16 কারঅ বিরুদ্ধে মিজে সাক্ষী ন-দুয়ো।
পররে নিন্দে ন-গরে, সমাজ্যেরে ক্ষেতি ন-গরে, পাড়াল্যেগুনোর্ সর্মানান্ বর্বাদ্ ন-গরে,
মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্জ্যরে এজাল্ ন-দিবা।
যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;
যে পররে সজ্জায় তে গুমুড়ো কধানি কোই দে, মাত্তর্ বিশ্বেজি মান্জ্যে কধানি গুমুড়োত রাগান্।
মিজে সাক্ষিগুনে সাজা পেবাক্কে পেবাক্; যে সাক্ষিবো মিজে কধা কয় তে রেহাই ন-পেবঅ।
যে মানুচ্চো পাড়াল্যে বিরুদ্ধে মিজে সাক্ষি দে তে গদা, তলোয়ার আর ধারেয়্যে সেল ধোক্ক্যেন্।
চুর্ ন-গুরিবা, কাররে ন-ঠোগেবা, মিজে কধা ন-কবা।
কাররে ইংসে-নিন্দে গুরি বেড়ানা ন-চলিবো। কনঅ মান্জ্যর্ পরাণানর্ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।
হেনা চুযোনা ন-চলিবো, বা কারঅ বিপক্ষে মন ভিদিরে ইংসের্ মনভাব পুযি রাগানা ন-চলিবো। বেক্ মানুচ্চুনোরে নিজো ধোক্ক্যেন গুরি কোচ্পা-পুরিবো। মুই লগেপ্রভু।
সে গাবুজ্যে মরত্তো কলঅ, “কন্ কন্ উগুমানি?” যীশু কলঅ, “খুন্ ন-গুরিচ্, সিনেলী ন-গুরিচ্, চুর্ ন-গুরিচ্, মিজে সাক্ষি ন-দিচ্,
কয়েক্কো সৈন্যয়ো তারে পুযোর্ গুরিলাক্, “আর আমি কি গুরিবোং?” যীশু সেই সৈন্যগুনোরে কলঅ, “জুলুম্ গুরিনে বা অন্যেয়গুরি দুষ্ দেগেইনে কারত্তুন্ কিচ্চু আদায় ন-গোজ্য আর তমা বেতনুন্দোই হুজি থাগঅ।”
তারা কয়েক্কো মিজে সাক্ষী আনিলাক্। এ মিজে সাক্ষীগুনে কলাক্, “এ মানুচ্চো নিত্য উবোসনা-ঘর বিরুদ্ধে আর মোশির আইন-কানুনো বিরুদ্ধে কধা কয়।
নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।
কারঅ বিরুদ্ধে মিজে সাক্ষি ন-দুয়ো।
যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।
তারা ইধু কোচ্পানা জিনিস্চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।
ভেইলগ্, তুমি একজন আরেকজনরে নিন্দে ন-গোজ্জ্য। যে কেঅ ভেইয়ো বিরুদ্ধে কধা কয় বা ভেইয়ো দুষ্ তগায় তে রীদি-সুদোম বিরুদ্ধে কধা কয় আর রীদি-সুদোমর্ দুষ্ তোগেইনে বেড়ায়। যুনি তুই রীদি-সুদোমর্ দুষ্ তোগেইনে বেড়াচ্ সালে দঅ তুই সিয়েন ন-পালর্ বরং সিয়েনর বিচের গরর্।
