যাত্রা 20:13 - Chakma Bible

¹³ খুন্‌ ন-গোজ্য।

যাত্রা 20:13 Iomraidhean Croise

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

২ বংশধর 24:22

সখরিয় বাপ্পো যিহোয়াদা রাজা যোয়াশ উগুরে যে বিশ্বেজ্‌ছান্‌ দেগেয়্যে সিয়েন্‌ যোয়াশে মনত্‌ ন-রাগেইনে তা পুয়োবোরে মারে ফেলেল। সখরিয় মুরি যেবার অক্তত্‌ কোইয়্যেদে, “লগেপ্রভু এ কামান্‌ দেগিনে তরে সাজা দিবো।”

যাত্রা 21:12

কনঅ‌ মান্‌জোরে আঘাত্‌ গুরিবার্‌ কারনে যুনি তার্‌ মরণ অয়্‌ সালে আঘাত গুরিয়্যেবোরে হামাক্কায়্‌ মারে ফেলা পুরিবো।

যাত্রা 21:14

যুনি কনজনে আগেত্তুন্‌ ধুরি চিন্তে-ভাবনালোই আওজ্ গুরিনে অন্য কাররে মারে ফেলেইনে ডালিপূজোবো ইদু যেইনে আশ্রয় লয়, সালে সিয়োত্তুনো তারে ধুরি আনিনে মারে ফেলা পুরিবো।

যাত্রা 21:20

যুনি কনজনে তার্‌ চাগর্‌ বা চাগরানিবোরে লুদিক্কোয়্‌ মারণ্‌ আর সিয়েনর্‌ কারনে তে মুরি যায় সালে আঘাত গুরিয়্যেবোরে সাজা-দিয়্যে পুরিবো।

যাত্রা 21:29

মাত্তর্‌ গোরুবোর্‌ যুনি বেজামারেদে অভ্যেস্‌ থায় আর তা গিরোজ্‌সোরে উজিয়ার্‌ গুরি দেনার্‌ পরেন্দিয়ো তে তারে আক্‌সো ন-রাগায়্‌ আর সে গরুবো কনঅ‌ মরদ্‌ বা মিলেরে মারে ফেলায়্‌, সালে পাত্তর্‌লোই‌ দলা মারিনে সে গরুবোরে মারে ফেলা পুরিবো আর গিরোজ্‌সোরেয়ো মারে ফেলা পুরিবো।

যাত্রা 23:7

সাজেয়্যে মামলাত্তুন্‌ দূরোত্‌ থেবা আর কনঅ‌ দুষ্‌ নেইয়্যে বা গম্‌ মান্‌জ্যরে মরণর সাজা-ন-দিবা। এই অন্যেয়ানি যে গুরিবো তারে মুই রেহাই ন-দিম্‌।

গম্ উপদেজ্ 1:11

ধোজ্য, কনজনে কলঅ, “আমা লগে এজঅ, খুন গুরিবাত্তে যেই আমি হাপ্ দি থেই, কনঅ নিদ্দুযি মান্‌জ্যরে ধুরিবাত্তে পোল্ল্যেই থেই।

গম্ উপদেজ্ 1:18

এ মানুচ্চুনে নিজে খুন্ অবাত্তে হাপ্ দি থান, নিজে শেজ্ অবাত্তে পৌল্যেই থান্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

লেবীয় 24:17

“যুনি কনজনে কাররে খুন গরন্‌ সালে তারেয়ো মারে ফেলা অবঅ।

লেবীয় 24:21

য়েমান মারে ফেলেলে ক্ষেতি পূরোণ দিয়্যে পুরিবো, মাত্তর্‌ মানুচ্‌ মারে ফেলেলে মরা পুরিবো।

