যাত্রা 19:9 - Chakma Bible9 ইয়েন পরেদি লগেপ্রভু মোশিরে কলঅ, “মুই তঅ সমারে যেক্কে কধা কোম্ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্ তমা ইদু এইম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্ মোশি পরেদি সিয়েনি লগেপ্রভুরে জানেল। Faic an caibideil |
তার্ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্। তারা যেবার্ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্ গোজেন লগেপ্রভু উগুরে বিশ্বেজ্ গরঅ, সালে তুমি ঠিগ্ থেই পারিবা। তা ভাববদীগুনো উগুরে বিশ্বেজ্ রাগ, সেক্কে তুমি ফোলেবা।”
তুমি সে দিনোর্ কধা মনত্ তুল্য যেদিন্যে তুমি হোরেবত্ তমার্ গোজেন লগেপ্রভুর মুজুঙোত্ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্ এগত্তর্ গর্ যেনে তারা এ পিত্থিমীত্ সারা জিংকানিবর্ মরে ভোক্তি গুরি চুলিনে শিগি পারন্ আর তারার্ ঝি-পূঅগুনোরে মর্ উগুমোর্ কধাগানি শিক্ষ্যে দি পারন্।