যাত্রা 2:16 - Chakma Bible

¹⁶ সিদুগোর্‌ মিদিয়োনীয় ধর্মগুরুবোর্‌ সাত্তো ঝি এলাক্। সিগুনে তারা বাব্‌‌পোর্ ভেড়াছাগলুনোরে পানি হাবেবাত্তে পানি তুলিনে গাবালা ভুরিবাত্যে সে জাগানত্‌ গেলাক্।

যাত্রা 2:16 Iomraidhean Croise

পত্থম 14:18

শালেমর রাজা মল্কীষেদকে অব্রামত্তে পিদে আর আংগুর-রস আনিলো। তে এলদে দাঙর্ গোজেনর ধর্মগুরু।

পত্থম 24:11

শঅরান বারেন্দি এক্কো কূয়ো এলঅ। সে চাগর্‌বো সিদু লুমিনে তার উট্‌তুনোরে সে কূয়োবো ইধু আদু পাড়িনে বোজেল। সেক্কে প্রায় সাজোন্যে অক্তত্‌, মিলেগুনে পানি তুলিবার্‌ অক্তত্‌।

পত্থম 24:13

চাহ্, এ শঅর মিলেগুনে পানি নিবাত্তে নিগিলি এচ্চোন্‌, আর মুই এ কূয়োবো কুরে থিয়েই আগং।

পত্থম 29:2

সিয়েনত্‌ চেরোকিত্তে রিনি চেইনে তে মাদঅ ভিদিরে এক্কো কূয়ো দেগিলো। সে কূয়োবো ইধু তিন্‌নো ভেড়া পালে ঘুম্‌ যাদন্‌। য়েমান্‌ চোড়েয়্যেগুনে সিয়োত্তুন্‌ তারারে পানি হাবেদাক্। কূয়োবো মুয়োনত্‌ অমকদ দাঙর্‌ এক্কো পাত্তর্‌ বোজেয়্যে এলঅ।

পত্থম 41:45

ফরৌণে যোষেফর নূয়ো নাঙান দিলো সাফনৎ-পানেহ। ওন্‌ শঅর ধর্মগুরু পোটীফর ঝি আসনতর লগে তে যোষেফর জড়া বানি দিলো। সে পরেদি যোষেফে গোদা মিসর্‌ দেজ্‌ছান্‌ ঘুরি এবাত্তে নিগিলিলো।

যাত্রা 18:1

গোজেনে তার মানুচ্‌ ইস্রায়েলীয়গুনোত্তে আর মোশিত্তে যিয়েনি গোজ্যে সিয়েনি বেক্কানি মোশির শুয়োরবো মিদিয়নীয় ধর্মগুরু যিথ্রোর্‌ কানত্‌ গেলঅ। লগেপ্রভু কেধোক্ক্যেনগুরি মিসর দেজত্তুন্‌ ইস্রায়েলীয়গুনোরে নিগিলেই আন্যে তে সিয়েনঅ শুন্যে।

যাত্রা 18:12

ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্‌ আনিল। পরেদি হারোণ আর ইস্রায়েলীয়গুনোর্‌ বেক্‌ বুড়ো মাই-মুরুব্বীগুনে গোজেন মুজুঙোত্‌ মোশি শুয়োর্‌বো লগে হেবাত্তে বজিলাক্।

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

১ শমূয়েল 9:11

যে পথতান্‌ শঅরর্‌ ইন্দি উঠ্যেগোই তারা যেক্কে সেই পথ্‌তান্‌ ধুরিনে উঠ্‌থোন্দোই সেক্কে কয়েক্কো মিলে সমারে তারার দেগা অলঅ। সেই মিলেগুনে পানি নিবাত্তে নিগিলি এচ্চ্যন্‌। তারা সেই মিলেগুনোরে পুযোর্‌ গুরিলাক, “দর্শকে কি ইদু আঘে?”