যাত্রা 19:15 - Chakma Bible

¹⁵ সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

যাত্রা 19:15 Iomraidhean Croise

১ বংশধর 15:12

তে তারারে কলঅ, “তুমি অলাদে লেবি-গুট্টির নানান্‌ বংশর নেতা; তুমি আর তমা সমাজ্যে লেবীয়গুনে গোজেন নাঙে নিজোরে ফারক্‌ গুরি নেযেবা, যেনে যে জাগায়ান্‌ মুই যুক্কোল্‌ গুরি রাগেয়োং সে জাগানত্‌ তুমি ইস্রায়েল গোজেন লগেপ্রভুর সুন্দুক্কো আনিনে রাগেই পারিবা।

যাত্রা 19:14

ইয়েন পরেদি মোশি মুড়োবো ইত্তুন্‌ লামি এইনে মানুচ্চুনোরে সিজি গুরিলো আর মানুচ্চুনে তারার্‌ কাবড়-চুগোরানি ধোই নেযেলাক্‌।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যোয়েল 2:16

মানুচ্চুনোরে এগত্তর্ গুরিনে গোজেন নাঙে তারারে যুদো গর্; বুড়ো নেতাগুনোরে এক জাগাত্ ডাগ্, যিগুনে বুগো দুধ হান্ তারারে আর পুয়ো-ঝিগুনোরে এগত্তর্ গর্। নুয়ো বৌ নুয়ো জামেয় ঘর ফেলেই এত্তোক্।

লেবীয় 15:18

কনঅ মরদ যেক্কে কনঅ মিলেমান্‌জ্যলোই ঘুম যায়্‌ সেক্কে লের্‌ নিগিলিলে দ্বিজনত্তুন্‌ পানিলোই গাদা পুরিবো, আর তারা সাজোন্যে সং ফি-বলা অবস্থায় থেবাক্।

আমোষ 4:12

সেনত্তে ও ইস্রায়েল, মুই হামাক্কায় তমা লগে এবাবোত্যে বেবহার গুরিম। সেনত্তে ও ইস্রায়েল, তুই গোজেন মুজুঙোত্ থিয়্যেবাত্তে তুই যুক্কোল্ অ।”

সখরিয় 6:3

তিন লম্বর্ রথ্‌তানত্ এলাক্ বেক্ ধুব্ রঙর্ ঘোড়াগুন আর চের্ লম্বরত্ এলাক্ বেক্ চিদিরে-বদরা রঙর্ ঘোড়াগুন; বেক্ ঘোড়াগুন বোলী এলাক্।

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

মথি লেখ্যে গম্ হবর্ 24:44

সেনত্তে তুমিয়ো হামাক্কায় যুক্কোল্ থাগঅ, কিয়া যে সময়ানর্ কধা তুমি আজায়ো ন-গরঅ সেই সময়ানত্ মান্‌জ্য পুয়োবো এবঅ।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।