যাত্রা 18:8 - Chakma Bible

⁸ লগেপ্রভু ইস্রায়েলীয়গুনোর্‌ পক্ষ ওইনে ফরৌণ আর মিসরীয়গুনো উগুরে যিয়েনি গোজ্যে সিয়েনি বেক্কানি মোশি তা শুয়োরবোরে জানেল। এজানার পদথ্‌ তারার্‌ দুগোর কধা আর কেধোক্ক্যেনগুরি গোজেনে তারারে উদ্ধোর্‌ গোজ্যে সেই বেক্‌ কধানিয়ো তে তারে জানেল।

যাত্রা 18:8 Iomraidhean Croise

পত্থম 44:34

এ পুয়োবোরে ন-নেযেইনে মুই কিঙিরিনে মঅ বাপ্পো ইধু ফিরি যেম্‌? সিয়েন গুরিলে তার্‌ দুঃখান্ মর্‌ নিজোর্‌ চোগেদি দেগা পুড়িবো।”

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 106:10

তে ঈচ্ গুরিয়েগুনোর আঢত্তুন্ তারারে রোক্ক্যে গুরিলো; শত্রুগুনো আঢত্তুন্ তারারে উদ্ধোর্ গুরিলো।

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 107:2

লগেপ্রভুর উদ্ধোর্ গোজ্যে মানুচ্চুনে এ কধাগান কোদোক্, কিত্তে তে বিপক্কগুনোর আঢত্তুন্ তারারে উদ্ধোর্ গোজ্যে;

গীতসংহিতা 66:16

তুমি যিগুনে গোজেনরে ভোক্তি গরঅ তুমি বেক্কুনে এইনে শুনো; তে মত্তে যিয়েনি গোজ্যে সিয়েনি মুই তমারে কঙর্।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

যাত্রা 16:3

তারা তাঁরারে কলাক্কে, “মিসর দেজত্‌ লগেপ্রভুর্‌ আদত্‌ আমি কিত্যেই ন-মুরিলোং। সিদু আমি য়েরার্‌ পিলেগুন মুজুঙোত্‌ থোইনে পেট ভরন্‌ পিদে-য়েরা খেদং। আমার এই পুরো দল্লোরে ন-হাবেনে মারে ফেলেবাত্তেই তুমি আমারে এই ধূল্যেচর-বামর্‌ ভিদিরে আন্য।”

যাত্রা 18:1

গোজেনে তার মানুচ্‌ ইস্রায়েলীয়গুনোত্তে আর মোশিত্তে যিয়েনি গোজ্যে সিয়েনি বেক্কানি মোশির শুয়োরবো মিদিয়নীয় ধর্মগুরু যিথ্রোর্‌ কানত্‌ গেলঅ। লগেপ্রভু কেধোক্ক্যেনগুরি মিসর দেজত্তুন্‌ ইস্রায়েলীয়গুনোরে নিগিলেই আন্যে তে সিয়েনঅ শুন্যে।

যাত্রা 2:25

তে ইস্রায়েলীয়গুনো ইন্দি রিনি চেলঅ আর তারার্ ইন্দি মনযোগ দিলো।

যাত্রা 23:23

ইমোরীয়ো, হিত্তীয়, পরিষীয়, কনানীয়, হিব্বীয় আর যিবূষীয়গুনে যে দেজত্‌ বজত্তি গত্তন্‌ মর্‌ দূত্তো তমার আগ্‌ মোলিম্‌ ওইনেই সেই দেজত্‌ তমারে নেযেব। মুই তারারে বেক্কুনোরে শেজ্ গুরি ফেলেম্‌।

যাত্রা 4:23

মরে উবোসনা গুরিবাত্তে মর্‌ পত্তম পূয়োবোরে যেবার অনুমতি দিবাত্যে মুই তরে কোইয়োং। মাত্তর্‌ তুই তারে যেবাত্তে অনুমতি ন-দুয়োচ্‌ বিলি মুই তর্‌ পত্তম পূয়োবোরে মারে ফেলেবাত্তে যাঙর্‌।’ ”

যাত্রা 7:5

মুই যেক্কে মঅ বলান্‌ দেগেইনে মিসর্‌ দেজ ভিদিরেত্তুন্‌ ইস্রায়েলীয়গুনোরে নিগিলেই আনিম সেক্কে মিসরীয়গুনে বুঝি পারিবাক্, মুই লগেপ্রভু।”

গণাণা 20:14

পরেদি মোশি কাদেশত্তুন্‌ মানুচ্‌ পাদেইনে ইদোম দেজর্‌ রাজাবোরে কোই পাদেল, “আমি, তর্‌ ইস্রায়েলীয় ভেইয়ুন, তরে এক্কান্‌ কধা কবাত্তে চেই। তুই আমার্‌ দুঘ-কষ্টর্‌ কধা জানচ্‌।