যাত্রা 18:9 - Chakma Bible

^9-10 মিসরীয়গুনো আদত্তুন্‌ ইস্রায়েলীয়গুনোরে উদ্ধোর্‌ গুরিবাত্তে যেইনে লগেপ্রভু তারারে যেদক্কানি এজাল্‌ দিয়্যে সিয়েনত্তেই যিথ্রো হুজি ওইনে কলদে, “ধন্য লগেপ্রভু, যিবে ফরৌণ আর মিসরীয়গুনো আদত্তুন্‌ তমারে উদ্ধোর্‌ গোজ্যে! এই বেক্‌ মানুচ্চুনোরে তেয়ই মিসরীয়গুনো আদত্তুন্‌ উদ্ধোর্‌ গোজ্যে।

যাত্রা 18:9 Iomraidhean Croise

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যিশাইয় 66:10

তুমি যিগুনে যিরূশালেমানরে কোচ্‌পঅ তুমি তা সমারে ফুত্তি গরঅ, তাত্তে হুজি অ; তুমি যিগুনে তাত্তে দুঘ্ গোজ্য তুমি তা সমারে হুজি অ।‌

রোমীয় 12:10

একজন আরেক জনরে ভেইয়ো ধোক্ক্যেন্ গভীন্ গুরিনে কোচ্‌পেয়ো। নিজোত্তুন্ অন্যরে বেচ্‌ গুরি সর্মান গরঅ।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

১ করিন্হীয় 12:26

যুনি এক্কান ভাগর্ সর্মান অয় সালে বেক্ ভাগ্‌কানই তা সমারে হুজি অয়।

১ শমূয়েল 15:6

তে কেনিয়গুনোরে কলঅ, “ইস্রায়েলীয়গুনে যেক্কে মিসর দেজত্তুন্‌ নিগিলি এচ্ছোন্‌ সেক্কে তুমি তারা উগুরে দোয়্যে দেগেয়ো। তুমি অমালেকীয়গুনো ভিদিরেত্তুন্‌ অন্য কনঅ জাগাত্‌ যগোই, যেনে অমালেকীয়গুনো সমারে মুই তমারেয়ো ভস্ত গুরি ন-ফেলাং।” সেক্কে কেনীয়গুনে অমালেকীয়গুনোত্তুন্ গেলক্কোই।