যাত্রা 19:1 - Chakma Bible

¹ মিসর দেজত্তুন্‌ নিগিলি এজানার্‌ পরেদি তিন্‌ মাসত্ ইস্রায়েলীয়গুনে সিনাই ধূল্যেচর-চাগালাত্‌ যেইনে লুমিলাক্কোই।

যাত্রা 19:1 Iomraidhean Croise

যাত্রা 12:2

এ মাস্‌সো অবঅ তমার্‌ পত্তম মাস, তমা বজরর্‌ পত্তম মাস।

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যাত্রা 12:6

ছঅবুয়ো এ মাসর চোদ্দো তারিখ সং রাগা পড়িবো। সে পরেদি সেদিন্যে বেল্‌ ডুবি যানার পরেদি পুরো ইস্রায়েল সমাজর্‌ পত্তি পরিবারর যার্ যার্‌ ভেড়া ছাগল ছঅগুন কাবিবাক্।

যাত্রা 16:1

ইস্রায়েলীয়গুনোর্‌ দল্‌লো এলীমত্তুন্‌ আরঅ‌ যানা আরাম্ভ গুরিলাক্। মিসর্‌ দেজত্তুন্‌ নিগিলি এজানার্‌ পরেন্দি দ্বিমাজর্‌ পনর দিনোত্‌ তারা সিন ধূল্যেচর-বামত্‌ যেইনে লুমিলাক্। এই জাগায়ান্‌ এলঅ‌ এলীম আর সিনাই মুড়োবোর সংমোধ্যে।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 40:2

বজরর্‌ পত্তম মাজর্‌ পোইল্যে দিনোত্‌ তুই থেবার-তাম্বুলান, অত্তাৎ মিলন-তাম্বুলান বানেবে।

যিহিষ্কেল 20:10

মুই মিসরত্তুন্ তারারে নিগিলেনে ধূল্যেচর-চাগালাত্ আনিলুং।

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

গণাণা 10:12

সেক্কে ইস্রায়েলীয়গুনে সিনাই ধূল্যেচর চাগালাগান ফেলেইনে নিগিলি গেলাক্। সেই মেঘ্‌কান পারণ ধূল্যেচর চাগালাত্‌‌ এইনে সোজা ওইনে ন-থিয়্যেনা সং তারা যাহ্ ধুরিলাক।

গণাণা 3:14

সিনাই ধূল্যেচর-চাগালাত্‌ লগেপ্রভু মোশিরে কলঅ,

গণাণা 33:15

রফীদীমান্ ফেলেইনে তারা সিনাই ধূল্যেচর-চাগালাত্‌ যেইনে তাম্বুলান ফেলেয়োন। ইয়েনর পরেদি তারা পর পর্‌ যেদক্কানি জাগাত্‌ যেইনে তাম্বুল ফেলেয়োন সিয়েনি অলঅ কিব্রোৎ-হত্তাবা, হৎসেরোৎ, রিৎমা, রিম্মোণ-পেরস, লিব্‌না, রিস্‌সা, কহেলাথা, শেফর মুড়ো, হরাদা, মখেলোৎ, তহৎ, তেরহ, মিৎকা, হশ্‌মোনা, মোষেরোৎ, বনে-যাকন, হোর্‌-হগিদ্‌গদ, যট্‌বাথা, অব্রোণা আর ইৎসিয়োন-গেবর।

দ্বি’লম্বর বিররণ 1:6

আমা গোজেন লগেপ্রভু হোরেব মুড়োবোত্‌ আমারে কোইয়্যেদে, এই মুড়োবোত্‌ তমার্‌ ভালোক্‌ দিন কাদি যেইয়্যে।

দ্বি’লম্বর বিররণ 4:10

তুমি সে দিনোর্‌ কধা মনত্‌ তুল্য যেদিন্যে তুমি হোরেবত্‌ তমার্‌ গোজেন লগেপ্রভুর মুজুঙোত্‌ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্‌ এগত্তর্‌ গর্‌ যেনে তারা এ পিত্‌থিমীত্‌ সারা জিংকানিবর্‌ মরে ভোক্তি গুরি চুলিনে শিগি পারন্‌ আর তারার্‌ ঝি-পূঅগুনোরে মর্‌ উগুমোর্‌ কধাগানি শিক্ষ্যে দি পারন্‌।

দ্বি’লম্বর বিররণ 4:15

হোরেব মুড়োবোত্‌ যেদিন্যে লগেপ্রভু আগুনো ভিদিরেত্তুন্‌ তমা ইদু কধা কোইয়্যে সেদিন্যে তুমি কনঅ চেঙেরা ন-দেগঅ। সেনত্তে তুমি নিজো উগুরে অমকদ কড়া নজর্‌ রাগেবা,

দ্বি’লম্বর বিররণ 5:2

আমা গোজেন লগেপ্রভু হোরেব মুড়োবোত্‌ আমাত্তে এক্কান সুদোম থিদেবর্ গোজ্যে।