যাত্রা 19:16 - Chakma Bible

¹⁶ তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 19:16 Iomraidhean Croise

২ শমূয়েল 22:10

তে আগাজ্‌চানরে লোঙেইনে লামি এলঅ; তা টেঙত্‌ তলে এলদে ঘুর্‌ঘুজ্যে কালা মেঘ।

২ বংশধর 5:14

সে মেঘত্তে ধর্মগুরুগুনে তারার্‌ সেবা-কামানি গুরি ন-পারিলাক্‌, কিত্তে লগেপ্রভুর মহিমায় গোজেন ঘরান পেলেপেলে ওই যেইয়্যে।

ইয়োব 38:25

অমকদ ঝড় এবাত্তে আর দেবা পেরাগ্ আহ্ ঝড়ত্তে কন্না পথ গোজ্যে,

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

গীতসংহিতা 77:18

বোইয়্যের ঝড়ে তর্ দেবা পেরাগ রঅ শুনো গেলঅ, তর্ ঝিমিলেনিলোই পিত্‌থিমীগান পহর্ অলঅ; পিত্‌থিমীগান গিরগিরেল আর টলমল গুরি উদিলো।

গীতসংহিতা 81:8

ও মঅ মানুচ্চুন্, তুমি মর্ উজিয়ার কধাগান শুনো; ও ইস্রায়েলীয়গুন, মর্ অমকদ আওজ্, তুমি মঅ কধানি শুনো।

গীতসংহিতা 97:4

তা কারেন্টর্ ঝিমিলেনিয়ে দুনিয়েগান পহর্ অলঅ; সিয়েন দেগিনে পিত্‌থিমীগান গির্‌গিরে উদিলো।

যাত্রা 19:15

সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

যাত্রা 19:17

সেক্কে গোজেন মুজুঙোত্‌ যেবাত্তে মোশি তাম্বুলোত্তুন্ মানুচ্চুনোরে নিগিলেনেই নেযেল। মানুচ্চুনে মুড়োবোর্‌ তলে যেইনে ঠিয়্যেই রলাক্‌।

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যাত্রা 20:21

মানুচ্চুনে দূরোত্‌ ঠিয়্যেই রলাক্‌ আর মোশি গোজেন ইদু সেই ঘন মেঘ ইন্দি উজেই গেলঅ‌।

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 9:23

সেক্কে মোশি আগাজ কিত্তেদি তা লুদিক্কো উজু গুরি ধুরিলো। সিয়েন্দোই লগেপ্রভু এমন্‌ গুরিলো যিয়েনত্যে মেঘ গুজুরি উদিলো আর শিল পড়েদে-ঝড় পড়া ধুরিলো আর মাদি উগুরে থাদাল্ (পেরাক্‌) পড়া ধুরিলো। এধোক্ক্যেন গুরিনে লগেপ্রভু মিসর দেজ্‌ছান উগুরে শিলো-ঝড় পাদেল।

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

দ্বি’লম্বর বিররণ 5:5

সে অক্তত্‌ আগুনো দরে তুমি মুড়োবো উগুরে ন-উদো বিলি মুই তমার্‌ আর লগেপ্রভুর সংমোধ্যে থিয়্যেইনে তার্‌ কধানি তমা ইদু ফগদাং গোজ্যং। সেক্কে লগেপ্রভু কোইয়্যেদে,

ইব্রীয় 12:21

যিয়েন দেগা যেয়্যে সিয়েন এন্‌ দর্‌গরেপারা এলঅ যে, মোশি কোইয়্যেদে, “মুই দরে গির্‌গিরেঙর্।”

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।