মথি লেখ্যে গম্ হবর্ 19:18

সে গাবুজ্যে মরত্তো কলঅ, “কন্ কন্ উগুমানি?” যীশু কলঅ, “খুন্ ন-গুরিচ্, সিনেলী ন-গুরিচ্, চুর্ ন-গুরিচ্, মিজে সাক্ষি ন-দিচ্,

মার্ক 10:19

তুই দঅ উগুমানি হবর্ পাজ্- ‘খুন্ ন-গোজ্য, বেভিচের্ ন-গোজ্য, চুর্ ন-গোজ্য, মিজে সাক্ষি ন-দুয়ো, ন-ঠোগেয়্য, মা-বাবরে সর্মান গোজ্য।’ ”

লূকে লেখ্যে গম্ হবর্ 18:20

তুই দঅ উগুমানি কোই পারচ্, ‘বেভিচের্ ন-গুরিচ্, খুন্ ন-গুরিচ্, চুর্ ন-গুরিচ্, মিজে সাক্ষি ন-দিচ্, তঅ মা-বাবরে সর্মান গুরিচ্।’ ”

প্রেরিত্‌ 16:28

সেক্কে পৌলে রঅ ছাড়িনে কলঅ, “থামা, নিজোরে ক্ষতি ন-গুরিবে; আমি বেক্কুনে ইধু আঘিই।”

প্রেরিত্‌ 28:4

সাপ্পোরে পৌল আঢত্ ঢুলদে দেগিনে সেই দ্বীপোর্ মানুচ্চুনে কুয়ো কি গরা ধুরিলাক্, “এ মানুচ্চো ঘেচ্চেকগুরি খুনী, কারন সাগর আঢত্তুন্ রোক্ষ্যে পেলেয়ো গম্ দেবেদাবো তারে বাঁজিবাত্তে ন-দিলো।”

রোমীয় 13:9

উগুম আঘে, “সিনেলী ন-গোজ্জ্য, খুন্ ন-গোজ্জ্য, চুর্ ন-গোজ্জ্য, লুভ্ ন-গোজ্জ্য।” ইয়েনি বেক্কানি আর এবাবোত্যে আরঅ অন্যান্য উগুমানি মিলিনে এক কধায় কুয়ো ওইয়্যেদে, “তুমি পাড়াল্ল্যেগুনোরে নিজো ধোক্ক্যেন্ কোচ্‌পেইয়ো।”

গালাতীয় 5:21

ইংসে, মাত্তল্ অনা, রঅ ছাড়িনে মদ হানা, আর এবাবোত্যে ভালোক্কানি। মুই যেধোক্ক্যেন্ গুরি ইয়েনর্ আঘেদি তমারে উজিয়ার্ গোজ্জ্যং ইক্কিনিয়ো সিয়েন গুরিনে কঙর্, যিগুনে এবাবোত্যে কাম্ গরন গোজেন রেজ্যত্ তারার্ জাগা ন-অবঅ।

দ্বি’লম্বর বিররণ 5:17

খুন্ ন-গোজ্য।

১ তীমথিয় 1:9

আমি ইয়েন্অ কোই পারিই, কনঅ সৎ মান্‌জ্যত্যে এ আইন-কানুনানি দিয়্যে ন-অয়; সিয়েনি দিয়্যে ওইয়্যেদে তারাত্যে যিগুনে আইন অমান্য গরন্ আর অবাধ্য অন্, যিগুনে ভক্তিনেইয়্যে আর পাপী, যিগুনে অপবিত্র আর অধার্মিক, যিগুনে বাপ্-মারে মারে ফেলান, যিগুনে খুন্ গরন,

যাকোব 2:11

তে কোইয়্যেদে, “পর্‌পাগোল্যে ন-ওইয়ো,” তেয়ই আরঅ কোইয়্যেদে, “খুন্ ন-গোজ্জ্য।” সালে যুনি তুমি পর্‌পাগোল্যে ন-ওইনে খুন্ গরঅ সালে কি তুমি সুদোম-অমান্যগুরিয়্যে ন-অলা?

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।