যাত্রা 19:10 - Chakma Bible

^10-11 লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যাত্রা 19:10 Iomraidhean Croise

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

২ শমূয়েল 19:24

এ পরেন্দি শৌল নাদিন্ মফীবোশতে রাজার লগে দেগা গুরিবাত্তে এলঅ। রাজা যেবার পরেত্তুন্‌ ধুরি তার গমেডালে ফিরি এজানার দিন্নো সং তে নিজো টেঙানি যত্তন্‌ ন-গরে, দাড়িগানি নঅ-কাবে আর কাবড়-চুগোরানিয়ো নঅ-ধয়।

২ বংশধর 29:34

ধর্মগুরুগুনে কম্‌ অনায় তারা বেক্‌ পূজ্যে-উৎসর্বর য়েমান চামানি চুলি ন-পারিলাক্‌; সেনত্তে কাম্‌ থুম্‌ ন-অনা সং আর অন্য ধর্মগুরুগুনে সিজি ন-অনা সং তারার্‌ লেবীয় ভেইয়ূনে তারা কামত্‌ বল্‌ দিলাক্‌, কিত্তে নিজোরে সিজি গরানা পৌইদ্যেনে ধর্মগুরুগুনোত্তুন্‌ লেবীয়গুনে আরঅ বেশ্‌ মনযোগী এলাক্‌।

২ বংশধর 29:5

“লেবীয়গুন্‌, মঅ কধাগান শুনো; তুমি নিজোর্‌ আর তমার্‌ পূরোণি মানুচ্চুনোর্‌ গোজেন লগেপ্রভুর ঘরান্‌ সিজি গরঅ। এ সুদ্ধো-সাংগ জাগানত্তুন্‌ বেক্‌ অসিজি জিনিসছানি দূর্‌ গরঅ।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

লেবীয় 11:25

যে কনজনে তারার্‌ কনঅ এক্কানর্‌ মরাকিয়্যে আত্তোই তুলোন্‌ সেক্কে তাত্তুন্‌ তার্‌ কাবড়-চুগোর্‌ ধোই ফেলা পুরিবো আর সাজোন্যে সং ফিবলা অবস্থায় থেবঅ।

লেবীয় 15:5

যে মানুচ্চোর্‌ স্রাব ওইয়্যে তার্‌ বিচ্ছোনত্‌ যে ধুরিবো তাত্তুন্‌ তার্‌ কাবড়-চুগোরানি ধোয়নে পানিলোই গাদা পুরিবো, আর তে সাজোন্যে সং ফি-বলা অবস্থায় থেবঅ।

গণাণা 11:18

তুই মানুচ্চুনোরে কঅ‌, তুমি নিজোরে লগেপ্রভুর নাঙে ফারক্‌ গুরি নেযেনে এজেত্তে কেইলেত্তে যুক্কোল্‌ অ, কিত্তে কেল্যেই তুমি য়েরা হেই পেবা। তুমি লগেপ্রভু ইদু কাঁনি কাঁনি য়েরা হেবার কধা কোইয়ো আর জানেয়োদে, ইয়োত্তুন্‌ মিসর দেজত্‌ তুমি গম্‌ এলা। সেনত্তেই ইক্কুনি তে তমারে য়েরা দিবো আর তুমি সিয়েন্‌ হেবা।

গণাণা 19:19

সিজি অবস্থায় আগেদে মানুচ্চো অসিজি অবস্থায় পোজ্যে মানুচ্চো উগুরে তিন দিনোত্‌ আর সাত দিনোত্‌ সেই পানিগান্‌ ছিদি দিবো আর সাত দিনোত্‌ তে তারে সিজি গুরিবো। যিবেরে সিজি গরা অর্‌ তাত্তুুন্‌ তা কাবড়-চুগোরানি ধোয়্‌ ফেলেইনে পানিলোই গাদা পুরিবো আর্‌ সেদিন্যে তে সাজোন্যাত্তুন্‌ ধুরি সিজি অবঅ।

গণাণা 31:24

সাত দিনোত্‌ তুমি তমার্‌ কাবড়-চুগোরানি ধোয় ফেলেবা আর্‌ সেক্কে তুমি সিজি অবা আর তাম্বুলো ভিদিরে যেই পারিবা।”

গণাণা 8:21

লেবীয়গুনে নিজোরে শুদ্ধো-সাংগ গুরিলাক আর কাবড়-চুগোর্‌ ধোই ফেলেলাক্। সে পরেদি হারোণে লগেপ্রভুর নাঙে দোলন-উৎসর্ব ইজেবে তারারে উৎসর্ব গুরিলো আর শুদ্ধো-সাংগ গুরিবাত্তে তারারে পাপ ঢাগি দিবার বেবস্থা গুরিলো।

গণাণা 8:7

ইঙিরিনে তুই তারারে শুদ্ধো-সাংগ গুরিবে: তারা উগুরে শুদ্ধো-সাংগ গুরিবার্‌ পানিগান ছিদি দিবে। সে পরেদি তারার গোদা কিয়্যেগান ধোইনে কাবড়-চুগোরানি ধোইনে নিজোরে শুদ্ধো-সাংগ গুরিবাক্।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

যিহোশূয় 3:5

ইয়েনর্ পরেন্দি যিহোশূয় মানুচ্চুনোরে কলঅ‌, “তুমি নিজোরে সিজি গুরি নেযঅ‌, কিত্যে এযেত্যেকেল্যে লগেপ্রভু তমা ভিদিরে ভালক্কানি আমক্‌ কাম্‌ গুরিবো।”

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।

১ শমূয়েল 16:5

জোবত্‌ শমূয়েলে কলদে, “অয়, মুই শান্তির মনভাব লোইন এচ্ছোং। লগেপ্রভুর নাঙে মুই এক্কো য়েমান-উৎসর্বর অনুষ্ঠান গুরিবাত্তে এচ্ছোং। তুমি নিজোরে সিজি গুরিনে মঅ লগে এই অনুষ্ঠানত্‌ মিজোগি।” ইয়েন কোইনে তে যিশয় আর তার পূঅগুনোরে সিজি গুরিলো আর সেই অনুষ্ঠানত্‌ মিজেবাত্তে তারারে বাত্যেল।