগুনে গোজেন মুজুঙোত্‌ মোশি শুয়োর্‌বো লগে হেবাত্তে বজিলাক্।

যাত্রা 20:25

পাত্তর্‌লোই মত্তে কনঅ‌ ডালিপূজো বানেবাত্তে যেইনেই সেই পাত্তরুন্‌ ন-কাবিবা। সিগুনো উগুরে মেচিন্‌ বেবহার্‌ গুরিলে তুমি সিগুন্‌ অসিজি গুরি ফেলেবা।

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

যাত্রা 24:5

সে পরেদি তে কয়েকজন ইস্রায়েলীয় গাবুজ্যেরে পাধেই দিলো আর তারা যেইনে লগেপ্রভুর্‌ নাঙে কয়েক্কো পুজ্যে-উৎসর্বর্ অনুষ্ঠান গুরিলাক্ আর উদোলোলি-উৎসর্ব ইজেবে কয়েক্কো বলদ গোরুয়ো উৎসর্ব গুরিলাক্।

যাত্রা 27:1

বাব্‌লা তক্তালোই পাচ্‌ আত লাম্বা, পাচ্‌ আত্‌ পাদাজ্যে আর তিন আত্‌ উজু গুরি এক্কো চের্‌কুন্যে ডালিপূজো বানেবা।

যিশাইয় 64:5

যিগুনে গোজেনর আওজ্ মজিম কাম গুরিবাত্তে গম্ পান আর তরে ইদোত্ গুরিনে তঅ পধেদি চলন্ তারারে সাহায্য গুরিবাত্তে তুই এই থাচ্; মাত্তর্ আমি পাপ গোজ্যেই আর ভালোক্ দিন ধুরিনে সেই অবস্থাত্ আগিই বিলিনে তুই আমা উগুরে অমদক রাগ গুরি আগচ্। সালে আমি কেধোক্ক্যেন গুরি উদ্ধোর্ পেবং?

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:21

তমার গোজেন লগেপ্রভু নিজোরে ফগদাং গুরিবাত্তে যে জাগায়ান বেঈ নেযেব সিয়েন্‌ যুনি তমাত্তুন্‌ বোউত্‌ দূরোত্‌ অয়, সালে মর্‌ দিয়্যে উগুম মজিম তুমি লগেপ্রভুর দিয়্যে গোরু-ভেড়ার পালত্তুন্‌ য়েমান নেযেইনে কাবি পারিবা আর যার যার আদাম আর শঅরত্‌ আওজ্ মজিম য়েরা হেই পারিবা।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 14:23

তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।