যাত্রা 20:19 - Chakma Bible

¹⁹ তারা মোশিরে কলাক্, “তুই আমা লগে কধা কঅ‌, আমি শুনিবোং; মাত্তর্‌ গোজেনে যুনি আমা লগে কধা কয়্‌ সালে আমি মারা পুড়িবোং।”

যাত্রা 20:19 Iomraidhean Croise

পত্থম 3:10

তে কলঅ, “বাগান ভিদিরে মুই তঅ রঅবো শুন্যং। মাত্তর্ মুই লাংদা-বাংদা, সেনত্যে দরে লুগি আগং।”

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

যাত্রা 33:20

মাত্তর্‌ তুই মর্‌ মুয়োন্‌ ন-দেগিবে, কিত্তে মরে দেগানার্‌ পরেন্দি কনজনে বাঁজি থেই ন-পারন্‌।”

প্রেরিত্‌ 7:38

এই মোশি ধূল্যেচর-চাগালাত্ ইস্রায়েলীগুনোর সেই দল ভিদিরে আমা পূরোণি মানুচ্চুনো সমারে এলঅ। যে স্বর্গদূত্‌তো সিনাই মুড়োবোত্ কধা কোইয়্যে এই মোশি সেই স্বর্গদূত্‌তো সমারে সিধু এলঅ। আমারে দিবাত্যে সত্য কধানি এ মোশি সিধু পেইয়্যে।

গালাতীয় 3:19

সালে রীতি-সুদোম্ কিত্ত্যে দিয়্যে ওইয়্যে? মানুচ্‌ পাপ গরানার্ কারনে গোজেনর্ এগেম্ মজিম রীতি-সুদোম্ মিজে ওইয়্যে। যিবে পৌইদ্যেনে গোজেনে এগেম গোজ্জ্যে অব্রাহামর্ সেই গুট্টিবো ন-এজানা সং অদে অদে থেবাত্যে রীতি-সুদোম্ দিয়্যে ওইয়্যে। স্বর্গদূত্‌তুনোর্ মাধ্যমে একজন মোধ্যে এইনে এই রীতি-সুদোমানি অদে অদে গরা ওইয়্যে।

দ্বি’লম্বর বিররণ 18:16

হোরেব মুড়েবো ইদু যেদিন্যে তুমি বেক্কুনে লগেপ্রভুর মুজুঙোত্‌ এগত্তর ওইয়ো সেদিন্যে তুমি তমার গোজেন লগেপ্রভু ইদু সিয়েনোই চেইয়ো। তুমি কোইয়োদে, আর আমি আমার গোজেন লগেপ্রভুর কধানি শুনিবাত্তে বা এই দাঙর্‌ আগুনান দেগিবাত্তে ন চেই; সালে আমি মারা পুড়িবোং।

দ্বি’লম্বর বিররণ 5:5

সে অক্তত্‌ আগুনো দরে তুমি মুড়োবো উগুরে ন-উদো বিলি মুই তমার্‌ আর লগেপ্রভুর সংমোধ্যে থিয়্যেইনে তার্‌ কধানি তমা ইদু ফগদাং গোজ্যং। সেক্কে লগেপ্রভু কোইয়্যেদে,