যাত্রা 2:24 - Chakma Bible

²⁴ গোজেনে তারার্‌ কানা-কুদিগানি শুনিলো আর অব্রাহাম, ইসহাক আর যাকোবত্তে যে সুদোমান তে থিদেবর্ গোজ্যে সে কধাগান চিদে গুরিলো।

যাত্রা 2:24 Iomraidhean Croise

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

পত্থম 16:11

তে তারে আরঅ কলঅ, “চাহ্‌, তুই পিদিলী ওইয়োচ্‌। তর্‌ এক্কো পুয়ো অবঅ। আর সে পুয়োবোর নাঙান্‌ তুই ইশ্মায়েল (যিয়েনর্‌ ভেদ্‌তান্ ‘গোজেনে শুনে’) রাগেবে, কিত্তে তর্‌ দুঘোর্‌ কানানিগান লগেপ্রভু কান্‌ পাত্যে।

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 18:18

অব্রাহাম আর তা বংশর্‌ মানুচ্চুনো ভিদিরেত্তুন দঅ এক্কো দাঙর্‌ খেমতাবলা জাদ অবঅ আর সে জাদ ভিদিরেন্দি দঅ পিত্‌থিমীর্‌ বেক্‌ জাদতুনে বর্ পেবাক্।

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 35:12

যে দেজ্‌ছান্‌ মুই অব্রাহামরে আর ইস্‌হাকরে দুয়োং সে দেজ্‌ছান্‌ মুই তরে দিম। সে দেজ্‌ছান্‌ মুই তঅ পরেদি তঅ বংশর্‌ মানুচ্চুনোরে দিম্‌।”

পত্থম 8:1

জাহাজত্‌ নোহ আর তা লগে যিদুক্কুন ঘোর্‌বো আর ঝাড়্‌বো য়েমান এলাক্ গোজেনে তারারে মনত্‌ রাগেয়্যে। তে পিত্‌থিমীয়ান উগুরে বোইয়্যের্‌ পাদেল, সেক্কে পানি কমা ধুরিলো।

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

গীতসংহিতা 102:2

মঅ দজাত্ তুই মুয়োন্ ফিরেই ন-রাগেচ্। মঅ কধাগান শুন; মুই ডাগিলে শমক্ দেদে তুই দেরি ন-গুরিচ্।

গীতসংহিতা 105:42

তা চাগর অব্রাহাম ইদু তে যে পবিত্র এগেমান্ গোজ্যে সিয়েন তে ইদোত্ তুলিলো।

গীতসংহিতা 106:45

তারাত্তেই তার থিদেবর্ গোজ্যে সুদোমর্ কধানি তে ইদোত্ তুলিলো; তার থুম্ ন-ওইয়্যে, অমকদ কোচ্‌পানা থানায় তারারে মেয়্যে গুরিলো।

গীতসংহিতা 138:3

মুই যেক্কেনে তরে ডাগিলুং তুই মরে জোব্ দিলে; মঅ মনত্ খেমতা দিইনে তুই মরে সাহসী বানেয়োচ্।

গীতসংহিতা 22:24

দুখিগুনোর দুখ্ দেগিনে তারে তে তুচ্ছো বা এলাফেলা ন-গরে; তে তাত্তুন্ নিজোর্ মুয়োন্ ন-ফিরেই, বরং বল্ পেবাত্তে তে তার্ কোজোলীগান শুন্যে।

গীতসংহিতা 22:5

তারা তইদু কানিদাক্ আর রোক্ষ্যে পেদাক্; তঅ উগুরে বিশ্বেজ্ গুরিনে তারা লাজত্ ন-পড়িদাক্।

গীতসংহিতা 79:11

বন্দিগুনোর কানানিগানি তঅ কানত্ লুমোক্; যিগুনো উগুরে মরণর রায় দিয়্যে ওইয়্যে তর্ দাঙর্ বল্লোই তুই তারারে বাঁজা।

যাত্রা 6:5

মিসরীয়গুনে ইস্রায়েলীয়গুনোরে চাগর্‌ বানেইনে রাগেয়োন্। তারার্‌ কানানি শুনিনে সে সুদোমর্‌ কধাগান মুই চিদে গুরিলুং।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

বিচের গুরিয়্যেগুন 2:18

লগেপ্রভু যেক্কে তারাত্তেই কনঅ শাজন্ গুরিয়্যে থিক্‌ গুরিদো সেক্কে তে তা সমারে থেদঅ। সে শাজন্ গুরিয়্যেবো যেদকদিন বাঁজি থেদঅ‌ সেদকদিন সং লগেপ্রভু শত্রুগুনোর আঢত্তুন্‌ ইস্রায়েলীয়গুনোরে রোক্ষ্যে গুরিদো। অত্যেচারীগুনোর আঢত্‌ যন্ত্রণা আর দুখ্‌ পেইনে তারা যেক্কে কানাকুদি গুরিদাক্‌ সেক্কে তারা উগুরে লগেপ্রভুর মেইয়্যে অদঅ‌।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”